【為左老友，我將佢女神變成我女友】: 【第十六回：思念】

※※※※※※※※※※※※※※※※※※※※※※※※※※※※※※※※※
【第十六回：思念】

「噢！心似雙絲網，中有千千結。」我訥訥地說着，尚在感受右手殘留的餘温。

「喂，英傑你冇野呀嘛？你吟詩吟左成日喇，知你夠甜喇，不過都要温書㗎大佬。」

「嗱，阿耀就啱啦，你再咁落去仲點考ＤＳＥ呀？」阿澤一臉認真道。

「仲有呀，你今日做乜係咁玩舊天鵝水晶啫？」阿耀一臉不解，呆頭呆腦地問道。



「阿耀你咁都唔明？一睇就知係小玲送㗎喇。」

「係喎，阿澤。話哂英傑終於真真正正咁『情花開，開燦爛』，咁佢成個人好似暈哂大浪咁都好正常啫。」

「我冇聽錯吓嘛？阿耀你諗吓，佢平安夜之後就開始呆頭呆腦，神智不清咁，問親佢野都十問九唔應。但係今日已經二月尾喇，過左成兩個月都係咁，分明就好唔正常啦。」

「你咁講又係喎，佢咁點算好呀？」

「唔，我覺得……」阿澤擺出一副神探伽利略的模樣，希望可以從中找到解救我的方法。



正所謂「解鈴還需繫鈴人」，看來整件事也要靠小玲才可以解決。

想起來，小玲為了避免打擾我的溫習進度，除了每星期閒聊數句之外，絕對不會打擾我。

小玲啊！我明白你的苦心，但是沒有你的日子是多麼難熬，眼前的生字根本記不入腦。

原來，孤單是多麼的可怕。

然而，在阿澤苦煞思量，沉思解救方案之際，忽然又有一把聲音劃破沉寂。



「……中有千千結……」我把弄着剛才擱在桌子上的天鵝水晶，又開始了日復一日的喃喃自語。

「冷靜呀，英傑！」

「咁點算好呀，肥龍？」阿耀決定向剛剛一直一言不發的肥龍徵求意見。

肥龍哈哈大笑，不作回應。

「肥龍你搞乜呀？連你都好似傻左咁嘅？」阿澤不禁焦躁起來。

「根本乜都唔使做。」肥龍有如那些得道高僧在參禪後，說出高深莫測的說話來。

阿耀忍不住好笑，揶揄道：「做咩啫你？無喇喇係到小蟹柳，扮哂蟹。有野就快啲講啦！唔好吊我地癮。」



肥龍説：「其實解鈴還需繫鈴人，只要小玲出現解番嗰個鈴，咁自然就咩事都冇啦。」

阿耀和阿澤齊聲道：「係喎。」

其實，我真的很希望能見到她。縱使愛情的小花火有如流星般瞬間即逝，但只要成功許願，就可以萌芽一段可歌可泣的偉大愛情。

而我的願望很簡單，就只是能夠與她長相廝守。

這個願望，但願可以真真正正得到實現。

為了實踐這個願望，我決定身體力行，以行動維繫我與小玲之間的感情。

「喂，小玲？」

「傑傑豬，係你？」



「乜仲有其他人想打電話畀你咩？」我拖長了尾音，調笑小玲一番。

「緊係有啦。」

「係邊個？畀我知道呢佢就知味道，哈哈！」我裝作氣憤，打算嚇嚇她。但看來我實在欠缺演藝天份，最後還是忍不了笑了出來。

「嗱，呢個人就姓陳，叫英傑。你快啲畀啲顏色佢睇下啦！」原來被調笑的人是我。

「嗯，一於畀佢睇下我女友有幾靚，我地就下星期約埋『佢』一齊見下囉。」

「好呃，就咁話。」

就這樣，我將再度約會小玲。



這夜的我虔誠地向天禱告：「我陳英傑希望能永遠與蘇小玲在一起。」