[自傳]有冇巴絲一樣覺得自己好平凡: [3]

可能有人會奇怪, 男校都可以參加joint school架姐。

而我間學校正正就係出名活躍嘅一間,

不過身為毒男嘅我又點會比自己去呢d場合拋頭露面先得架, 周星星都冇面比…

正所謂your face, your fate, 我又點會比機會人地恥笑我呢個自我介紹都口震震嘅毒男呢?
( 利申: 中英oral年年全級尾10 )

就係咁, 我又平平淡淡咁虛耗左三年……



由於當時學校強制性每人要參加三個學會, 所以我已經是但入左啲最up dup嘅學會,

分別有魔術同埋羽毛波學會 ,而淨低個個我真係諗爆頭都諗唔到入咩好。

就喺呢個時間, 我行到去一個拍晒烏英嘅攤位, 佢上面寫住AYP,

我諗都冇諗佢係何方神聖就好勇躍咁報左名 。

個陣仲心諗: 咁又搞掂左單麻煩野 , 但係我勢估唔到呢個決定會影響我一生。 簡單講返下咩係AYP先。



佢其實係一個考章嘅計劃, 分金銀銅三級, 要完成唔同時數嘅服務, 技能, 運動同野外訓練先可以pass。

野外訓練其實即係行山, 其實玩落都唔錯又唔係太辛苦又可以同同學一齊行, 亦係因為咁我愛上左行山。

至於技能同運動都係求其搵人簽簿架姐, 但係到服務就頭痕喇……

我個陣真係唔知去邊度做義工, 仲要自己一個參加真係殺左我算啦。

正當我打算由得佢嘅時候, 個club無啦啦搞左個joint school service, 目的就係要召習所有毒男嘅面孔。



呢次joint school嘅對象喺一間女校, 嗰陣其實有d驚, 因為要同一種未知生物打交……道。

由於我個陣仲係蕃薯一舊, 所以完全冇打算識女仔, 一心想hea左佢。