爸爸:no.13


「醫生!我發覺我心理有d問題!」.
「有乜嘢問題呢?小姐!」

「我鍾意男人,自慰對象竟然係男人, 醫生,我夠竟係咪gay架?」
「小姐,女仔鍾意男仔依d唔係gay!」

「你都唔明!」




「仲有,我有一個仔,但我最近經常幻想同自己個仔做X!」

「小姐你有兒子?你今年幾歲?」
「15歲!」

「你個仔呢?」
「18歲!」
「……......」

「瞳孔冇放大!」醫生用電筒照我隻眼




「仲有醫生,雖然我有個仔,但最近我發現自己原來仲係處女,我依個做父親嘅係咪有d怪?」

「姑娘,call白車!」
「哇!」

發夢,原來瞓咗.
真係,真係真係,依家就算我去睇心理醫生,佢哋都當我痴線,結果都係直入青山,冇得返出嚟.咁……應該問邊個呢?

「嘟……嘟……」
「喂!阿嘉?」




「阿政,你瞓咗未?」

「未呀!乜嘢事?」
「……....」

「做乜唔講嘢呀?」
「瞓啦柒頭!」
「……....」

「咔……嘟……」
「嘟嘟嘟!喂喂,做乜cut我線呀?」

「又係你叫我瞓嘅?」
「你係柒頭咩?我……我講笑之嘛!」





「特登打嚟屌鳩我?」
「唔係呀!其實我有d重要事同你商量,但又唔知點講!」

「乜嘢事呀?」
「我……睇咗個幾鐘頭AV!」
「……....唔好睇咁多啦!」

「唔係呀!唔係呀!我係睇咗粒幾鐘都冇feel呀!」
「咁我download過d勁嘢俾你!」

「唔係呀唔係呀!你明唔明我講乜呀?我對女仔冇feel,反而對男仔有小小……....」
「我download d gay 佬系列俾你!」

「我屌你老豆,你明唔撚明我講乜呀?我依家好似變咗女仔咁,只會對男仔有反應,點呀點呀?」
「唔……其實以你依家嘅情況,應該係最正常嘅反應!」





「吓?咁都叫正常?我堂堂大男人……」
「你已經係一個女仔啦!」
「但係我有男人嘅意志……」

「荷爾蒙會改變你嘅意志,你嘅心態.」
「咁……勁?」

「係呀!人嘅行為係受化學反應影響,你試吓食粒春葯,耶穌都變色魔,你又試吓食粒安眠藥,幾有意志都要瞓到大天光,所以……」
「所以點啫?」
「接受現實,做一個女仔!」

「哇!屌你呀!叫老豆做女人比男人上,有冇方法改變呀?」
「改變都唔一定好啦,唔通叫你做一個TB或變性做返一個男人咩?」





「梗係唔得,要我做一個不男不女嘅人,我寧願死多次!」
「所以我咪叫你順其自然做一個女仔,反而……」

「反你個包皮啦!我張俊雄係一個男人呀,男人呀!嗚……嗚……哇……乒,嘭,咚,砰,砰……」扔嘢聲,破壞聲.
「哇……嗚……咬咬……嗚……嗄嗄……」響度發爛渣

「你唔好扭啦!你依家邊一忽似男人喎,成個口靚妹咁響度發脾氣,乖啦!」
「阿政幫我啦!幫我諗諗辦法啦……嗚嗚……」好可憐.

「你唔好喊啦!搞到我個心都好唔舒服,不過真係冇辦法……...」
「冇撚用呀你,衰仔,垃圾,正廢柴,冇撚用,冇撚用,冇撚用……....」發老脾.

「你就冇撚……呀,對唔住!」
「轟!」我部i-phone已經撞到粉碎





「嗚嗚……衰仔話我冇撚用,我真係冇咗呀,我條JJ去咗邊呀……呀!」
「砰……砰……乒……」瘋狂破壞,盡情破壞,徹底破壞.
「之……之……啪……」有嘢爆炸.

嗚嗚……打爛晒d嘢,喊咗一大餐,好似好d啦,不過我以後嘅人生要同男人……....

「唔得!除咗阿政,天上地上所有男人都唔准上我!」堅定.
乜嘢除咗阿政呀!我究竟up乜鳩呀?

「我係男仔,我係男人,我係男性,我係爸爸,我係男,我係男,我係男男男男男!」
已有 0 人追稿