尋回: 聚散有時 – 3

阿TANG都是中文大學畢業的, 表面醒醒目目, 但一齊ON FIELD久了, 很快發現他的缺點. 他最大的缺點, 就是太有自信.
 
「MACY, 不如我們練下英文PITCH.」
「好呀.」
……下刪數十個英文字……
「咪住先, 你咁樣PITCH, 好似偏離主題喎, 而且你一定要講我們今日活動的目的, 不可以掛住講間機構.」
「講多點間機構, 才可以吸引人聽下去嘛, 一來就講自己出來籌款, 好似人地唔捐唔得咁.」
「但事實係我們想他捐助嘛, 好似你這樣PITCH, 佢聽完咪走囉.」
「我始終好堅持自己睇法.」
他就算是一件很少很少的事都要CHALLENGE. 那天他向一個外國人PITCH我在側邊旁聽, 果然, 別人不知道我們在做什麼.




 
「ANDY, 你件阿TANG好難教喎, 唔聽人講的.」
「佢係咁, 我已經同佢講過好多次.」
「佢…得唔得嫁…?」
「照去先囉.」
 
我們成TEAM人都很快發現他的問題, 但又很想ANDY有得升, 我知道偉少和阿LO肯定勸他升完TERMINATE阿TANG, 好似阿LO自己升完就TERMINATE雷神咁, 但ANDY不情願, 他覺得這樣做等於利用了別人. 過了幾星期, 阿TANG沒有走, 他似乎很有毅力留低, ANDY一如以往協助他CHALLENGE, 成功了!
 
「其實大家知唔知我有咩目標? 我好鍾意打機, 細細個就開始打, 因此我的目標是開一間電腦遊戲公司, 所以我想學下MARKETING, 為將來的目標做好準備. 這裡很辛苦, 日曬兩淋咁又日日同陌生人講野, 但磨練到勇氣, 如果我第時要開公司, 都很需要一份勇氣.」
 




他說得不錯, 我終於明白他為何縱然每件事都覺得不滿又覺得自己好醒, , 但仍然會留低. 然後, 最具挑戰性的事來了, ANDY一TEAM只有三個人, VANESSA, 芷青和阿TANG都是半年內RECRUIT的, 未有GUY也未有足夠的帶新人訓練. 偉少勸他先晉升才慢慢教, 但四個人HIT一條大數, 我覺得他的路比偉少和阿LO的難走, 阿LO當時起碼有多兩個人幫手. 於是我和TINA暗地裡有了共識, ANDY不夠數的話我們會協助.
 
「MACY, 顧掂你自己先, 你現在還得阿健一個GUY, 你也快點RETAIN多兩個, 你也差不多一年了, 是時候.」
「我有分數, ANDY幫了我很多也教了我很多, 做人不能這樣自私.」
阿LO又覺得我言中有刺, 黑著面的走開. 自從上次他令到凱兒HIGH ROLL搶了我的TAKE OB機會, 他一直沒有道歉, 一直不覺得自己有錯, 於是我和他的師徒關係繼續處於膠著狀態, 如不熟稔的同事似的, 反而整天黏著TINA, ANDY, VANESSA和芷青. 而且近日ON FIELD阿LO的行為變得沒有紀律, TAKE BREAK去很久, 又一定要和凱兒一齊TAEK BREAK和LUNCH, 羅賓占士開始傳他倆”有路”, 我仍對他留有一線希望, 希望他做事知分寸. 我個人認為辦公室戀情不是不行, 但一定不能影響其他人.
 
TEAM MANAGER CHALLENGE為期兩星期至一個月, 可以隨時開始隨時結束, 揀選成績最好的兩星期為準, 一到數就可以晉升. 眨眼間八月了, CHALLENGE進行了兩星期未完結, ANDY一直沒有透露進程, 我和TINA繼續暗中幫他.