(爸爸no.1)我老豆係口靚妹: 阿政no.3

阿政no.3:              牛奶


「牛奶!去咗邊呀?」
「喵!」
「喂!唔好走呀!返嚟呀!」

隨住聲音越來越遠,我又再一次失去咗牛奶.「再一次」係因為自14歲
開始,我都成日發住依一個夢.
張子政唔係一個貓控,但一定喜歡貓,貓同狗唔同,狗只要你比嘢佢食,照顧佢,




佢就當咗你係主人,最多係朋友(至少我同牛奶係咁),鍾意嗰時就同你玩,唔鍾
意嗰時就趕你走(佢惡起上嚟會發晒癲唔比我上床瞓)

肚餓就叫你,食飽就唔理你,高傲,忽冷忽熱,有時仲發神經,咬你抓你,你唔理佢
又唔高興,打爛嘢搞破壞,最好你就聼晒佢話,叫返佢做主人,好似講緊邊個咁........
不過佢哋都有一個共通點,當你有事,唔開心,佢哋都會feel到,響你身邊關心你!

其實依兩年我都識到幾個朋友,佢哋都幾關心我,不過..........佢哋全部都有問題.
佢哋全部都係毒撚,除咗動漫,二次元,打機就乜都冇,唔好話心事理想,真係乜嘢
話題都冇,佢哋係好人,不過可唔可以比我識到D正常人!





講返牛奶,佢係響我14歲時比爸爸掟咗,可能係內疚自己冇保護牛奶,所以半年前
響某屋村公園見到幾隻黑貓牛奶係黑貓),就當咗佢哋係牛奶D仔女去餵佢哋,(餵
完我有清理現場嫁)

牛奶依家點呢?係咪仲生存緊?不過每次發夢見到牛奶,之後都會發生一D特別事情,呀!今日唱K呀!