(爸爸no.1)我老豆係口靚妹: 爸爸NO.46

爸爸no.46


「沖完涼快d瞓啦!」
嘩真係好舒服,好耐都未試過有依種咁安全嘅感覺,以後每到夜晚都提心吊膽嘅日子過去啦,
我已經返到自己屋企,Yeah!

「.................」碌嚟碌去
「叮櫈!」





阿政嘅whatsapp?邊個咁夜呀阿政仲沖緊涼,其實作為父母睇吓子女嘅whatsapp都好正常啫
,聽講好多父母成日都check仔女d手機....................都唔爭在我啦!

「.....................」
阿詩原來一直都有同阿政去餵貓,餵貓地點仲係阿詩屋企樓下!
竟然響我背後做咗咁多嘢,以阿詩嘅性格佢應該諗唔到依d嘢出嚟,又係佢大佬?

今日洗走咗阿政同阿詩去睇戲,其實佢係咪阿詩嘅軍師?
我彷彿感到有股惡勢力沖住我而嚟,唔得!聽日一定要跟埋去睇吓!
唔好誤會,我只係以父母嘅身份關心自己嘅子女啫,天下間所有父母都會驚自己仔女學壞,跟埋去好正常啫!





放心!我唔係d乜嘢直昇機父母-----------我係阿帕奇!我會射殺所有入侵者!


「沖完涼啦!」政
「砰!」
「嘩做乜踢我?」政
「踢你咪踢你囉瞓覺!」







*********************************************************************



「唔..................」
好涷.......衰仔呢?厠所冇聲又冇開燈,去咗邊?

「阿政!」
「......................」
「嘟嘟!」
電話都冇帶就出咗街,咁早去邊呀?雖然話係自己屋企,不過得返我一個.............







6:50am

「呼~~呼~~」
好凍.........坐咗半粒鐘真係成個人僵晒,阿政去咗邊?香港照計冇外星人架佢冇可能神秘
失失蹤,會唔會有意外?

「嘩嘩.......啦啦........」
阿政.......點解噹噹會響佢隔離嘅?佢哋究竟做d乜?

「你哋好似玩得好開心咁啵,去過邊度嚟呀?」我
「阿嘉,你點會響度架?」噹噹、政
「依句說話應該係我講架!」我

「其實我係出嚟同噹噹練跑!」政
「跑步?」我




「係呀!政仔之前比人打我見佢好似想報仇咁,我咪train一train佢囉!」噹噹

唔怪得衰仔好打咗咁多啦,原來除咗我之外仲有一個魔鬼教練!
「下次出街出句聲啦,搞到我起身見唔到你響身邊,我仲以為發生乜嘢事添!」

「起身唔響身邊?依度係政仔屋企...............」噹噹
「你----哋----同----居?」成條亞皆老街都聽到啦小姐

「唔係呀唔係同居呀我哋只係住埋一齊咋!」其實你知唔知道自己講緊乜嘢架阿政
「咁你哋有冇瞓埋一張床?」噹噹
「冇......冇冇........」口窒窒

「夠啦唔好亂諗啦其實係咁嘅.............」
「原來係咁,你爸爸又幾開通啵比你同政仔一齊住!」噹噹
「因為阿政係一個可靠又值得信任嘅囉!」我





「不過你信唔過呢!」噹噹
「政仔遲d我買個平安鐘比你,有乜嘢事即刻call我!」其實你知唔知平安鐘個function係乜嘢

「不過你夜晚餵貓、朝早跑步你頂唔頂得順?」我
「餵貓?」噹噹
「你唔知咩?阿政不嬲都有餵貓,最近連阿詩都同佢一齊餵貓添!」我

「你點知架?」政
「日頭同我跑步,夜晚同阿詩餵貓?」噹噹
「跟住返嚟同我一齊瞓!」加鹽加醋

「你d生活又幾充實個啵!」面黑黑(噹噹)
「直頭充晒血添啦!」火都嚟(我)
「砰砰、哇!」政





「男人真係信唔過!」噹噹
「你宜家先知?」我
「做乜呀?我同阿詩響公園真係餵腦乜都冇做過,我同噹噹你夠日日跑步啦又唔見我哋做乜嘢!」政

「喂喂!做乜燒埋我嗰疊.............」
「唔好扯開話題,噹噹依條TB妹究竟佢鍾意男定女我哋都唔知,講返阿詩先!」我
「死八婆無啦啦抽鳩我水!」噹噹
「嘩嘩~~~~~啦啦~~~~~」吵吵鬧鬧


「估唔到政仔原來係d咁嘅人!」噹噹
「你知道得太遲啦!」我
「好啦玩夠啦我都話同阿詩只係朋友關係冇第二d嘢呀!」政

「至怕阿詩唔係咁諗呢!」
「嗯?」噹噹
「你冇留意到咩?阿詩對阿政嘅態度好唔同!」我   

「又好似係喎!平時見到男仔就掉頭走,最近佢好似好黐阿政!」噹噹
「你係咪對阿詩有企圖?」兇啤
「緊係冇啦我當佢妹妹、好朋友咋!」政
「阿詩咁靚女你一d反應都冇?一係你係gay嘅一係你講大話!」噹噹

「咁我即係講乜都冇用啦!」政
「係!」我、噹噹

「就咁決定,以後我會同你一齊去餵貓睇實你哋兩個!」我
「其實你個friend都18歲啦點解d行為仲咁細路嘅,其實佢係咪扮豬食老虎?」噹噹
「我覺得佢扮老虎食人隻豬多d,小心呀第日跑跑吓步抽你水呀!」我

「.....................」
「喂喂喂講笑咋!不過真係唔好太親密,阿詩d小妹妹性格你對佢太好佢真係以為你鍾意佢!」噹噹
「到時你再整隻大檸檬比佢就真係連朋友都冇得做!」我

「好啦唔講啦,要返學啦!」噹噹






「呼~~~好凍,有小小病病哋今日唔返學啦!」
「你唔係呀?搬咗過嚟冇人睇住你就作反?」政
「唔好當我真係十幾歲嘅嘅靚妹,我做事自有分寸,全級第一返小兩日學都係全級第一,喂陣間出去行吓囉!」

「好呀,去學校附近行吓囉!」政
「玩嘢呀?」

「查實你對阿詩有冇感覺啫?」
「又講依D都話冇囉!」政
「阿詩又溫柔又靚女真係一d feel都冇?」我

「妹妹feel 囉,冇你諗嗰種feel呀!」政
「其實你鍾意邊類型女仔定還是你跟本鍾意麻甩佬!」
「都未遇到點知啫?唔好當我基佬!」政

「嗱!老老實實依家當所有學校女仔係AV女優,望落去邊個有反應先?」我
「變態啪!」
「哇!真係打落嚟?」我

「認真!真係有冇三幾日冇見過一個女仔有d掛住佢,又或者揾唔到佢有種不安感驚佢會有意外,
就係依種感覺!」我
「.................」

「喂去邊呀?」我
「沖涼呀,沖完陪你出去行吓啦!」政
「又唔洗咁快,7點幾咋瞓多陣先啦,仲有提我攞張醫生紙!」

Feel?麻甩佬學人講feel?男人我都做過,基本上男人係由動物腦同本能控制嘅生物,正確嚟講男人全部
都係禽獸,真係要有feel先搞嘢,男人唔洗叫雞啦d雞死晒啦!

有錢佬夠話對d小三小二掌櫃冇真感情啦咪又係連仔都生埋!
Feel喎?戇撚鳩!試吓條女除晒衫褲企響你面前睇吓你扯唔扯旗?
話時話夜媽媽公園都係得佢哋兩個,阿詩會唔會............

「你做乜定晒型呀?」阿政沖完涼
「諗緊聽晚餵貓d嘢啫!」我
「咁你會唔會跟埋去跑步呀?」政

「天寒地凍你哋慢慢跑啦,而且噹噹d男仔頭性格佢根本當你係佢條靚,我淨係擔心阿詩會諗多咗咋!」
「記住男女有別,就算幾熟都好男女之間唔會有純友誼,除非真係對人有意思啦,唔係都唔好太親密」我

「好!瞓多陣!」跳上張床
「喂男有別呀返自己間房瞓啦!」政
「玩嘢呀?我係你老豆又點同呢,睇完恐怖片仲有d驚,瞓先.........啊!阿政9點鐘記得同我掛號呀!」我




Yeah!無啦啦多咗日假,放假有個男仔響身邊真係冇咁悶!
唔好誤會我唔係亂搞男女關係,嗰個係我個仔嚟啫!