我的如意約定: 第四章
呀雀撥一撥頭髮，露出側臉…露出左耳…露出助聽器…
眼移向左耳…助聽器。那一年嘅錯誤、疏忽，造成今日佢要戴住助聽器…
「呀鏘，我耳仔有啲痛，有無事嫁？」呀雀係咁捽耳仔
「會唔會係頭先游水撞到呀？」
「唔係呀！好似係入面痛出黎！」佢拍下個耳仔
見佢好似真係好痛，都係同佢去睇醫生好啲，咁我又有睇開嗰個專科醫生既卡片。
「不如我陪你去睇醫生喇。」我搭佢膊頭，喺銀包拎張醫生卡片出黎。「咁我就打電話去問時間…」
呀雀：「唔好！！唔好意思…唔洗喇，應該係小小事姐。」
「呀鏘呀！！唔好意思…做咩眼定定咁望住我？你流左好多汗呀！不如我幫你拎毛巾黎比你好唔好？」
呀雀想轉身走，我一手拉住佢。
「塊毛巾污糟，我自己拎得喇。同埋…呀雀…你會唔會…」
Hotman：「翼仔！個咁靚既靚女，你識嫁？」
當我想問呀雀會唔會怪我嗰日無帶佢去睇醫生既時候，個死人“熱男”彈出黎周圍吹水。
「我同依個靚女唔識嫁，”Dogman”。」我搭住呀雀
Hotman：「我明明見到佢叫你加油，你地頭先又傾左好耐嫁。」
「咁你見到又問！！話時話，你見唔見頭先寫表坐我格離個女仔？」
「係呀，喺你打左完第一局，佢走左出去。」
望返入場地，傳黎明既第一雙打已經開始熱身
「呀雀，我地要打第二場喇。」
我拍下身邊既Hotman，佢都意識到係時候入局
評判：「聖皮埃爾書院對傳黎明中學，第一雙打，比賽開始」
Database：孖生兄弟，防守力強，球路穩定，今年學界比人“三拍攻穿”不上十次。“紅鞋”主後場，但吊球過網較高；“黃鞋”主前場，直線多。
「Hotman，佢地之前啲比賽，無咩比人攻穿到。所以盡可能轉你後場打吊球，我打前封。如果要殺就點殺，盡可能唔好比機會人反揪。」男雙中最驚遇到防守勁既對手，因為一路都攻唔穿，對自己同拍檔都形成好大壓力。
由我開波，“紅鞋”接發。
一開波，佢就挑後
睇黎佢想試下我地後場波…Hotman吊直線
佢地再挑…
如是者，十多個來回我都無接到波。
終於Hotman一球吊斜線，擦網過。
1：0
係呀！打咁多來回先拎到一分。
其後我地雙方以超拉鋸形式打依場男雙
21：18
對方先贏一局
呀sir：「兩位打成咁既，翼生你唔係主後場咩，做咩困自己落前場。Hotman，你又係既，做咩係咁吊球唔殺？你地一陣入去專心啲！」
入返場等對手入場
Hotman：「翼仔你比人isolate喎，我唔夠重板，好難比到機會你去封。不如同你轉返…」
「Hotman…一陣唔好攻，打比佢地攻，我好似睇漏野。」
“黃鞋”開波，到我挑後
“紅鞋”殺向Hotman，好輕鬆咁回返對面後場
“黃鞋”回後接…都係殺向Hotman，佢放前…
佢地無人喺前場封，“黃鞋”沖前出左個中場波，Hotman一球跳殺
1：0
Hotman：「翼仔，睇黎對面好急於攻死我地喎。」
「一陣對面出高遠球，我地殺是旦一個，無論回咩波都打返高遠球，我想證實啲野。」
我開波，“紅鞋”挑後
一如計劃，Hotman殺完…再打高遠球
對面一個去左後場接波，不過另一個無上前
“黃鞋”殺左出界
2：0
我同Hotman異口同聲
「佢地打”side by side”」
咁就好打，前場無人封網，即係只要佢攻我地回佢地前場，佢地就會失位！
話雖如此，不過佢地好似意識到依個死穴曝露左…
其後，我地係佔左上風，不過佢地對於Hotman既攻勢都可以回到，只係佢地一來回多，失誤都多左…而我繼續被isolate…
21：18
我地攞返局…不過只係險勝…
呀sir：「你地…你地！係攞返一局，不過翼生你唔係話要穩贏咩，但做咩要試新打法？」
「唔係試新打法…係佢地之前啲比賽，無咩比人攻穿到。Hotman打法多雙啲，吊球又在行啲，可以一戰搏對手失誤…」
呀sir：「佢地之前啲比賽，無咩比人攻穿到？不如我講個歷史比你地聽：條頓武士團以重裝裝甲，配備全身保護塔盾，任何刀劍弓箭都穿透唔到，一直所向披靡。不過直到拿破崙火槍隊入侵…」
入返場，我準備返個心情，點講都打到第三局決勝，都幾緊張…
「呀鏘加油呀！」呀雀又唔知羞咁喺觀眾席大叫
其實有個唔知羞既人支持下都幾爽
呀雀：「比佢地睇下你認真嗰時有幾屈機！！」
回頭轉身望，好似個個人都望向我依邊，連評判都抬頭望一望我…痴線！！
第三局開始
「Hotman，你開波呀，我想做返我一直應該要做既野…」
「一野轟落去！」
Hotman開波，“紅鞋”一如既往咁挑後
我跳起一野轟落去
「唔好意思」
球波打中左“黃鞋”既心口
1：0
佢地之前啲比賽，無咩比人攻穿到…只係因為人地攻得唔夠重
一直都係我諗多左…
2：0
…
11：4
…
21：8
比賽結束
「你都好重板喎！」“紅鞋”問我，同我握手
「你地係唔係打慣單打，因為你地打side by side？」
佢地點一點頭
其實正常男雙都唔會side by side，只係我傻仔由開局就諗多左！
一塊毛巾飛過黎，定一定神
原來係呀雀
「傻仔，咁屈機就一開波兩局打完佢喇，玩“拉布”！」呀雀幫我抹汗，我發覺塊臉好熱，唔知因為打完波熱，定我怕羞…
終於打曬我既項目，可以坐喺觀眾席抖下，睇下比賽…
「嘩！」呀雀又大叫
睇返格離場，原來已經打緊第二單，咁睇黎我場雙打都打左打耐。
德心中學對聖靈書院
穿上粉紅色球衫既女仔一球打落對方既死角位，對方完全無反應。
呀雀：「我地放棄之前兩場搏之後三場贏曬拎冠軍，宜家要靠曬蘭蘭喇！」
喺場中既女仔叫做蘭蘭
睇真啲，佢擁有一雙猶如“春麗＠街霸”既大腿，喺依個級別既比賽應該無對手
左手揸拍？
我無閒情睇其他人比賽，我地第二單就黎開始
對手無出過場，所以無任何資料
真係要睇下我地既隊友點發揮
我望一望格離
林霖坐左喺道
「頭先唔見左你既，去左邊？」
林霖：「食啲野姐…」
真係一個“吃貨”，一講食就可以失蹤成個鐘
林霖：「同埋買野比你飲，比賽要加油！」
「其實我打完喇！仲差依場，贏埋就五場三勝，攞個冠軍走！」
比賽已經開始左…
對方隊長行緊過黎依邊
做咩呢？
「你係聖皮埃爾既隊長？」
「係呀」
「一陣不如打埋其餘兩場…friendly」
林霖：「吓！」
「你地睇下個分牌先喇！」對方隊長笑一笑
21：1
我地已經大比數贏一局
咁我明曬佢講咩…
「一陣就會頒獎，請所有同學清出場地」
「宜家到九龍區男子團體賽A grade冠軍…聖皮埃爾書院」
我接過金牌，又好似無咩特別感覺…
影完團體相，我行返去場邊
林霖：「鏘，你…」
有一個人攬住我
「你終於得左，你終於完成左你對我既約定…你證明左無野係無可能。就算一隻眼睇唔到，仲有一隻眼睇到都可以打到波…無影響。你為我打返波，你為我犧牲左太多喇…為左照顧我，你放棄左游水…放棄左好多野。你為我做左咁多野，我好肯定我遇上左一個啱既人」
望住面前既呀雀…
掃掃佢既頭髮，抹乾佢眼角淡淡既眼淚影
遠處既林霖…
雙眼失去焦點…
咬著唇…
望著我…
小玲：「從前，女企鵝因為意外左邊翅膀殘缺飛不起，後來氣候大變，所有企鵝都飛走，只有一隻男企鵝決定留下陪女企鵝。為左生存，牠們學游泳，經過無數次努力，終於學會在海中覓食，多年後牠們坐在海邊…
女企鵝：「對唔住，為左我，你放棄左天空。」
男企鵝：「無緊要，有左你，我得到左海洋。」」