去海洋公園既事已經決定左了,可以暫時放埋一邊了。 

咁呢段時間有乜做?咪又要日日睇佢地練波囉on99。 

睇佢地打波真係好悶,我都唔知自己點解可以挨到一星期。 

好彩今日就係班籃,唔洗再挨落去。 

而家Form6已經畢左業,全校最大就係Form5,所以大家都好留意呢場班籃。 





因為呢場應該係最精彩既比賽。 

四點鐘一到,我地班就浩浩蕩蕩咁出發落操場熱身,除左我同師父佢地。 

我地上左空中花園睇,因為空中花園有個位係對正籃球場,可以話係VIP位置。 

不過其實我都只係想搵地方hea,因為賽果係點我大約都估到。 

我係空中花園望落去,哇成個操場都係人,好熱鬧。 





我:「咁多人既。」 

Jason:「校隊對決wor,梗係多人睇啦。」 

師父:「都無我,我最勁。」 

我:「唉我訓陣先,決賽再叫醒我ok?」 

肥豬:「訓啦柒頭,小心我趁你訓著掟你落街。」 





我:「哦。」 

我之後就坐低左係張長櫈度,開始訓覺。 

但其實係訓唔到,因為下面好撚嘈,我只可以叫閉目養神。 

我諗過左半個鐘左右,突然樓下好嘈,係嘈交個種嘈。 

我行左過去睇下發生咩事,見到有條友訓左係地下。 

我:「邊個黎?」 

Jason:「得仔。」 

我:「得仔?我地班呢?」 





師父:「贏左A班啦on9。」 

吓,咁快。 

我:「咁得仔搞乜?」 

肥豬:「好似係D班有人整到佢。」 

哇,又係D班班契弟?

唉,睇下佢地點解決先。 


嘈還嘈,不過B班都有好多人去關心得仔,仲有一部分好似傾緊換咩人上去。 





比賽好似仲未結束,我見之後B班既人帶走左得仔就繼續比賽。 

不過無左得仔,B班表現好似差左,可能心理因素影響掛。 

最後B班輸六分,D班入左決賽。 

雖然係贏左,但D班既人都好似無乜表示,得落場打個班契弟開心。 

啊,有少少出符我所料,決賽居然係我地對D班。 

不過應該都會係我地赢架啦,而家搞到我反而連決賽都唔想睇。 

肥豬:「好賤囉班MK仔,有得仔B班先唔會輸。」 

師父:「鬼叫學生會班無膽鬼怕咗佢地咩。」 





Jason:「成班都係撚人,等睇晨哥教訓佢地。」 

晨哥?係喎!!仲有呢個極不安定既因素!! 

我周圍望,搵晨哥係邊。 

操場太多人搞到我搵左陣先搵到佢,佢好似同十四佢地傾緊計。 

但佢周圍望,好似係度搵緊人,直至若睛拎住個大聲公過去佢度。 

佢又用大聲公,肯定唔慌好野。 

「魯路修你而家即刻同我死落黎操場! 」 





我?點解係我?又要我做乜? 

不過聽得出佢而家應該好嬲,一陣要小心D講野先得。

我一聽到佢既號召就九秒九衝落去操場,大家都望住我。 

我:「咩事呀? 」 

晨哥:「簽左佢。 」 

佢俾左張紙我,我一睇,哦,出「雙重計分」,要我簽名作實。 

我爽快簽左佢再交俾學生會,學生會隨即宣布我地班出左「雙重計分」,引起大家注意。 

學生會班仆街仲拎住個大聲公走埋黎我度,問我關於呢場比賽有無野想講。 

喂大佬呀又唔係我打,你地去問番會落場個班啦。 

不過見晨哥對我做左個口型,叫我隨便講。 

咁我就唔客氣隨便講啦。 

我拎起個大聲公,深呼吸左一下。 

我:「我覺得今次我地班好好彩囉,原本B班實力同我地班有番咁上下搞到我對決賽好緊張又期待,不過而家係對D班就安樂哂。」 

操場突然靜左,但我一於懶理繼續講。 

「十分,我相信我個班唔會俾對手拎多過十分,係咁多,多謝。」 

講完我就大大力咁將個大聲公放落張檯上,走番去我班個邊。 

大家都對我既宣言議論紛紛,應該都唔信可以做到。 

其實我講完都覺得有少少誇張,不過講左又無得收番,而且又好似幾型,就由佢啦。 

我一行番去,發現大家都望住我,唔通想鬧我? 

唔理啦即刻道個歉先。 

我:「十分好似有少少勉強呀可..?Sorry各位。」 

晨哥:「唔係吖講得幾好,你俾左個目標我,我一於做俾你睇,你地得唔得?」 

其他人:「得! 」 

呼,我好似做岩野。 

之後佢地就開始熱身,學生會都話比賽要開始了。 

臨出去之前,大家都圍埋一齊幫大家打下氣咁。 

晨哥:「好!請教練為我地講幾句啦!」 

教練?邊個係教練? 

晨哥拍左我個頭一下,示意我講幾句。 

我都唔知自己幾時做左教練。 

我:「咳咳…雖然我唔知自己幾時做左教練,不過我要講既只有一句! 」 

「魯路修.Vi.不列顛下令!同我盡情摧毀佢地!幫得仔報牛! 」 

大家:「好!!」 

晨哥:「Geass呀? 有意思有意思,行啦各位! 」 

晨哥帶左十四佢地出去列隊,同D班班mk仔對望。 

其中一個MK仔無啦啦伸隻手出黎想同晨哥握手,但晨哥無理佢。 

晨哥擰咩臉,「呸!」左一聲。 

平日既話,我都會開聲話佢無禮貌,不過呢個moment我就唔出聲了。 

我反而仲想讚佢。 

比賽要開始了。

一如我所料,呢班人一打波就完全變左變左另一個人,眼神即刻唔同哂。 


唔知得仔件事有無影響,晨哥一開始已經入左「認真mode」。 

佢地無急於進攻,反而好似係度等D班行動咁。 

睇黎佢地真係諗住唔俾人拎分。 

不過係而家既佢地既話就唔係無可能,個個都扯到衡哂。 

果然,D班幾乎所有進攻都比阿偉同十四兩個擋哂落黎,對面成班人顯得束手無策。 

拎唔到分本來都唔算係咩大問題,問題係佢地阻唔到我地拎分。 

晨哥拍住十四兩個不停拎分,去到最後一分鐘,比數係20:4。 

好多人見到呢個比數都知勝負已分,開始走人,連D班都有部分人走左,你都咪話唔悲哀。 

晨哥佢地都放慢左個節奏,專注防守同搵機會。 

最後班mk仔都衝多次,試下可唔可以攞到分。 

奇蹟又點會咁輕易發生,阿偉好簡單就擋住左佢地,搶到個波。 

晨哥即刻接到個波,準備射三分。 

唔知係咪惱羞成怒,有個MK仔跳起擋晨哥。 

晨哥突然放開手,搞到個波跌落MK仔個頭度,食波餅食到正一正。 

呢個時候,比賽都結束。 

佢地真係做到,20:4,完美壓制。 

食波餅食到正一正既MK仔好似好嬲想衝上去晨哥度,但俾其他人㩒住。 

我地並無等到學生會公告天下就已經拉隊走人,頭也不回個種。 

之後我地無食咩慶功飯就㪚band,因為大家都已經好攰。 

總算過左去了,聽日快D黎啦我想同Cherry去OP呀。