唔知坐左幾耐,Cherry終於話返去。 

其實我已經凍到鼻水到流埋出黎。 

Cherry:「凍你又唔出聲?」 

我:「我有講啊,不過你話想坐多陣咪陪下你囉。」 

Cherry:「傻佬,有冇頸巾係度啊?」 





我:「我唔係咁鐘意用頸巾,所以我屋企冇頸巾。」 

Cherry:「咁我織條比你啦。」 

咦!? 

我係咪聽錯?佢話織頸巾比我?? 

我:「唔怕麻煩你咩? 」 





Cherry:「因為係你我先織咋,其他人我先唔會理。 」 

呢句說話好似一支箭咁直插我心窩,太可愛了。 

我一手抱住佢條腰,錫左落去。 

我:「身邊有你是我一生最大的福氣。」 

Cherry:「而家先知咩?行啦傻佬。 」 





同佢一齊總係好容易就笑得出。 

初戀對象已經係個咁完美既女仔,真係三生修來的福氣。 

但唔可以一方面得佢為我付出,我都要做番D野。 

我要買番份禮物先得。 

但我應該送乜好呢? 

Cherry好似乜野都有,我完全唔知送乜好。 

返到去食野,我開始周圍望下,睇下D女既飾物。 

突然,有人拍拍我膊頭,係晨哥。 





晨哥:「睇緊女?邊個正?我又睇 」 

我:「唔係,諗緊野啫。」 

晨哥:「估下先,諗緊送乜俾芷睛?」 

我肯定佢係知我諗乜。 

我:「係啊。 」 

晨哥:「um...送戒指囉,我諗戒指對你兩個會有好大既意義。」 

戒指?好喎,Cherry應該會鐘意。 





只可惜當時我仲未知晨哥講既「好大既意義」係咩意思。 

旅行日亦係黃昏同一片歡呼聲下結束,聖誕假正式開始。