＜愛情走甜>我打開臉書，決定在朋友群內尋找曾經暗戀的對象⋯⋯: 1.1

初戀＜士巴拿>

今日閒聊打開臉書，一邊聽著Twins充滿校園青蔥氣息的歌曲，歌詞的感染下，有意無意間在臉書的朋友群內Click中很多是我曾經暗戀的對象…

第一個對象是我讀小學四年級，是她令我初次體會甚麼叫做愛，令我初次有種心如鹿撞的感覺。現在回想起來，仍然有一種說不出溫馨的感覺…

Salor Wong，她的英文名在臉書上是這樣串，法，但是我幾可肯定她在小學的時候，明明叫做SteIIa ，那些年我還整天作弄她叫她做「士巴拿」…

「喂…士巴拿！士巴拿！尋日Miss朱D功課你識唔識做呀?」



「都叫左你唔好叫我做士巴拿呀！我英文名叫Stella…係S…T…E…L…L…A，Stella呀！死四眼龜！成日咩住個龜殼周圍行！笑死人啦！」

沒錯，小學四年級的我花名就係叫做「四眼龜」！因為上當年我非常喜歡一套叫做「忍者龜」的卡通，有一次和我母親在太古吉之島（現在叫AEON了) 見到一個忍者龜的龜殼書包，就苦苦哀求母親大人送給我做開學的禮物！再加上我是近視，需要戴眼鏡的關係，「四眼龜」的綽號就由始而來。

「咩呀！士巴拿，你識D乜！呢D叫做型！你地D女仔都唔識貨！」

「低B仔！忍者龜嘛！好人好姐居然鐘意四隻烏龜！你話係咪笑死人？」

「咁高層次嘅野你緊係唔明呀！我都廢事同你講！」



「唔同我講？好！四眼龜，Miss朱D功課我就一早做好啦！你咪唔好問我借羅！」

「你…你…」

我一面Click入Stella Wong的面板內，一面回想當年我倆童言無忌的對話…

(咁多年啦，你個樣都係冇變個！都係咁純咁真…)

(咦？乜原來你已經做左人地嘅母親啦…)



(呢一個就係你個女？嘩…真係好似你！成個你細個士巴拿咁嘅樣…哈…唔知係唔係同你一樣咁巴渣呢？)

我繼續細心窺看她貼上臉書的相片，這時終於看見她的丈夫了…