我的如意約定: 第一章

校門前等著校車，
雨下著，
同學們談天說地，只有我望著漫天雨點。
小玲：「小鏘呀…」
「嗯，做咩呀」
小玲：「我想同你講…我聽日就搬屋喇，所以我會…我要…要…轉校」
我望著她的雙眼，我想說話，但是我不懂，我不懂得我可以說什麼。
小玲：「你係唔係有啲野想問我？」
「…」
小玲：「我地將來一定會再見，到時你會認得我嗎？」



---------------------------------------------

「呀仔起身返學喇，你唔係話食早餐咩，唔係想遲到吓嘛！」
「得喇，起左身喇」
「今晚我地三個人去姑媽道食，你自己食喇呀仔」

過陣我就著校服帶埋枝羽毛球拍就出門口，落樓下食早餐。
 
介紹返，我叫榮本鏘，身高160，16歲，讀緊中四。


 
一入到茶餐廳就見到有個學生妹，白白淨咁，簡單紮個馬尾已經引死人。佢一個人坐，叉著塊紅腸就咬。
「請問有冇人呀？」我問
佢望一望我「有人呀，我約左個男仔佢遲到」
我行開，佢就捉住我「男仔坐低喇，唔係咁小氣嬲嘛！」

面前依個女仔都識左兩三年，住喺附近，慣左同佢食早餐(一個餐兩分食)。
「海瀰，你今晚介唔介意煮多個人飯？」
「講咩野介意唔介意，伯母唔煮飯咩」
「佢地有節目，留低我一個」


「咁我諗下買咩餸喇」
 
食完半個早餐A之後，我地各自返自己學校。
經過幾十分鐘嘅onj早會，終於可以入冷氣房上半個鐘早讀(訓教)堂。當我正想攤上張枱…

「鏘，依題應該點寫呀」林霖指住條中史題目－「有人說，〈春秋〉並不是記載歷史，只是批評當代時事。」你同意嗎？試與〈史記〉比較。

我心諗依份野好似琴日就要交…咁見我同佢小學就係同學，都算係青梅竹馬，唔訓住教左佢做先喇

「問春秋嘛，從來…春秋只轉載要事，如果愛你欠意義，這眼淚無從安置」
林霖望住我，坐前面位嘅肥華同呀英都望著我
林霖「同我表白都唔係依個時候嘛…」

呀英「We will remember that.」



見林霖塊面紅過小紅帽，我都唔玩野
「認真。聽清楚。〈春秋〉係根據魯國由公元前……………………所以正確黎講〈春秋〉唔只記載，仲有孔子自己嘅見解」

佢地聽完個樣好似啱啱訓醒咁。都係算喇，我即刻拎張紙寫返低我頭先講嗰一段，跟著比林霖叫佢照住抄。
 
第一堂比功課，第二堂做；第二堂比功課，第三堂做…終於捱曬朝早啲堂。放lunch就一定同林霖食，因為依個係我地嘅習慣亦係從小約定。

我「食咩呀？照舊？」「唔該呀姐，我就墨魚丸、魚皮、公仔麵，佢就魚皮餃、午餐肉、豬皮、牛腩、河粉」
「鏘，你日日陪我食lunch，仲日日車仔麵，你會唔會厭嫁」
「本質上係會，不過慣左，慣左同你食。我地由小學開始就日日一齊食，都唔厭喇，點會宜家先黎厭」
 
食完見仲有時間，就同佢周圍行下。望住佢側面，有一種好似佢唔再係佢嘅感覺，就正如據說當你望住一個字好耐，會覺得個字變得陌生。
 
不過佢唔係陌生，係變得多左一分嬌羞。
 


突然想起「玲」，唔知道宜家嘅佢生活得如何，變得亭亭玉立，還是留有一絲童真。如果佢無轉校，無搬屋，可能我地會有一個完全唔同嘅故事。

 
你沒有共我踏過萬里不夠劇情延續故事