【為左老友，我將佢女神變成我女友】: 【第九回：兩個「如花」】

※※※※※※※※※※※※※※※※※※※※※※※※※※※※※※※※※
【第九回：兩個「如花」】

「點算呀，佢呼吸好弱呀！」

「叫救護車啦！」

「趕唔切喇，佢就嚟唔得啦。我要同佢做人工呼吸！」

「冷靜啲！嗰套乜乜天使呃你㗎喳！冇呼吸先做人呼吸㗎！」



「肥龍，你行開啲啦！英傑，等我嚟救你。」

哎呀！頭痛得很，而且還有一雙潤腸在親吻我，究竟我在做什麼呢？

糟糕，難道我的初吻……

「唔好呀！」我睜開雙眼，竭力喊叫，把自己從昏迷中叫醒。

「你醒番嗱，英傑，實在太好啦！」又一個身型龐大，臉上佈滿雀斑的「如花」把我抱緊，並且不停地親吻着我。



這個蘇小玲居然藉故強吻我，實在太令人作嘔了。

眼望前方，腦海中呈現出那首歌：「 閉起雙眼你最掛念誰，眼睛張開身邊竟是誰……」原來眼前的人正是小玲，亦即代表剛才的潤腸是屬於小玲的。

我守護了十八年的初吻，最後居然不是獻給夢中女神，而是一頭對我涶涎已久的兇殘猛獸。在我失去意識的時候，這位「魯芬級」對手露出了自己本來的兇殘面目。她用那雙潤腸觸碰我的臉龐，用她的長舌竊取我的津液。老天爺，怎麼要我遭受此等打擊！

驚怒之下，我的面息變得更加蒼白，實在接受不了要和這女魔頭有肌膚之親。

我本想向站在一旁的肥龍求助，作一個「不如一槍打死我」的求懇眼神。但是，他眼中卻帶着慈愛。情況好像一個慈祥的老者看見一對熱戀小情侶，是多麼纏綿，多麽溫馨。



看見肥龍的眼神，我彷彿有種成為男妓的感覺。為了妓院的收入，為了媽媽生能高興，我只好忍辱負重，任由小玲來調戲。

「唔好咁呀！」我一手推開了小玲。

推開小玲之後，我立即叫糟。肥龍一臉詫異，及後瞋目豎眉，緊握拳頭，擺出一副劍拔弩張的樣子。

「對唔住呀，小玲。我有冇整到你啊？」正所謂亡羊補牢，未為晚也，應該不會得罪小玲吧！

「我冇野呀，傑傑。反而係你呀，頭先嚇死我啦。」

「傑傑？」

「係呀，傑傑。兩個人拍拖叫得親密啲唔好咩？」



我偷偷望了肥龍一下，答道：「好呀。」

「你都話好呢！其實我諗左好耐㗎喇，我叫你做傑傑，而你就叫我做玲玲，好唔好？」

「好……」我再偷望肥龍的眼神，可惜似乎他認為我做得不夠好。

再嘗試多一次好了。

「呀！不如再親密啲，你叫我做傑傑豬，我就叫你做玲玲豬呀？」出動到「割地求和」，我想兩位「如花」應該滿足。

「係喎，你好叻喎，傑傑豬。」小玲快樂地說着。

我望向遠方的肥龍，看到他滿意地點點頭。

此情此境，不禁令我懷疑兩位「如花」根本在合謀整治我。