[校園][應該純愛][友情]「我想要你，仲有你既世界。」: 結業禮
我地係個日之後無再提起呢件事，因為我知道再提起只會令大家都唔開心。
我唔想佢唔開心，所以我唔會主動提起。
而且，大家都已經對於呢件事都有左共識，根本無需要再提。
而家就比我地好好咁過日子啦。
唉，因乜解究我仲係會咁唔開心，個心好唔舒服，好似俾人緊緊握住咁。
之後個幾日都要返學，不過都只係返半日，處理下暑期作業，結業禮仲有IES。
IES，又係一個學生既惡夢，好彩我一早做好哂，乜都唔洗煩。
返到學校，我坐低陪師父佢地吹水
師父：「痴線想留我堂？無可能！絕不OT！
」 Jason：「好似走既話會記缺點，快手做好佢啦。
」 師父：「痴線！缺點咋嘛！有乜所謂？」
肥豬：「吓IES計DSE分架喎，你真係唔做？」
師父：「DSE？無所謂啦，反正而家讀乜都係死路一條。」
我聽到呢句就覺得師父已經係超越左所有野，可以話完全係「無畏無懼」。
呢個時候，班主任同教通識既Miss Leung入左黎班房。
我：「唉你今鋪死啦，佢入黎捉人。
」 Miss Leung：「相信大家都知道我黎係為乜架啦，讀名既跟我走。」
Miss Leung開始讀左一堆名，當中當然有師父個名啦。
師父好似二戰既猶太人咁被人捉走，但佢無反抗，屌得把口，正契弟。
被帶走既竟然有半班人咁多，成班死懶鬼。
得番半班人既班房，真係得啖笑，班主任都呆左一呆先繼續講野。
班：「好喇…今日係結業禮既彩排，聽到名既同學而家去禮堂啦..」
唉，又讀名，搞到我好眼睏。
我完全無聽Miss讀名，托住個頭係度訓覺。
「魯路修。」
咪搞啦，我想訓陣啊。
「魯路修！」
唔好嘈啦。
「喂魯路修！」
屌你老母！邊個搭我膞頭！？
我一feel到有人搭我膊頭就成個人醒哂，望下邊個搭我膞頭，發現大家都望住我。
我：「做乜？」
晨哥：「上禮堂啦傻仔。
」 我：「我？點解？」
晨哥：「自己諗啦。」
唔通我有獎攞？
嘩呢個真係預料之外，我居然有獎攞。
雖然話最後個考試同UT我都係Cherry既嚴格指導下有超好既成績，但我真係無諗過有獎拎。
我跟住晨哥入禮堂，哇好多人。
禮堂入面有好多人，由F1到F5既都有，照道理應該都係黎拎獎既。
我覺得自己係度顯得好格格不入，我唔係屬於呢度咁。
呢個時候有個阿sir行埋黎問我地咩班咩名，話要話我地知我地有乜獎拎。
晨哥：「5C，藍洛晨。」
sir：「嘩，睇下先…你有中，英，數，通，物理同生物學科獎..仲有中五全級第一，一共七個獎。」
痴撚缐，七個奬。
Sir：「咁你呢同學？」
我：「5C，魯路修。」
我諗我應該都係拎歷史同ICT架啫，頂盡兩個獎。
Sir：「你話你係魯路修？」
吓，你聾架老闆？我咪話左我係囉。
屌，如果唔係學校長期提倡「尊師重道」我真係開左聲屌柒佢，聽個名都聽唔清楚。
我：「係啊。」
sir：「原來就係你。」
屌對住佢真係火都黎，拖拖拉拉成個女人咁。
我：「咁請問我拎咩獎呢？
」 sir：「唔..歷史同資訊與通訊科技學科獎..」
果然係呢兩個，正，估岩左。
我轉身準備跟晨哥走，點知俾個呀sir叫住。
Sir：「咪走住，仲有。」
我：「仲有
」 邊有可能啊？
Sir：「中五全級第二，跨級進步獎仲有傑出學生，五個獎。」
我有成五個獎！？
我全級第二？
仲有跨級進步獎同傑出學生？
咪住先，「傑出學生」呢個獎我從未聽過喎…
「喂~lulu你都有獎拎？
」 係Cherry把聲。
原來Cherry岩岩先到。
我：「係吖，多得你呢個星級補習天王囉。
」 Cherry：「知就好啦，咁有咩獎？
」 我一一數哂比佢聽，佢聽完同我反應一樣，呆左幾秒。
佢亦都有同我相同既疑問。
Cherry：「咩係傑出學生？
」 我：「我都唔知，第一次聽。
」 我地一齊望住有最多拎獎經驗既晨哥，期待佢可以解答我地呢d無知屁孩既疑問。
晨哥：「唔好咁望住我，我都未聽過呢個獎。
」 What The Fuck？居然會有晨哥都唔知既獎？
我原先有諗過去問番頭先個阿sir，但佢已經去左搵其他岩岩到既學生，算啦唔好搞佢。
我地三個行到去禮堂台前坐低聽另一個老師9up，嘩屌差少少訓著，好彩Cherry係我旁邊提我唔好訓。
其實講黎講去都係果d流程野，上學期拎歷史獎個陣已經知道哂咁濟。
只係今次規模大d，又即將要面對好多人令我唔舒服啫。
不過上次ball我都可以係咁多人面前唱歌又跳舞啦，今次應該無問題既。
係輪到我上台彩排練拎獎果陣，有另一個miss走埋黎搵我。
Miss：「你係咪拎傑出學生果位同學？」
咦睇黎呢位miss知道呢個獎D野喎，等我問下佢先。
我：「係吖，我想問下其實咩係傑出學生？呢個獎我讀左五年都未聽過。
」 Miss：「哦~呢個獎其實未必年年有架！係校長揀一位佢認為優秀既學生，佢睇唔岩就冇。」
哇，好大既官威呀。
我：「咁多數係用咩準則？」
我對呢個獎真係愈來愈好奇。
優秀既學生，點解唔㨂晨哥揀左我？
Miss：「eh…多數係一d成績突然好左好多好多既學生，俾呢個獎去肯定佢地既努力掛。」
我：「吓咁同跨級進步獎有乜分別？
」 Miss：「咁可能代表你既努力已經唔可以只用跨級進步黎形容囉，講番正題先！你要準備大約三分鐘既演講，聽日交份稿比我。」
吓？屌你呀？
我拎個獎已經覺得麻煩，你仲要我演講？
你不如一槍打死我算。