(爸爸no.1)我老豆係口靚妹: 爸爸no.1

我係張俊雄,41歲,靚仔,有型,高大(184),外表睇落得30,有錢,有地位,仲要就嚟入董事局做董事.
有老婆有個仔(個仔就嚟18歲啦!)努力咗大半世人,都叫有d成就,(我嘅終極目標係隊冧我大老闆,
搶佢間公司,哈哈!)
不過今日我遇到人生小小挫折----老婆走路,再送我一頂帽.

＂我屌你老母個西！＂扔嘢落街.

我努力為頭家冇去走滾（ｄ女送上門冇辦法啦,公司應酬冇辦法啦！）
到頭來比條八婆飛我仲要帶埋個仔走.
隊咗半打啤酒,有ｄ暈暈地,都係小心ｄ,因為我身處唐樓天台.




不過話時話,俾人見到會唔會以為我自殺.

＂叔叔！你係咪同我一樣？＂
響我身邊多個女仔,１５,１６年歲到啦,企咗響天台。

＂乜嘢一樣？＂
＂失戀,自殺！＂

哇！你唔好玩嘢呀！依度得我哋兩個,你跳咗落去我水洗都唔清呀！





＂妹妹冷靜ｄ,失戀之嘛,哥哥我連老婆同個仔都走埋,咪又係咁！＂

＂但係......嗚......"喊得好淒涼.

"妹妹,如果我好似你咁得15歲,我連想都唔會想去死呀!又青春又可愛,一
兩年後再拍拖,之前乜都唔記得晒啦!"

"嗱!買保險都有冷靜期啦!不如你冷靜一星期,真係要死咪再上過嚟囉!"

7日後我理得你跳青馬定係IFC,關我鳩事,你依家唔好跳呀,保你大.





"嗱!乖,捉住我隻手......呀!小心天線呀!"

"呀!"條口靚妹跌倒.

"噗!"我飛身攬住佢.

咦?幾好揸手喎!依家d口靚妹食乜撚嘢大架!咁好身材......

喂!我好似做緊d好緊要嘅事噃!
"呀!"條口靚好扯鳩我.
"呀!噗!"

我腳步浮浮,加埋條口靚妹係咁扯,我同佢一齊----碌咗落街呀!你老味!
"嘭!嘭!嘭!嘭!"