簡介
緣份 有緣則有份是金科玉律？ 社會名利的迫令下 被無情劊子手斬斷情結的金童玉女多不勝數 細嚼絲甜的鴛鴦 至神聖偉大的鳳凰 雖囿於麈世之中 卻得到月佬仙人的眷顧 緣份 看似輕於鴻毛 不足掛齒 中5的我 過往與不少情緣擦身而過 但唯有妳 泛起我心中的漣漪
鴛鴦
| 作者 | 熙 |
|---|---|
| 類型 | 甜故 |
| 狀態 | 未完結 |
| 更新日期 | 23-01-2016 15:47 |
| 文章字數 | 1273 |
| 點擊次數 | 2091 |
「哇diu ! 男神呀 ! !」
佢係阿螢
叫鴛熙呢D白痴名既我
中3因為佢坐我隔黎先識佢，性格爽快，日日都係all-back頭，又識打柔道，仲要藍帶(姐係好L勁)
同其他普通女仔好唔同，其他女仔見到令仔就會私下討論喃喃自語但
有一次，一個公認係男神既阿偉經過我地班，佢既仙氣從窗口慢慢滲透入黎我就知佢唔會再專心上堂 ，
佢有別於凡人既嗅覺令佢放棄了眼前既書本，眼神轉移到仙氣的根源，我就知-「又黎啦on9」
佢係咁搖我隻手，面上既憂鬱變成興奮既笑容，真切的眼神凝視窗外，
「diu你係咪狗公黎 ，唔係，係狗乸」
「係又點呀，佢好令仔呀diu ! !」
「我唔令仔咩」
「收啦你 你點同佢比呀」
佢冇錯，我真係唔係一個令仔，體衰多病，仲有濕疹，成績又唔係係其他學霸特別出眾，
中一拍過一次拖，比人華麗轉身，當傻仔咁玩，最後比人飛鳩，
到以加中三，我慢慢開始對愛情既野唔再考慮，專心於面前既書本，只求成為莘莘學子。
但有時上堂果陣身心皆累時，偶而都會看看窗外，都會睇到一對鴛鴦，在我面前甜甜蜜蜜，不理旁人眼光，拍翼齊飛，都令我有D羨慕，
始終，我都係改唔到男仔既根性。
「諗緊咩呀，上堂啦鴛熙。」佢把死人男人聲又黎打碎我一切既FF
「關你咩事，我中意發夢，中學生涯唔上堂發下夢唔訓下覺，就哂9囇」
「理得你，見唔到男神就真係哂9囇啦!」
佢
真係好膚淺。
「大家，下個星期一要交作文，題目係: 有朋至遠方來，同我記底題目。」
黃老師是一名真君子，以教學為樂，如果有人有咩中文科疑問，佢都唔會回避， 仲係我識既中文老師入面，最識講笑，最識玩，最開明既人
開明 ? 就算計埋我人生中所識既老師，佢地既開明程度面對黃老師，都係小巫見大巫。
但係她 就唔係咁諗
「又作文，仲要係咩朋咩來，Up What 7姐佢，好想訓覺呀」
阿螢份人就係咁，成個男人咁，我又成個女人咁，
聽到佢係到抱怨， 腦中既第一選擇，竟然唔係唔理佢
竟然 ? 對，我以前同其他女仔一齊坐果陣，佢地都一樣抱怨，
但係佢地既抱怨只會埋藏 於心，面上故意卻露出丁丁馬尾，
係佢地一刻既唔謹慎 ? 定係特登比人地睇到， 再可以得到他人既安慰 ?
無錯，呢D女仔的確令人第一刻既反感，
但再睇返佢地個樣， 可愛而又帶點高崇，脹脹既面豬登，真係次次都令我有種慾望 – 日日都用隻手搓揉再捏 捏佢地塊面，最好有得錫落去，
為得這慾望實踐既機會，安慰佢地成為左達成慾望既第一步，
一切都係為左讓我自己空洞既情慾得到填滿既一日。
但係她，卻與人不同，
有一刻既壓力，口卻對心，一切想說的不滿都有話直說
面對佢唔洗再用各種心理戰，任何慾望都盡消，
理下佢又無妨
她有時都幾真摰。