[屍故] 完sem後被迫留在科大玩一場生存遊戲: 第１６章—改變
回到實驗室，終於可以享受一下片刻的安寧，可以休息一下。
遊戲已經過了三日半多，只要再捱多一日多就完結了，應該是吧。
但其實只有我和沅婷都是歇著，阿俊仍然專注地用電腦，鍵盤聲始起彼落，好似在做些什麼。
「喂！阿俊，難得我地返到嚟，你仲玩電腦？」我笑著說道。
「玩你條命咩！做緊正經嘢呀屌你！」阿俊回頭望一望我說道。
「點正經法呀？」我問道，然後湊近電腦的螢幕。
「你好似完全唔記得咗組織個啲嘢喎！」阿俊說。
被阿俊這樣一說，我才真的醒起。只怪之前發生的事太多了，令我將組織的情報都放在一旁。
「咁你依家有無發現啲咩先？」我緊張地問道。
「屌！我發現到依家唔撚洗係到禁禁禁啦大佬！」阿俊煩燥地問道。
「挑！咁我以為你掂呀麻！之前你又搵到咁多file個啲～」我應道。
「個啲係佢地好唔小心處理先會比我拎到啲資料。其實我由你地出去到你地返嚟，我一直都有查，但係乜都查唔到。」阿俊有點心灰地說。
「無事嘅，查得幾多咪得幾多囉。」我說道，而且我心想以我的能力，根本可以保你們平安。
此時我又回想起，到底這班人想把我們怎樣處理，不過無論如何，我都一定會阻止你們。
回到實驗室後，其實我還有第二樣煩惱，就是沅婷。
她對我好像不同了，好像有點冷淡，而且有點害怕我般的，就連望我的眼神都不同了，我也不清楚為什麼。
由回程到實驗室直至現在，她都沒有跟我說上一句話。
「沅婷！點解你…好似對我唔同咗咁嘅？」我忍不住問道。
「係…係咩？無呀……」沅婷發抖地道。
「咁都話無？你成個人都唔同咗咁！」我湊向沅婷，想靠近她一點。
但沅婷見到我想靠近她，她竟然同時移離我一些。
「做咩…？」我對沅婷這個反應，顯得不知所措。
「嗯……」沅婷低頭道。
「咁你樣即係咩意思？」我問道。
「……」但沅婷沒有回答我的問題。
「哦！！係咪因為我左眼嘅傷，所以你就變成咁？」我唯一想到的原因就只是這個。
「我無呀！」沅婷聽到後忽然激動地道。
「你無？無洗乜咁激動？係咪比我講中咗你心虛咋！？」我覺得自己說中了她的心聲。
我先前還以為沅婷是與眾不同的，誰知同樣都是以貌取人的港女！
一見到我左眼廢了，馬上對我冷淡！
我心裡有氣，本想打算不再理會她，但此時沅婷竟然哭起來。
所以說「眼淚是女人最強的武器」這句話真的沒錯，我一見到沅婷哭泣，硬起的心腸登時都軟了。
「做…做咩呀？做咩喊呀？」我問道。
「我都唔知呀…」沅婷繼續哭泣不止。
連自己哭泣的原因都不知道…這句話恐怕只會出自女人的口中了。
「你…你唔好咁啦…同我講咩事啦…」我安慰道。
「我…我好驚呀…」沅婷放聲大哭，就連阿俊本來沉於電腦之中，都轉頭過來望一望，看看發生什麼事。
「驚咩呀…？你無啦啦咁樣我仲驚啦…」我抓一抓頭說道。
「你啱啱…我唔知你仲係咪阿豪呀…」沅婷哭道，然後撲入我的懷裡。
這真的弄得我愈來愈糊塗了，真係搞不清楚沅婷的腦到底在想什麼。
我伸手抱她入懷，希望能令她冷靜下來。
只有這次我才真的有好好地去感受沅婷的體溫，因為先前我倆仍未互相表露心聲，所以在道德上，我不敢佔人家便宜。
沅婷的身體很柔軟，即使已經進行遊戲多日，但沅婷的身上仍有一陣淡淡的海洋味，和第一天我所嗅到的沒差，這應該是她的體香吧。而且她的身形纖幼之餘又頗為有肉，所以抱起來的觸感相當好，不會有硬梆梆的骨頭頂著。
等到沅婷開始漸漸平復情緒後，我便再去了解剛才沅婷所說的是什麼意思。
「ＥＲ…其實呢…我都係唔係好明你頭先所講嘅嘢。」我說道，希望沅婷會肯解釋清楚一點。
「我覺得你…好似變咗第二個咁…」沅婷說道。
真是奇怪，明明一開始是我說她變了，現在居然倒過來說是我變了。
「我邊有…」我真的不解。
「如果你真係阿豪，你一定唔會咁做……」沅婷接著說。
「我點做？」我望著沅婷問道。
「你…你…頭先…」沅婷好似有點難以啟齒般的。
哦！我明白了，她在說我殺人的事嗎？真是大驚小怪。
「原來你仲諗緊頭先嘅嘢呀？都過咗去啦。」我鬆一口氣道，因為我覺得這根本是一件小事。
「點解你會一啲感覺都無咁？如果你真係阿豪，你唔會咁。」沅婷似乎不覺得是小事。
她由一開始一直在說阿豪阿豪的，真的很煩人。
「我講咗幾多次，我係阿豪！係佢地郁手先，怪得邊個！」我煩燥地道。
「咁所以人地喊住求你放過佢，你都照…」沅婷反駁道。
他們有求饒過嗎？我也不知道，因為我腦袋根本沒有這段記憶。
「……」正因為我沒有這段記憶，所以我都不知道怎麼回應。
「你可唔可以變返以前嘅阿豪？我淨係覺得，頭先畀你攬住個陣，你真係阿豪嚟。」沅婷柔情地道。
「咁……嗯！好啦。」雖然其實我根本還仍未搞清什麼「真阿豪」「假阿豪」的，但聽到沅婷這般的語氣，誰人會不心軟，怎可能不答應她。
不過我猜想她應該不想再見到潛藏在我內心的「他」吧。
沅婷聽到我答應她後，登時好像放下心頭大石一樣，而且她對我的眼神都好像變回以前一樣。
「係呢阿豪…你隻眼…點解咁會嘅？」沅婷問道。
「係個隻嘢整傷嘅。」同樣地，我都是不想同沅婷提及關於面具的事，而且我亦不想提起。
「咁你仲痛唔痛呀？」沅婷心痛地問道，然後伸手摸一摸我左眼的傷。
原來沅婷對我的傷是如此痛心，之前還對她說了些什麼「睇我唔起」的話，現在回想起真是對她有點過份。
「哦～唔痛啦。」我應道，而且就算再「痛」，我都應該感覺不到吧。
「咁就好啦。」沅婷眼泛淚光，不知道的還以為受傷的是她。
「你攰唔攰呀？」其實我沅婷都已經很久沒有好好地睡覺了，我想難得現在的環境可以讓我們睡一會兒，要把握機會休息，才能應付最後一天的生存遊戲。
「嗯…」沅婷應道。
「咁不如趁依家我地訓一陣先啦，我驚遲吓想訓都無得訓。」我說道。
「好啦。」沅婷應道。
於是，我和沅婷互相靠著對方，牽著手，依在牆邊埋頭便睡著了。
分隔線
————————————————————————————————————————————————————————————
「各位，哩場遊戲嘅節目都將近尾聲，可能大家都會覺得唔夠喉，所以決定加開一個臨時嘅特備賭局，當然唔會係普通嘅賭局咁簡單啦。」主持人道。
「點唔簡單法呀？」一名觀眾大聲叫道。
「哩個特備節目名額只有五位，只要肯額外比多一千憶就可以參加，內容方面就…到時就會知。」主持人回應道。
現場引起一陣起哄。
————————————————————————————————————————————————————————————