【為左老友，我將佢女神變成我女友】: 【第六回：坦白】

※※※※※※※※※※※※※※※※※※※※※※※※※※※※※※※※※
【第六回：坦白】

今日之前，我好希望佢會係我出pool之後見到的第一個人。但現在，我真的不知道如何面對佢。

「有野同你講。」肥龍的臉上再沒有那份天真笑臉，眼神只有一份嚴肅和空洞。

我尾隨肥龍步出班房，心裡惴惴不安。

最後，又回到這裡，漆黑的課室。



肥龍一聲不發，整個班房靜得只有我倆的呼吸聲。肥龍的呼吸聲好像在反映他的心情，極其沉重。

我知道，肥龍一定感到十分難受。

「肥龍，你畀多幾日我，我搞掂哂啲野之後一定會畀個合理交代畀你。」

沒錯，只需要多兩三日，我一定可以向小玲解釋清楚。到時她就會明白這一切只是一場誤會，她就會明白我並不適合她，肥龍才是和她能一生一世的那個人。

「但係我唔想要呢個解釋，唔想你解釋啲咩畀我知喎。」説完這話，肥龍低着頭，好像一個洩氣的皮球。



或者，肥龍已經唔想再理會呢件事，可能佢已經放棄去改變佢眼中既「真相」。又或者，肥龍之所以帶我來這人煙稀少的鬼地方，就是為了能夠不受阻撓，痛快地把我打一頓。

其實我也很惆悵，倘若真的能在被痛打一番後稍為減少内疚感的話，我會十分樂意被肥龍痛毆一頓。

我張開雙手，期待肥龍的雙拳。

「你想打就打啦，我係唔會還手。我唔知可以點樣解釋先至令你明白呢一切只係誤會，我亦唔知點樣做我地先可以好似以前咁。但我好清楚我唔想冇左你呢個好巴打，如果挨你既拳頭就可以挽回呢段友誼既話，我會希望你可以狠狠地、毫不留情地打我一鑊勁。」

真不知這是從哪裡來勇氣，居然甘心受肥龍，這位跆拳道黑帶高手的拳擊。



「好！」肥龍一聲咆哮，右手以迅雷不及掩耳的速度擊出。他的拳頭既快又狠，不可能推測何時會被打中，不可能迴避這一拳。此時此刻，也只能閉目待死。

可是，我感受不到痛楚，也聽不到拳聲。

可能已經失去了知覺吧？