阿政no.7              校園公敵
 
 
我,張子政.現身處響學校,但靈魂都唔知去咗邊,因為
答應咗噹噹買女神卡,但我從來只收集阿嘉嗰D,一下
子買晒全套,仲要X2,比嗰班嘢知道會點,另外點交收?
 
仲有噹噹會唔會唔比錢嫁,好貴..........諗吓諗吓,不其然
望向袁澤守,(阿澤)阿澤雖然為五毒之首,但係外表一D
都唔毒,高大,靚仔,有型,體能100分.雖然冇參加課外活




動,但係大時大節都會比人拉去幫手,頭腦?全班第二,
全級第三,你話呢?
 
人緣更加係超好,無論男女都當佢神咁拜,亦因為佢收留
我哋四個,我哋先有啖安樂茶飯食吓!
 
但係人係冇完美嘅!硬件完美,但係軟件..........
只對二次元女性有反應,3次元物種望都唔望,為咗買佢嗰D
 
2次元玩具,佢有去做part-time,影婚紗相,私影相(佢已經




 去到攝影師級數)為咗錢佢上年搞咗個女神榜,仲令到全校
男生瘋狂,個個都攞女神卡嚟對戰,而且全部都係正版(阿澤
 
出品先係正版)你試吓攞其他嗰D或自己影吖,打鳩死你都似,
就好似宗教或政治領袖一樣,所有人都受佢控制或影響.(佢依
年應該搵唔少)
 
如果有一日佢對有機生物有性趣,咁就一定天下大亂,到時佢將
會成為女性殺手,更會成為全校男生嘅公敵!
 




「轟!」
 
驚天動地嘅破門聲,將我嘅靈魂打返入體內.
「政仔響邊度?」
 
好似黑社會尋仇嘅氣勢,全班靜晒,仲有一個縮咗落枱底(傑仔……)
我記得我嘅朋友除咗我老豆之外,應該冇人有咁強大嘅氣!
呀!仲有一個,啱啱識嘅!
 
「噹噹!」
「hello政仔!阿詩話掛住你喎!」
「唔係呀!係噹噹話想上嚟咋!」阿詩面都紅晒
 
「係咩!咁你又跟上嚟?」
但係我見到嘅係,你捉住阿詩隻手,扯佢入嚟喎........




 
「我D卡呢?」噹噹
哇!你唔係嘛?星期六話要卡,今日先星期一仲要係11點,
Print都print唔切啦話!
 
「噢.....噢......」
「阿政,乜嘢卡?」
「阿澤,即係嗰D......」
 
「哦!你就係嗰個咩咩澤?」
「袁澤守!唔係咩咩澤,搵我有事?」
「女神卡全套X2,幾時交收?」
 
「全套X2,好貴喎!」
「你同阿政咁friend,你都送過一套比佢啦,唔洗錢都得啦!」




「送?」
 
「嘩!入我數,入我數!」細細聲
唔可以比佢知我用錢買阿嘉D卡.
「呵呵呵!友情價,行政費+30%OK?」細細聲
 
「死仔!」
「哥哥,你好!」阿詩
「哥哥?呀.......好呀!」
 
好親切嘅稱呼,就好似自己妹妹到班房探自己哥哥一樣,
不過後面嗰D目光.........
 
「你哋做乜唔等埋我呀?」茵
「政政!」茵




「我幾時又多咗個稱呼呀........喂!」
 
佢一手攬住我隻手臂
我響度講解一吓!阿茵係一個冇乜主見嘅女仔,總之噹噹
阿嘉做乜,佢都跟住去做!
 
佢同阿詩一樣屬於溫柔可愛型,唯一唔同巳嘅係,佢好多
嘢講,勁鍾意搭嗲,不過就講多錯多.嗱!又嚟啦!
 
「阿嘉話有D唔舒服,今晚唔上你屋企喎!」
「嘩!上佢屋企?冇啦冇啦.....條死仆街........打鳩死佢啦,
.......等等!放咗學出咗門口先........同我班個麻包袋嚟!」
 
恐怖嘅聲音不斷響我身後傳嚟,我有預感,今晚應該返唔到屋企.
「不過唔怕,我今晚上嚟陪你吖!」




「吓?唔洗啦!」
 
我再講D,阿茵除咗可愛,個樣真係唔錯,再加上佢性格勁嗲,
嗲到暈嗰隻,係男仔都頂唔順啦!仲要捉住我隻手係咁fing,
夠啦,全班都睇住晒啦!
 
「做乜唔洗喎?你之前咪同阿嘉講過,你好寂寞,想我哋幾個女仔
上嚟陪你,最好過埋夜.........」
「哇!我幾時有講過呀?」
 
好似驚我唔死咁,有D嘢真係唔好亂講,會死人嫁.......咦?點解噹噹
會可露出得意嘅笑容,阿茵.........竟然報以一吓冷笑.
 
我明啦!你哋玩鳩我,我同你哋無仇無恕,又冇得罪你哋,做乜咁玩我呀?
「喂!你哋唔好亂講啦,阿嘉跟本冇講過!」
 
阿詩替我解圍,太好啦,只有你先至真心對我好,不愧係阿嘉最好嘅朋友.
「我哋走啦!嗯,星期六嗰日唱K好開心呀,你把聲好好聼,下次.......下次
我哋一齊再合唱吖!」
 
「呀.....好呀!」
「喀...喀…喀....」骨頭聲
 
我知你對我好,不過你對我越好,我處境就越危險.
走晒啦!一吓子三個一齊嚟,一吓子三個一齊消失晒.
 
「哥哥,bye bye!」阿詩伸返個頭八入嚟
「bye bye!」
「嘭!嘭!」有兩張枱冧咗,佢哋已經到咗極限.......
 
襯我仲能夠生存響依個世上,我想同大家講解一件事,
若果陣間我有乜嘢不測,我嘅死因應該唔係噹噹同阿茵,
而係阿詩.
 
我哋學校有個女神榜,講過啦,十大女神都有自己嘅支持
者,而我哋6A班主要分為兩個派系-------咪就係泳嘉派
同詩詠派囉!
 
嚟啦!
「咚!」
「邊個掟我?」
「嘭!」
「鳴!」
 
「砰!嘭!叮!咚!啪!殺!」
嗚!上堂啦停手呀,黃sir就到啦........咦?黃sir你做乜企
咗響出面唔入嚟呀?
 
呀~~~~~呀~~~~~
 
 
 
已有 0 人追稿