(爸爸no.1)我老豆係口靚妹: 阿政no.5
阿嘉的朋友(2)
「啦……啦……啦……」
「咀佢!咀佢!」
無驚無險(都算係啦)唱到3點，背後嗰兩個女仔(噹噹、阿茵)不斷搞氣氛，不過佢哋好似搞錯咗d嘢。
「登登登櫈，從此被困……」
佢哋當咗我哋係情侶呀!梗係啦，由入到嚟呢個幾鐘，我哋都係不斷合唱合唱。
一個唔識唱口靚妹歌，一個唔敢一個唱歌，兩個一直痴埋到依家，阿嘉仲hi得滯，攬住我添呀!死啦!死啦!
「喂!借你條仔用一用!」噹噹.
「攞去!」嘉.
喂!喂!你都解釋一下啦，好似唔關你事咁。
唉!我而家就好似男伴唱咁，同佢哋個個合唱，不過我把聲原來都幾好聽，我對唱K都有d自信啦!
「呀!唱到喉嚨都痛啦!再叫多杯嘢!」
嗰個噹噹同阿嘉一樣都係癲架，大叫大笑，又周圍走，周圍跳，佢已經將疏化當咗做彈牀!喂，會俾人投訴架!
「喂!佢把聲都幾好聽吖!以後我哋唔使咁齋，淨唱女仔歌啦!喂!政仔，以後唱K同我過嚟!」
「哦!」政仔.
「喂!飲咗好多水，去toilet囉!」嘉.
「好呀!」噹,茵.
「砰!砰!咯咯咯!」走晒。
先前嘈到拆天嘅房間，十秒就變得水靜鵝飛，梗係啦!因為淨低兩個唔講嘢嘅人響度嘛!
「唱......唱歌，合唱好嘛？」詩
「好呀!」咁樣就冇咁尷尬，時間都過得快d.
但點解……唱咗1首，2首，3首未有人返嚟嘅？疴乜嘢呀佢哋？
咦？佢哋三個原來一直都企咗響門口，阿嘉仲用手機拍低我哋合唱嘅樣，我哋兩個已經變成佢哋嘅玩具。
入返嚟啦！阿嘉已經識得唱好多歌，依家佢同噹噹、阿茵一齊合唱……AKB?仲跳埋舞添！
終於可以抖吓啦！睇住佢又唱又叫，又跳又笑，乜嘢成熟穩重吖，全場最口靚妹就係佢。
眼前呢個人，完全冇爸爸嘅感覺，反而俾我感覺到，係一個非常非常可愛嘅女仔……
「夠鐘，走囉!」噹噹.
一大班人(5人)浩浩蕩蕩行街，好似響中學生活係從未發生，雖然我哋6A五子(五毒)都有五個人，
但活動範圍都只係響學校或某人屋企打機睇動漫，響條街？一個起兩個止啦!
依家終於似番個正常中學生啦!一路行一路講，佢哋最開心嘅係點解阿嘉會識到我，我就將依兩個
禮拜嘅事一一講出嚟，亦澄清咗我哋唔係情侶關係，至於我哋嘅父子關係梗係冇講啦！傻嘅咩？
「喂!有d餓啦!食d嘢啦!」噹噹.
「M記啦!蘋果批，蘋果批!」茵.
就咁我哋又一路食一路吹，因為大家都係同一間學校，當然溝最hit嘅10大女神啦，女神卡啦，
女神卡嘅玩法啦……咦?點解全部都係呢d話題?
「唔!之前都知道有top ten女神呢回事，但原來已經發展到呢個地步。」噹噹.
「但點解女神卡F.4冇人玩?」嘉.
「因為有人限量發行，抬高個價，所以只賣俾F5,F6,F4以下只有用超高炒價買返嚟。」
「點解你會咁清楚?」噹噹.
「因為源頭響6A班!」我.
「首領係邊個？」嘉.
「阿澤!」我.
「你個老死!」阿嘉大叫.
「…….....」啤啤啤.
佢……佢哋d眼神好恐怖，好似當我係色魔。
「喂!喂!唔好誤會，完全同我冇關，我發誓，6A班全部男仔有買，但我冇呀!(我大大聲咁講大話)。」
「但點解你牀下底會有我d相?」嘉.
「吖!」
死嘢!摷我牀下底，知唔知乜嘢叫做私隱呀？死！我仲有d乜嘢未收好呢？
喂!依家唔係諗呢d嘢嘅時候呀!
「冇呀!因為阿澤知道我同你做咗朋友，佢送俾我咋，我話唔要都唔得。」
如果我有買，其他女神都有啦……
「唔……」
信我啦！信我啦！
「阿澤送俾你?」噹噹.
「咁你可唔可以同我班2套返嚟?」
「你……你要嚟做乜？」
「留念囉！我有兩個朋友都係女神，當支持吓囉！」噹噹笑得好甜。
「其實佢想愛嚟鈔！」茵.
「砰！」阿茵俾人打暈咗。
「放心啦噹噹，阿政好聽話架，阿政呵！」嘉.
「但係我覺得有d問題，點可以用我哋d相嚟……唔!」詩.
雖然阿詩有意見，但瞬間已被阿嘉制服，連最後嘅反對聲音都冇埋。
「點啫?」噹噹、阿嘉。
「哦……好啦!」我仲可以點啫。
「政仔乖，只要以後你聽聽話話，我哋一定錫晒你！哈哈哈……」佢哋兩個響度摸我個頭，
我都唔知佢哋當我係細路定係貓貓狗狗。
本來第一次見面，我想以一個大哥哥嘅形象出現，不過睇嚟……應該失敗咗。
趙語聆(即係噹噹)一個開朗嘅女仔，短頭髮，衣著帶點中性，說話行為都有d男仔頭，
不過樣貌一d都唔差，如果佢留返長d頭髮同女性化小小，真係可以成為女神級嘅女仔!
不過佢身上有一股可以壓着其他人嘅氣勢(同阿嘉一樣)。
我諗響以前善良嘅蔣泳嘉時代(唔係話依家嗰個邪惡)，噹噹應該係四人中嘅領袖，不過，
依家我老頭嚟咗，應該變成咗雙巨頭嘅恐怖集團，我依家俾佢哋扯咗入嚟……
「點呀?今日開唔開心呀!佢哋係衰d，不過都係講笑，你唔好介意喎！」
「冇呀！其實都好開心呀！不過我表現得太差啦！成個傻仔咁，好!我要成熟d。」
「我覺得傻仔先係你嘅賣點，佢哋個個都覺得你好得意，繼續你嘅低B Look啦!」
「低乜嘢B呀，我今日表現都算係好啦!」
「傻仔!」
「不過我最開心嘅係你會同我一齊出嚟玩，好似去返以前細個，周圍帶我去玩，去海洋公園……」
「哇!講埋d咁肉麻嘅嘢呀大佬，冇時間咋，爸爸冇時間啦，以後我一定響你身邊，永永遠遠響你身邊!」握住我隻手。
你先肉麻呀，講到好似情侶表白咁，不過我都希望你永遠響我身邊。
「哎!又痛!」
「你點呀?面色好差呀!」
「冇嘢!冇嘢!小小痛啫!不過我聽唔你屋企啦!一點響旺角等!」
「真係冇嘢?」
「都話冇嘢囉，煩過女人，聽日見啦！bye bye.」