(爸爸no.1)我老豆係口靚妹: 爸爸no.3

嗚嗚~打咗懵仔針,我好似隻死狗咁瞓響牀度一日一夜.

不過,我真係冷靜咗落嚟!冇錯,就算我依家講乜都冇用,佢哋信咩?

就算信又點,我可以變返男仔咩?
我依家已經係一個女仔,而且講多錯多.

萬一條口靚好老豆老母相信我講嘅嘢,我一定俾佢哋踢入保良局,~~算啦!

做住條口靚妹先!反正佢家底都幾厚.話比你哋知,依度係全港最top嘅私家醫院總統病房,




真係d城中富豪2,3,4,5,6叔先住到嘅病房,條口靚妹嘅老豆,,,,,,

響呢四日,我都好合作,表現出正常人嘅模式,只不過我自己乜都唔記得----即係失憶.

第四日,即係今日,我被評定為失憶,但可以出院啦!

因為我嘅合作,合作合作(尤其響個變態醫生面前),我終於唔駛入青山啦,真係早走早着.

"走啦!係呢,你叫乜嘢名?"





"瑪麗亞!" 賓妹1.

"姬樂!"賓妹2

"瑪麗,亞姬樂,走啦!"
"係瑪麗亞,姬樂呀小姐." 2個

"得啦得啦!亞姬樂幫我攞嘢!"

"姑娘仔拜拜!" 輕鬆.





姑乜嘢娘仔吖,撚都冇埋,仲學人口花花,唉!

有司機接我哋返屋企,條口靚妹屋企離我家原本好近(我住亞皆老街近九龍塘)

條口靚妹就任九龍塘嘅house,三層高的大屋加地層,有成千幾呎花園加泳池.

點解我咁清楚(我都未入屋),因為我嚟過囉!大年初一一定嚟拜年,平時向大老闆滙報及篤背脊
都會上嚟......

"哇!"打哂冷震.
"依度......"

"依度咪你屋企囉小姐!"
"蔣震滔......大老闆!"




"你爸爸囉!"

你老闆,真係你老闆囉,冇錯,我記得蔣太有不育症,大老闆好恨有仔女,所以蔣太以人工方法生咗一
個女,蔣震滔老來得女,所以就錫到個女燶咁滯.

我就係佢個獨生女,將來百滔繼承人.

哈哈哈!發達啦!到時整死埋佢兩公婆,整個百滔都係我架啦!

"哈哈哈......"猙獰.
"小姐,你間房!"瑪麗亞.

"哦!"死啦,走火入魔,我心地善良,點會做埋d傷天害理嘅事呢!講笑講笑.

係呢!除咗煙,酒,咖啡,高脂肪,高熱量食物外,仲有乜嘢會對身體有害,早d死嘅呢?得閒上網睇吓先.




"嘩!唔係嘛!"唔撚係嘛,!間房成千呎,我間屋以前五個住都係八百幾呎.

條口靚妹一個人住咁大間房,唔怕有鬼咩?

你哋d有錢佬,我哋同你捱生捱死,你哋就大魚大肉,你冇仔送終......

喂!好似係我而家同佢受晒......
唉!大老闆如果係你生嗰個係仔咪一天都光晒囉......

"哈,精神精神."

"好!收科收科!"

冇錯,要繼承百滔,一定要成為真正嘅蔣泳嘉,我一定要清楚蔣泳嘉嘅一切,成為佢!





條妹嘅朋友唔多,而且幾乎全部都係女仔.
同埋個個都叫佢做阿嘉.
有幾個男仔,邊個係佢條仔呢?

原來條口靚好同阿政同一間中學,我以為d有錢女會讀d國際或貴族學校.

早知叫阿政巴結吓佢啦,不過唔使啦,以後只有人巴結我,哈哈哈!

但係條死口靚妹d成績......尤其係呢半年真係一落千丈,大佬呀,要做百滔主席起碼都
要大學畢業啦!佢d成績中學都唔知......

不過依家我話事,博士都考到返嚟呀!

"好,聽日,唔係,聽日星期六,星期一,我要返學,攞返全級第一返嚟.





同埋----搵阿政."