爸爸no.31


「童年約定?」我哋
「唔!以前你哋細細個互相哥哥妹妹咁稱呼,仲話大個咗要拍拖結婚,估唔到今日你哋兩個真係成為一對!」蔣震滔

「犀利吓!幾歲人仔竟然學人溝女,仲要溝老細個女,點解宜家大個反而柒咗咁多?」
我(細聲)
「係咩?我真係唔記得!」政





「唔係呀!斷晒片,dd都唔記得?」
「冇乜印象...........係呢,你記唔記得呀?」政
「記你老味!我係你老豆唔係蔣泳嘉呀,食懵咗呀?」我(細聲)

「見到你哋兩個感情咁好我都放心!」蔣震滔
「吓!」我哋
「之前阿雄嘅意外,我仲擔心會影響到你哋嘅感情!」蔣震滔

「子政,因為小女嘅任性而令你失去咗爸爸真係好抱歉!」
「唔係,嗰次只係意外,而且唔係有阿嘉我都唔知點..........」政




「放心啦爸爸,我會照顧阿政架啦,就好似佢爸爸一樣!」我

「傻妹,邊個照顧邊個都未知,不過有子政響你身邊我都放心d!」
「子政!大學畢業入嚟百滔幫我手!」蔣震滔
「吓!蔣uncle ........我驚我未必.......」政

「比d信心自己,你係阿雄個仔,虎父無犬子,阿雄做到嘅你一樣做得到!」
「而且我已經老啦,百滔都係時候要交比年輕嘅一輩啦!」

嘩!原來爸......大老闆咁睇阿政喎,睇嚟唔洗我出手,阿政都會比人踢入會!




「不過到你大學畢業都係四年後嘅事啦,依家先同我照顧阿嘉!」
「阿嘉,要聽子政話,唔好再咁任性啦!」蔣震滔
「哦!」

嘩你老味!好似嫁女咁,今晚擺埋酒吖不如,不過蔣震滔對阿政好熱情,直頭有d過份!

「阿嘉,盧碩俊依個人小見d啦,上次直頭響學校門口騷擾你同子政,如果再有
下次你要同爸爸講呀!」蔣震滔
「吓?係!」我

佢竟然知道有盧碩俊依個人?連學校嘅事都知,究竟佢仲知道幾多嘢?
佢始終係我老細,唔係普通人,以後響佢面前真係要小心d,唔好露出馬腳!

「蔣生.............」職員
「唔.......子政我有小小事辨失陪!阿嘉帶子政四圍行吓,見吓d uncle!」蔣震滔




「哦!」我

「呼~~~~」政
「洗唔洗咁嘅樣呀,講幾句嘢就成隻蟹咁,點做大事呀?」
「嗱!跳返part 舞輕鬆吓啦!」我

「其實都唔係好多人跳舞啫!」政
「依個又唔係跳舞比賽,有好多員工都係一支公嚟,又冇舞伴,加上有好多同你一樣都係
毒撚唔識跳舞,好多都係嚟吹水咋!」我

「咁你又要我跳舞?」政
「我係女主人呀!梗係要做全場焦點啦,你睇全部人都望住我哋,以後百滔有邊個
唔識你張子政!」

「真係好多人望住我哋!」政




「阿政望住我,唔好望其他人就唔會緊張架啦!」

我同阿政你眼望我眼,成個會場彷彿只有我哋兩個人,但從另一個角度睇,所有人嘅目光都集中
響蔣家大小姐同佢嘅舞伴度,今晚嘅晚會係為我哋而設,好享受依種感覺,其實依d係咪女人嘅虛榮心呢?

一件靚衫、一隻介子、一個手袋,點解會令到d 女仔呱呱叫,以前我真係唔明,但
今日我著住晚裝響阿政面前,佢眼都唔眨,我終於知道無論花幾多心機時間都係
值得!

「好啦!抖吓我哋食d 嘢先啦!」我
「今日仲食唔夠咩?仲有胃口?」
「叮!」跌咗支叉

幻覺!邊有可能會聽到佢把聲,幻覺嚟嘅,呃我唔到...........
「噹噹?」政




「政政!」茵

「點解你哋會響度架?」我
「我爸爸同你公司都有業務往來,蔣世伯都有請我爸爸嚟!」茵

係喎!阿茵爸爸好似係邊間公司高層,好似有請佢!
「但係你又會嚟嘅?」我

「我聽到囉!你嗰日同政仔講去ball 嘛,我哋諗住比個驚喜你!」噹噹
「真係好驚喜喎!」我
「哈~~~哈~~~」三個


實Q、實Q...............






「政政靚唔靚呀?佢哋d晚裝都係我借架,放學之後佢哋響我屋企試衫!」茵
「靚.......靚!」政

三隻嘢著到成隻雀咁,阿詩唔在講啦一定索,但係噹噹................






 
已有 0 人追稿