(爸爸no.1)我老豆係口靚妹: 阿政no.42

阿政no.42          傳說中的妹妹(1)


「個天好清呀!」
「阿妹!9點幾啦返屋企啦!」我
「阿政!你係咪唔入高節呀?」妹

「我哋要搬去九龍住,而且爸爸已經同我報咗九龍塘嘅中學!」我
「阿折都要搬呀,仲要搬去香港,你哋三個曾經講過要一齊入高節籃球隊,宜家得返阿浩一個!」妹





「仲有智仔同魚佬呢!」我
「嗰兩條二打六我一個都打嬴佢哋兩個啦!」妹
「唔好咁講啦,我哋五個人一條心,宜家係我同阿折對佢哋唔住!」

「唔關你哋事!係你哋嗰兩個人渣老豆嘅問題啫,真係快撚d死咗佢唔好阻住個地球轉!」妹
「可唔可以唔好響我面前咒我老豆死呀?同埋小學生唔好講粗口!」我

「講吓啫!我夠成日咒我老豆死又唔見佢死?依家仲生勾勾響上面睇緊電視!」妹
「原來人真係有好多事係唔可以自己控制,如果我係一隻貓就好啦,咁我就唔洗日日聽我老豆
鳩噏!」又講粗口





「大小姐沖小一日涼睇小日卡通片都唔得學人做貓?夜晚耍瞓公園同食老鼠啵!」
「咁日頭咪做返人囉!沖完涼打埋機睇晒卡通片食埋飯夜晚先落嚟做貓!」妹
「冇錯!我係一隻夜晚嘅貓,喵!」響個地下係咁碌

「夜貓小姐真係要返上去啦!」
「吹多陣啦喂!你轉校我有一份禮物送比你!」妹
「你都會送禮物咁好死?」不安

「貓!」




「咩.......嚟架?」我
「都話貓囉,我同學屋企生咗三隻貓仔,有兩隻虎紋貓好得意架!」妹

「但我老豆可能唔比養..........」
「養隻貓都唔比?嗱我教路,如果真係唔比你養你就自殘、界手、絕食、撞牆總之有咁大
搞咁大,就算你個人渣老豆唔理你,你阿媽都心軟啦,女人嘛!」妹

「我試吓啦,不過你咁鍾意貓點解你唔養?」我
「阿媽唔比!」
「.................」

「咁我要隻虎紋貓啦!」我
「對唔住虎紋貓賣晒得返隻黑貓!」
「轉新學校送隻黑貓比我?好似好唔老黎啵!」我





「唔好咁迷信啦!隻黑貓好型架成隻豹咁你一定鍾意!」妹
「好啦好啦!」
「記住呀唔好玩玩吓扔咗佢,第日我上你屋企見唔到佢我一定打死你!」妹
「哦哦!」

「仲有!」
「又乜嘢呀?」我
「以後唔好跟阿浩叫我阿妹啦,你又唔係我阿哥叫返我個名啦!」妹

「哦!林爾嘉!」
「唔洗叫全名呀,叫阿嘉咪得囉!」妹
「仲有攞隻手嚟!」

「又點呀?喂你做乜嘢搽d嘢落我隻手度呀?」搽完隻手跟住攞張符嘅物體印落我隻手度
「搞掂!咔!」打火機




「細路女唔好玩火啦!」我

「多事!做緊正經嘢架,我宜家同你落咗個咀咒!」妹
「咀咒..............」
「冇錯!你應承過阿浩要一齊考入大學響科大重逄,所以依六年你要專心讀書唔可以近女色
,依家我就同你落咗個降頭!」妹

「降頭...........」極度不安
「絕女降!(我發明嘅)響依6年你張子政會變得不受女仔歡迎,唔會有女仔埋身,就算身邊有女仔
都係怪獸河馬!」妹

「你不如一槍打死我啦!」我
「冇死得咁易!」笑得好可愛
「放心啦!依個降頭只會維持6年,到你F.6學期尾就會慢慢失效,到時你就會變返好似依家咁受女仔歡迎架啦!」





「記住!依6年你要努力讀書,除我之外唔可以望其他女仔一眼,心無雜念!」妹
「其實嗰度符係玩吓咋?」我
「錯!真係揾得道高僧開咗光,堅嘢嚟架!」認真
「.....................」心情低落

「唔洗喊晒口喎,仲有我依個可愛嘅女仔響你身邊嘛,笑吓啦!」妹
「阿嘉!你仲唔返上嚟?」伯母落嚟揾女
「byebye!」


「記住呀轉咗學校之後一定要揾我呀!」妹
「仲有!你冇妹妹架以後要叫我阿嘉,記住你身邊只有一個女仔,係阿嘉呀!」









「唔.............」
「叮叮.......單單.........」
咁嘈嘅?8點都未夠比我瞓多陣啦聽日仲要跑返步!
咦係喎!蔣uncle講過星期一阿嘉就會搬過住,佢一定又搬晒d傢俬雜物上嚟啦,間屋好細
咋唔好攞咁多!

「依~~~~~」
「早晨啦乜咁早呀?」我
「早晨!」
「.................」你係邊個

「做乜眼甘甘望住人啫哥哥!」面紅紅
嗯!我想同大家講小小嘢,同我講緊嘢嗰個唔係阿嘉,係一個11、12歲嘅女仔,問題嚟啦,佢究竟
係邊個?(雖然我琴晚去咗酒吧,不過好似冇飲到酒)

「小姐.........講問依度你咪我屋企?」我問咗個好戇鳩嘅問題
「未瞓醒呀?依度梗係你屋企啦,應該話依度係我哋嘅屋企!」但佢嘅答案更加令我戇鳩鳩

「又係你......又係我.......其實你係邊個?」
「我咪你你妹妹囉!」小妹妹
「...............」我幾時多咗個妹架

「呀我唔得自我介紹,我叫陳小柔係陳智聰個女,聖誕節我哋響青衣見過面嘅呢!」
「哦!你係陳uncle個女,嗰日響青衣你紮住馬尾依家冇我一時認唔出!」我
「放長咗頭髮係咪靚女咗好多呢?」笑得好甜

「係.........」我講乜鳩
「嘈住你唔好意思,我見到d碗未洗所以同你洗咗佢!」小柔
「麻煩你.........呀我未刷牙洗面,我換返件衫先!」真係失禮死人

「唔怕啦一家人嘛,你個頭亂咗我幫你整整佢!」
佢幫我整緊個頭,就好似家人一樣大家可以以最自然一面相處,唔知點解佢同其他女仔唔同,
即使係第一次見面,(都唔算第一次)都唔會有拘束嘅感覺,依d係咪家人、親人feel?

「哥哥!我榨咗杯橙汁比你,睇吓好唔好飲?」小柔
「好甜!」
妹妹整橙汁比哥哥飲真係諗都未諗過(我都冇妹),從我出世到依一刻我都係一個人,原來有兄弟姊妹
嘅感覺係咁甜蜜,真係甜過杯橙汁,不過依個情景絕對唔可以比嗰個人見到,如果唔係世界大戰都似!

「真係咁甜咩?」
「乓!」跌咗隻杯
「咁唔小心呀哥哥好彩冇爛到,咦?哥哥你做乜打晒冷震嘅?」小柔

「係咪做咗d唔見得光嘅衰嘢呀?」嘉
「你係邊個?哥哥點解會有個陌生人入咗嚟嘅?」小柔

「依句說話應該係我講架陌生人!」殺氣(嘉)
「我係陌生人?我係張子政哥哥嘅妹妹呀!」敵意(小柔)
「....................」互啤

「阿政!仲有乜說話好講,襯我唔響度帶隻小學雞返屋企過夜,仲要收埋佢做契妹?
知唔知依d叫衰十三呀?」你諗嘢可唔可以唔好咁賤格呀
「乜嘢小學雞?我13歲今年讀F.2!」小柔
「原來係隻F.2雞!」嘉

「唔好雞雞聲呀吓MK妹!」小柔
「MK...........」嘉
「.................」又啤


「等等!你依兩袋乜嘢嚟架?」小柔去摷阿嘉兩袋嘢
「喂!問都唔問摷我d嘢?有冇禮貌架?」嘉
「依度係我屋企我有權睇吓有冇違禁品!」小柔都幾野蠻

「under、bar..........你帶依d上嚟做乜呀?」小柔
「做乜啫?上嚟玩到污糟咗咪換咗佢囉!」嘉
「玩乜嘢連底衫褲都污糟埋............」小柔直頭想喊

「小柔你唔好誤會呀,只不過佢成日上嚟玩,所以帶小小衫褲上嚟...........」我
「成袋喎,佢真係冇響度過夜?」小柔
「冇、冇!」聽晚先開始

「阿政你做乜講大話啫?」你可唔可以出小句聲
「話比你聽,依度我鍾意嚟就嚟、鍾意幾時走就幾時走,唔好以為瞓一晚就可以
做契妹,我先係依度嘅女主人!」嘉
「女---主---人?」小柔眼都突埋出嚟

又啱嘅!依間屋係佢買,正確嚟講佢先係屋主!
「說話完畢!快d走啦唔好比我再見到你------街外人!」嘉

「街外人?我真係張子政哥哥嘅親妹呀!」小柔
「咁你叫乜名呀?」嘉
「陳小柔!」
「....................」

「一個姓陳一個姓張,其實你知唔知乜嘢叫做親兄妹呀?」嘉
「做乜啫?唔同姓唔可以係兄妹咩?你阿媽同你都唔同姓啦,咪又係一家人!」死撐
「阿政,的佢走!」嘉

「我同哥哥有同一個媽媽架!」不妙
「你媽媽係..............」
「林惠賢!」冇啦冇啦

「你姓陳...........你係嗰個奸夫個女?」殺氣
「喂!乜嘢奸夫咁難聽呀?你唔好亂講嘢呀我爸爸係律師,告到你坐檻都得呀!」小柔
「哈哈!一個律師仔,我話比你聽我係百滔集團個太子女有幾百億身家,我一句說話有成
個律師團同我打官司,告到你老豆律師冇得做都得呀!」嘉

「嗚.........」小柔當真
「哇!」撲埋嚟
「哥!你出句聲啦佢蝦我呀!」小柔好嗲咁望住我

「你唔夠講走去嗲阿政?」嘉
「呀!」小柔縮咗響我後面
「算啦!幾唔啱都唔關小柔事,佢細路女嚟架咋,你唔好揾佢嚟出氣啦!」我

「你見咗佢幾多個鐘呀真係當佢係妹呀?張子政!你冇妹妹架老豆就有一個,即刻同
我扔佢出街!」命令
「好囉喎,唔好真係當正自己係女主人,你先係街外人咋,當哥哥玩厭咗中出多幾次
就會飛咗你架啦!」小柔,女仔唔可以講埋d咁嘅說話

「中出即..........」嘉
「死八婆!夠薑同我講多一次!」發癲
「MK妹!」小柔

「死八婆!」
「MK妹!」
「死八婆!」
「MK妹!」
「$*&@&%*!@*%$^%^&」

已經到咗開拖嘅地步,但小柔唔係噹噹,一開拖佢一定比阿嘉打死,點呀點呀點樣阻止............

「嗄嗄...........慘得過阿政中出咗我,佢已經係我嘅人啦,我就算講乜佢都聽晒我話,你?一個
冇血緣關係嘅妹妹咋!」我幾時有中出過你呀?你唔好係唔係都噏一餐
「冇錯!我係一個冇血緣關係嘅妹妹,正正係咁反而我乜嘢都可以做得到!」小柔

「乜嘢叫做乜都做得到?」嘉
「即係你做到嘅我都一樣做到!」小柔

「你想做d乜?」嘉
「咪就係你頭先講嗰樣嘢囉!」小柔
「睇嚟你都唔係想像中咁簡單!」嘉
「嘿!」小柔
.「.................」再啤

乜嘢又依樣又嗰樣呀講乜春呀?依家最重要係阻止佢哋打架,但我可以點做?
「哥、阿政!你揀邊個?」兩個

「呼~~~呼~~~」突然間背後有股寒風吹埋嚟
「依~~~」因為有人開門
「阿政!」
「媽媽!」