[校園][應該純愛][友情]「我想要你,仲有你既世界。」: 簡介
「下星期既活動分組,我!要!同!你!一!組!

Cherry係個冇人既公園對我大叫。
「呢件事有少少難度喎…Jason佢地話想同Dickson一組…

Dickson其實就係得仔,叫佢得仔因為師父覺得Dickson中譯就係「撚仔」

我地決定文雅D叫佢得仔。
「你岩岩應承左我架…


Cherry露出一個楚楚可憐既樣望住我,令我一時無法招架。
「好啦我盡力啦…」 Fine,我投降。
「咁咪乖囉~

我冇辦法睇清楚呢個人。
過左lunch time,班老師決定用剩低既堂向我地解釋下個活動究竟要做乜。
「屌又要入hall,on9都知個活動係開放日啦。

「你!出黎!

「仆街啦今次…

大家帶住笑聲咁入hall,我先發現原來我地班最早到。
坐低唔到一分鐘,Form5其他班都陸續入到hall,當然包括B班。
肥豬細細聲咁話:「今日既Cherry都係咁完美

聽到肥豬咁講,我先留意到Cherry係邊。
當我望過去個陣,我發現原來Cherry都望住我

四目交投之下,Cherry對我笑左一笑

肥豬突然好興奮咁話:「Cherry對我笑呀!Cherry對我笑呀!!


「俾人恥笑都咁開心既你。

D人坐低哂之後,老師們都開始走上台。
「咳咳,各位Form5既同學,今日叫大家黎係想同大家解釋下星期既活動。」
「你地下星期三全日唔需要上堂,全日都用黎準備十二月中既學校開放日。

正當我心諗屌你咁撚正既時候,台上個老師A又突然補充:
「同學們,星期三既堂將會分開係今個星期六日補返,唔出席當曠課。」
屌那星,真有你的。

