(爸爸no.1)我老豆係口靚妹: 爸爸no.11
「呀!」
沖完涼成身鬆晒,身體好D啦,咦?阿政做乜呀?佢都會入廚房嘅?
「得啦!」政
「乜嘢嚟嫁?」
「粥!」笑笑口
「愛嚟做乜?」
「比你食嫁!」
哇!唔撚係嘛?佢唔知我最憎食D水汪汪嘅嘢咩,你同我煮粥.
而且阿政好似唔識煮飯,太陽蛋都煎到變黑洞,依煲粥........
「阿政!我好D啦,而且我又唔係感冒發燒,不如同我買個M記!」
「熱氣呀!」
「咁叫外賣啦,我想食D有咬口.........」
「我煲咗好耐啦!」有小小面黑黑
「我聼人講M到好似要食多D肉,補充鐵質,粥水依家嘢.........」
「含啦!」
「唔!」
成支嘢隊埋嚟,阿政你好粗暴呀!不過算啦,當交吓功課擘大口吞晒
你D嘢啦!不過阿政你D粥冇落鹽呀!
雖然難食D不過又幾sweet,阿仔餵老豆食粥,話時話,其實有冇做仔
嘅會餵老豆食粥嫁?(老人痴呆嗰D唔計) 反而有D似一個大哥哥,
男朋友餵一個病咗嘅柔弱............柔乜撚嘢弱呀,我M血上腦呀?
我係男,我係男!
「真係好難食咩,係咁擰頭!」
「吓!唔係呀,幾好食呀!」
「咁食多碗啦!」笑笑
「吓.........救命.......」
隊咗兩碗,阿政終於肯放過我,我今次真係柔弱地死咗響張牀度.
「你瞓吓先啦!我做埋D功課!」
「哦!」
瞓咗響阿政張牀度,望住阿政做功課,感覺好舒服,好sweet,依家
我每晚都係自己一個人瞓,孤令令只可以攬住D公仔,依家有阿
政響身邊,好溫暖,好有安全感,好想瞓返陣.........
***********************************************************
「唔~~~唔~~~~~依~~」大懶腰
我瞓咗一陣!好舒服唔想郁,真係想瞓到大天光.........吓9點?我瞓
咗兩個幾鐘.阿政呢?仲響度溫習,依個仔雖然細膽D,轉數慢D,
不過做事認真,唔易放棄同尊注力強都係佢嘅優點,只要改吓D
性格同加強返自信心,就一定成個唔同晒.
咦?頭冇痛,連個肚都冇事啦!不過.........
「阿政!我又肚餓啦!」
「之前咪食咗粥囉!」
「嗰D粥水一陣就冇咗啦,同埋我依家係發育年齡,要食多D嘢!」
「喂喂!同我整個麵嚟食吓吖!」
「大食妹!」
阿政起身啦,哇!唔洗我煮.
「係啦,阿政!個麵唔好太淋,我要有口感,味精我要落晒,你唔好落
一半呀,冇味我唔食嫁!仲有同我煎隻蛋,呀唔係,你唔識煎蛋,淥
2條腸得啦!」
「仲有冇?」
「我想飲D嘢,但你話唔好飲涷嘢可,咁同我開杯好立克或者
朱古力啦!呀!雪櫃有檸檬呀,我要熱檸樂,唔好太滾呀,70。C得啦!
仲有同我攞包百力滋過嚟........」
「茶餐廳叫啦!嘭!」
「咁即係...........有冇得食?」
*************************************************************
「雪..........呀!終於有實物落肚,飽啦!」
「你好似好唔滿意之前D粥咁!」
「唔係唔係,不過我啱啱嚟M,要食多D嘢補充體力啫!
唔....熱檸樂......呀」好幸福嘅表情
「小心D呀,唔好整污糟張床呀!」
「你估我係你咩,我響張床燒嘢食都得呀!」
食飽飽啦,好舒服,好舒服.
「食完嘢要走啦!都成10點啦!」
「我唔走,今晚唔走!」缩埋響張披度
「喂!你嗰邊D爸爸媽媽!」
「佢哋都唔響香港!」
「仲有工人呢!」
「佢哋夠膽篤我出嚟,我就一腳踢佢哋返菲律賓,放心啦,
佢哋已經係我嘅人啦!」
「恭喜你成功控制咗蔣家!」
「呵呵呵!yeah!啪!」
「瞓覺!」
「喂!你返去自己間房瞓啦!」
「我要響度瞓!」又縮返入張披度
「咁我去你間房.........」
「喂喂!一........一齊瞓吖!」
「吓!一齊?」
「唔........我21歲就同你媽媽同居,成廿年身邊都有人
同我瞓,就算公幹都係兩三日,依家成個月都孤令令自己
一個,要攬公仔先瞓得着!」
「哈哈,攬公仔瞓!」衰仔
「$&$%$%&^%^%」
「唔笑啦,唔笑啦,不過今日你真係有D怪,真係好唔同!」
我夠知啦!成條女咁,唔係,直情係一隻發情貓,唔應該講嘅
都講埋出嚟,連攬公仔..........呀!柒撚到核爆.
「得啦,你走啦,過去瞓啦,我自己攬住枕頭得嫁啦!」擰轉
面唔望人
「..................」
「噗!」
吓!你真係擒上嚟?我講吓啫,其他女仔講兩句你又擒嘅話
我就一定殺死你,不過我就冇所謂,我係爸爸嘛!
「嘩!」攬實
嘩!好舒服,成隻大熊仁咁,又暖笠笠,以前做仔嗰陣攬住條女
覺得又爽又high,但係依家做咗女仔,攬住條仔好似仲.........瞓覺!