【英雄系列1】廢鳩俠: 19

19.

「咔咔咔...」

「阿爺！阿爺！」
阿爺隨即被送入手術室


「阿哥...阿爺..會唔會有事呀？」小櫻眼濕濕咁講
「放心，冇事既冇事既..」



過左一陣，老豆,老母,阿彩,飛龍同小珠都黎到
全部人既身上各處都包紮住

「阿爺...依家咩情況呀？」阿彩問
我低頭道:「佢..心口中左一槍...依家響入面急救緊」

「咪..咪住先....點解得你地黎左架？」我問
五人低住頭，一語不發



我開始有不祥既預感:「唔..唔係出左d咩事下話...」
老豆:「我地全家大部份都受哂傷，依家入哂醫院」
果個振西，咁撚勁...

「而且...佢..佢仲捉左二姑媽、三伯父、五伯父同七姑姐佢地...」飛龍咬住牙，道
我同小櫻吃左一驚:「吓.點解...」
小珠握緊住拳頭:「我地果陣已經比佢打到起唔到身，想救..都救唔到」

「登登！」
我地在場所有人既whatsapp同時響起



係，一條短片
片中既二姑媽、三伯父、五伯父同七姑姐
全部都被綁住


冇露面既振西奸笑住:「哈哈哈，聽日下晝6點前，我要你地送慕容守雪條屍過黎鴨脷洲棄置船廠」
「否則，你地知有咩後果啦，我真係好想知你地會點揀呀，哈哈哈哈」


「可惡！！」飛龍怒喝:「估唔到..呢個歐陽振西咁仆街！」
「死賤人..我依家就要去隊冚佢！」小珠正想轉身

我同阿彩拉住佢:「你係咪痴左線呀！頭先你睇唔到條友有幾好打咩？」
「咁唔係可以點呀！！」



我低住頭:「我地幾個...一齊去將佢搞掂」
呢句說話將眾人既目光聚焦哂落我度

「小珠一個人或者打唔贏，但係...如果我地四個打既話，未必會輸」
阿彩拉住我:「喂，咁我呢？」
「你響度保護我老豆老母，我唔想...佢地都出事..」

小櫻問:「但係...佢地有二姑媽佢地做人質喎..」
我沉思一會:「到時...我地三個頂住振西同宗南，小櫻你就襯住呢個機會去救返佢地」

老母:「阿七，你..得唔得架？唔得唔好勉強呀！」

「我實得架，係睇下..」
我望下飛龍同小珠:「你地...有冇信心？」



飛龍輕輕笑左一下:「嗯，阿七你叫到...當然有啦」
小珠叉起雙手:「連你呢個廢柴都唔驚，我又點會驚呀？」





「咔」阿爺從手術室被推出黎
我地一行人馬上衝埋去:「醫生！阿爺點呀！」
「我地成功拔出子彈，但病人仲係處如昏迷狀態」

「唉..如果我果陣醒目少少..阿爺就唔會受傷..」我埋怨住自己
老豆安慰住我:「唔好咁怪自己啦阿七..」



「作為慕容家既人，你今次...—定要幫我地咁多個..報仇！」

無錯，既然我係慕容家既男人，今次就一定要收呢個歐陽振西皮





「喂，阿昇？」
「做乜呀阿七？」

「果部機械人，依家完成好未呀？」
「依家...完成左70%咁啦..」阿昇似乎feel到:「阿七，你..唔係想....」

「嗯，我聽日就要用」


「但係...依家個sensor仲未測試過喎..」

「冇時間啦，我一陣會過黎幫手」
「唉..咁好啦，今鋪點都撐你」



我返入阿爺既病房，阿爺仍然昏迷
我問小櫻:「咦，其他人呢？」

「佢地去左探其他人啦..」
小櫻低住頭:「阿哥...頭先....多謝你救左我..」

我諗返起佢同宗南打果一幕
「哦...小事姐..又唔可以話係救既..」

我吸一口氣:「其實...頭先比支槍指住我果陣，我真係好驚，我成個腦都仲響度諗緊露露bb...」
「哈..原來，真係好得人驚」

小櫻挨落我既大脾上
「阿哥，點解，你頭先要咁勇，話去救返二姑媽佢地呀？」

「咁..我係慕容家既男人黎嘛，我唔做呢d野，邊個做呀？」其實，當時我都係9up下
小櫻緊張道:「但係...阿哥你唔識功夫，分分鐘..」
我搭住佢既雙肩:「放心啦，以我咁多、咁犀利既法寶，呢個歐陽振西絕對唔係我既對手」
「...嗯」

「呵呵..淫櫻做乜無啦啦咁關心我呀？」我笑道
小櫻既臉馬上紅起黎:「無...無呀，邊有關心你喎咸濕阿哥！」



同小櫻道別之後，我就馬上揸車到阿昇既大宅

「阿昇，依家部野出擊得未呀..」
拎住辣雞既阿昇道:「仲差電力轉換器，依家活動時間仲係得1分鐘咋」

「話事話啦，你因咩事要咁急用部野呀？」阿昇問

我將今日既事講哂出黎
「連你地成家合力都唔夠力，咁果個人真係好勁下話」
我點頭:「嗯，所以我地今晚一定要整好呢部野，因為...佢係我唯一可以打敗佢既希望」

阿昇輕輕一笑:「唉，你講到咁，今晚點都要同你通頂搞掂佢啦...」
「嗯，今晚辛苦你啦，完左呢件事請你同新月小姐食飯啦」
雖然只係識左一個月，但係都估唔到阿昇幾有義氣




「呵欠...」我打住喊露，望住手錶
原來已經係第二朝既八點

仍然響度做緊野既阿昇道:「阿七，你返去先啦，呢度我搞得掂」
「吓..但係..」
阿昇飲住可樂「唔駛但係啦...你一陣仲要打仗，唔抖足精神一陣就比人收皮架啦！」

坐響旁邊既新月起身:「阿七，我送你返去丫，你咁攰揸唔到車架」
「好丫..唔該新月小姐」
阿昇:「放心啦阿七，一陣我會call boss送部機械人過去架啦」
「嗯，咁...拜托哂」


「新月小姐，介唔介意我問你一樣野？」
揸住車既新月問:「問丫，做咩呀？」

「你同阿昇，係咪拍緊拖？」我忍住笑
「唔係呀！」新月馬上黑面:「我對佢冇興趣」

我:「但係...佢又成日話同你拍緊拖既」
新月哼左一聲:「佢就緊係想啦..」
「不過....阿昇係幾有義氣既..又為朋友著想..」
新月小姐呢d..係咪叫做傲嬌？

到左醫院之後
「到啦..唔該哂新月小姐..」我準備落車
「阿七..小心d，加油」
我報以一個微笑:「嗯！我知啦，新月小姐」


一上到醫院

「阿哥！」小櫻一見到我就衝埋黎
「做咩呀小櫻？」

「飛龍..同小珠，自己去左搵歐陽振西呀...」