[自傳]有冇巴絲一樣覺得自己好平凡: [6]

就是咁, 人生嘅第一次……joint school就冇左了。

隨之而來嘅又喺平淡嘅生活…….

個陣由於中四已經分左班嘅關喺, 所以我係相當空閒的。

平日我放左學都係有時間就踩下單車, 彈下結他, 之後就喺香討單車版遊盪下咁,

而淨落唻嘅時間就當然係煲戲啦。煲左一段時間動作科幻都已經煲得七七八八,



喺諗唔到煲d乜嘅情況下我作出了一個大膽嘅決定, 就係睇下我一d興趣都冇嘅愛情片。

我就由日本純愛片開始煲, 其實睇頭個幾套都係冇乜感覺, 都喺hea時間居多。

但喺到後來睇下睇下就唔知點解開始對男女關係感到好奇, 對個種感覺感到渴望。

喺呢個時候, 我不其然咁樣想起ronnie, 之前做service個陣偷望佢嘅片段又開始浮現,

但喺個陣我都仲係未知自己咩事。



呢個症狀都持續左好一段時間, 但係隨住學業漸漸忙碌少左時間比我ff, 佢又慢慢咁褪出我腦海……

我個陣仲覺得返學好枯燥乏味, 但喺而家真係好後悔無好好把握中學嘅時光。

話咁快又過左一年了。

唔知巴絲們仲記唔記得apple每年都會有呢個買mac送ipod touch嘅promotion呢?

話說個陣仲係用緊3310嘅我, 咁岩我家姐就買左部mac book, 佢見部ipod touch冇乜用所以就送左比我喇。



就係咁, 我就擁有左人生第一部類智能嘅野喇。

有左ipod touch第一時間就當然係down apps架啦, 個陣仲喺好興draw something,

成班上堂一齊玩, 好鬼過癮。

因為平時冇乜野做嘅關係, 所以一返到屋企就係咁玩,

亦因為呢隻game令到我同一d原本唔熟嘅同學都有計傾。

如是者, 我就沉迷左差不多一個月, 正當我玩到有d厭想放棄嘅時候, 就突然間有個來歷不明嘅人同我玩。