人渣誠自傳: 11.
同阿偉傾完之後,咪又係頹到成隻狗咁,我同Heidi都係冇好轉。
然後有一日,我發高燒,冇返到學。我Heidi會出現照顧我,好想佢會係我身邊,不過佢唔會。
出現係我身邊既人,唔係Heidi,係張彥琪。
我聽到門鐘聲,打開大門,就見到着住校服既佢,應該啱啱放學。
「點解你會係度既?」我問。
「知你病,咪黎睇下你囉。你食左野未啊?」
「未啊。」 病到仆街既我,訓左成朝,乜都未食過。
「都估到你架喇,我買左粥上黎啊。」佢提起手上既白色袋。
咁好死,唔係鍾意我掛?
我打開鐵閘,比佢入黎。佢除左對皮鞋,慢慢行入黎。我接過佢手上既粥,打開就諗住食。
「嘩!好熱!」
「成個細路仔咁。」佢拍一拍我個頭。
張彥琪搶去我手上既匙羹,幫我吹凍羹上既粥。個一刻既佢,真係好靚。
「啊~」冇錯,佢餵我食。
「唔洗啦..我自己得啦。」唔多唔少,點都會有啲尷尬。
「怕咩醜啊,識左咁左年。黎,啊~」佢再次示意。
我亦乖乖就範,免得佢又煩。
不過講真,有個靚女餵你食野,都幾爽。
短短既時間入面,基本上,我完全忘記左Heidi。眼中只有係我面前既張彥琪。 可能,我冇想像中咁愛Heidi。
食完粥之後,張彥琪係佢書包入面攞左盒必理痛出黎,叫我食左佢。
「李志誠,食左佢。」明明佢以前唔係咁叫我... 我好乖咁聽左佢話,食左兩粒藥,飲左啖水。
「搞掂喇。」我講。
「好,咁係時候要訓教教豬。」依個笑容,好懷念。都唔知幾多年冇見過。
我諗十幾歲人仲講教教豬既,應該得佢一個。
佢拖住我隻手,強逼我返房訓教。 佢坐係床邊,而我就訓係佢大脾上面。佢一邊掃我個頭,一邊觀察我間房。
「我都好耐冇黎呢度喇。」張彥琪說。
「嗯...」 當初入佢間房既時候,我都好感觸。種感覺好陌生,又好似曾相識咁,好怪。
「對唔住啊...」佢話。
「點解咁講呢?」我問。
「係我同阿龍講你問佢既野...」 其實,我一早估到。
「唔緊要啦...」我冇嬲佢。
「我有咩可以補償你啊?」睇得AV多既我知道,依個係一個性邀請。
我坐返起身,望住佢,慢慢靠近佢,錫左落去。佢冇回避,反而錫返我轉頭。
「咁就夠喇。」
「好...」
我糟蹋左,我既初戀。
一錫落去,我第一個感覺係,好軟。
曾經我以為,只有皮膚白既女仔先會滑。原來,也不全然。
講白淨既話,張彥琪完全比唔上Heidi。但係,講滑佢真係完勝。我係錫佢既同時,雙手也不閒着,一直摸佢大脾。
終於,我扯左,開始想入正題。 我將摸緊佢大脾既手,慢慢咁向上發展。我隔住佢既內褲,感覺佢既私處。
正當我想開始進一步既攻勢既時候,佢阻止我。
「唔好啦...」佢禁住我雙手。 我停低,用一個深情既眼神望住佢。佢可能比我電親,慢慢鬆開對手,繼續同我濕吻。
前戲,一定要做足。
我除去睡褲,露出陽具。佢自動自覺用手捉實佢,之後上下上下咁,好有節奏咁郁,好舒服。
嗯,同以前一樣。
用完手之後,就係口。佢一口含住,不斷發出吞口水般既聲音,賣力地擺動。仿似要完成當時未完成既任務一樣,佢個樣,好淫。
嗯,同以前一樣。
我輕輕推開佢,除埋上衣。佢見我除衫,自己除埋。只留下黃色既bra,同埋黑色既底褲。當時我有一個好on鳩既疑問:點解唔同色既? 咁我又未on鳩到去問,反正,都要除架啦。
話時話,佢對波真係好大,真係大個女喇。
之後,我將自己放入佢既身體,不斷地抽送。咁多年黎,我終於可以上到佢,上到自己既初戀。但點解... 點解我一啲都唔滿足呢? 究竟點解...?
「啊...唔...誠誠...」佢叫返我誠誠。終於都叫返...
嗯,同以前一樣。
但係,真係一樣咩...?
經過漫長既歲月,我射左。我地清理完之後,訓係張床上面。
「我地一齊啦,好嗎?我會負責任。」我說。
要忘記一段感情既最快方法,就係投入另一段感情。所以,我想同佢一齊。再加上搞完人,點都要負責任掛。
「對唔住...」同當年一樣,又係依三隻字。
「點解啊?你唔鍾意我?」我問。
「我有鍾意既人,我地唔可以一齊。」
「咁你又同我上床,咩意思啊?」我不思不得其解。
你唔鍾意我,但又同我上床,係想玩我?定泄慾啊?
「我想補償返你...」佢細細聲講。
乜唔係應該鍾意對方先會同對方上床架咩?係咪我理解錯左?兩樣都唔係,係我太幼稚。
「即係你冇鍾意過我,只係想我原諒你?」我再問。
「係...」 原來佢唔係鍾意我,只係想我原諒佢。做愛卻唔係出於愛,而係有目的既... 咁,同雞有咩分別?
屌,原來我既初戀,係一隻雞黎。
「你係咪仲好嬲我啊...?」張彥琪見我一語不發,道。
廢撚話咩,前幾日失戀,依家扑完野以為有得一齊...點知,又收埋皮。
「你鍾意既,係咪個肥龍?」我問。
「係...佢係我前男友。」
屌啊!?做乜野個個都鍾意MK仔啊!?仲要咁肥既MK仔,係咪嫌我太瘦?
「我當初揾你..都係因為佢...」
「你係指幾年前,幫我打丁?」
「係,當時佢話我技術唔好,所以我先揾你...當係練下。」張彥琪說。
咁多年黎,我一直都以為佢係對我有好感,先會同我幫我打丁。原來,我只係一個練習對象。原來我一直以黎,我初戀只係利用我黎討好我最憎既男人。 點解一個二個對我都咁殘忍?係我既錯,定世界既錯...
「...」我真係好想喊出黎。
「對唔住。」 又係依句。
「我知佢依家有女朋友,但我仲好掛住佢,所以我唔可以同你一齊。」佢繼續講。
肥龍當時既女朋友,係我校低兩級既女仔。我諗,都應該比佢食左隻豬。
「你走啦。」我驚佢再唔走,我會喊。
「嗯。」 佢着好衣服,望左我一眼。
「再見喇,李志誠。」
睇黎只有叫床既時候,佢先會叫我「誠誠」。
我初戀,佢甘於做雞,我只能夠目送佢走。
張彥琪走左,但我就郁都冇郁過。 赤裸裸咁訓係床上面,反思下自己既人生。
其實,係咪我做錯過啲事,令到Heidi同張彥琪都唔要我。 我望住天花板,思前想後。
屌,諗唔明。 睇唔透。 肥龍,我前世係咪屌過你屎忽?洗唔洗媾哂我身邊既女人,食哂佢地啊?你去到咁盡?? 我洗唔洗除褲比你屌埋啊,仆街?
不甘心,我十分不甘心。
你話若然對方係一個靚仔既二世祖,我都輸得心服口服丫。但依家居然係一個柒到仆街既死肥仔。 點解依條柒頭食咁多女啊????何以戰??
如果啲女連佢都接受到啊,咁點解唔試下接受我啊?不如比我媾仲好啦。
講樣,我靚仔過佢。講身形,我高大過佢。講內涵,我比佢有修養。但係食女,佢就遠遠拋離我...
究竟係邊度出左問題...
「可能係你個格出左問題。」林優怡道。
之前都提過,我同林優怡乜都會講。由瑣碎既小事至重大事件,我都會話比佢知,問下佢意見。特別係同張彥琪變到咁薑之後,我冇乜異性既朋友。所以,我成日都揾佢。
仲有,佢好守得袐密,唔洗怕佢好似其他八婆唱通街。
「咩格呢?」我問。
「你個格太毒。」
「...」
雖然張彥琪教我執過個樣,依家間唔中都會去剪下頭髮。但係一日毒撚,成世毒撚,唔係話靚仔左就可以改變到。
「咁應該點呢?」
「自殺囉,投胎應該幫到你。」
「收皮啦!」我一野打佢個頭。
係佢面前,我唔洗故意去做作掩飾自己,可以暫時忘記失戀既痛苦。講真真係幾開心,好似同一個冇jer既振威同阿偉相處一樣,好自在。
「不過講真丫,其實你咁多女媾,點解唔轉行做玩家呢?」佢話。
玩家,即係瘋狂玩女既男人。唔會投放太多既感情,只係純粹享受媾女既樂趣,就好似蛋撻王子一樣。 雖則話會有好多女圍住,好有虛榮感。但始終我覺得會傷害到女仔,所以我對我校既玩家不嬲都好反感。
係,我間學校好多玩家。其中有一個叫阿浩,中一識既。
就係佢教我做一個專業既玩家。 就係佢帶我踏上「人渣」既路...
肥龍係令我走上人渣路既原因,阿浩就係教我由「毒撚」變成「玩家」既人。
「浩仔!」由中一開始我係咁叫佢。
有一日,我自己放學既時候撞到佢。
「喂,好耐冇見。」浩仔向我揮手。
我同阿浩中一識到依家,當初我地兩個加埋振威係班上既三毒,但自從高中之後,佢就變到同依家完全唔一樣。
「自己一個放啊?」我問。
「係啊,一齊?」
「好啊。」 跟住我地兩個一路行,一路吹下水咁。
高中之後大家一直唔同班,冇乜點聯絡,明明就係隔離既班房,但我地就好似好耐冇見一樣。 依家既佢,老老豆豆,好陌生。
曾經認定一世媾唔到女既毒撚,今日居然變成一個多女既玩家。身為三毒既一員,有種被背叛既感覺。
「唔..唔...」佢褲袋不斷傳出震機發出既聲音。
如果冇估錯,一定係女黎。
「有女揾啊?」我好奇地問。
「錯左grammar。」浩說。
「下?」
「係女s,係眾數,要加s。哈哈...」佢自己講,自己笑。 好撚好笑咩屌你。
不過話時話,想當初手機只有父母打黎既浩仔,今日居然有咁多女whatsapp佢,實在使我五體投地。
點解浩仔突然之間變到咁多女?好簡單姐,有錢囉。
唔講你唔信,依家啲後生妹貪錢到仆街。
你唔好以為學生妹就唔會睇你有冇錢啊,呃人架咋。 初中既時候,清純既學生妹可能仲會講下感覺,但一上到高中,受到物質主義影響既佢地一聽到你有錢就即刻濕哂。
所以話,你有六舊腹肌都唔及你有六疊鈔票咁吸引。
咁當然啦,唔係條條女都係咁既。至少Heidi同張彥琪唔係..
而浩仔係高中之後,佢亦深明冇乜女能屈服於金錢既淫威底下。老豆十分有錢既佢,年中媾左唔少既拜金女。聽聞佢試過買左部iphone比條女之後,唔夠一個月就散左。 有錢,就是任性。
「屌,啲女真係好煩好痴身!」阿浩抱怨。
「頂你咩,我幾想有女煩我啊...」
「聽講你最近分左手喎,係咪真架?」佢問。
「嗯...」諗起都灰。 講起,我又開始掛住Heidi。
「點解會咁既?」阿浩再問。
「因為...」我將所有野由頭同浩仔講一次,由Heidi到張彥琪,一字不漏。如果係以前既佢一定會好同情我既遭遇,但如今既佢, 已經進化成超級食女獸既佢...
「哦,好小事姐。」佢仿如看破世事一般,道。
「小事!?我條女比人搞過喎。」我說。
「好出奇咩...大把人上到高中都扑野架啦。」阿浩說。
中四既時候,阿偉都曾經同我講過類似既說話。開頭我都以為係阿偉睇AV睇上腦,點知,原來係真既。
「介意自己條女既過去,只係證明你係青頭仔,入世未深。」
「...」
「到時你大個左就大把依類人啦,邊度仲有咁多處女丫,未比人玩過屎眼咪當冇事囉...」 毒撚同玩家既價值觀,真係差好遠。
「冇事既,女死女還在,好快就媾到第二個架啦。」阿浩見我不發一語,續道。
「我都想媾到...」
講真,我真係幾想要女,用黎填補心靈上既空虛。無奈既係,我邊會媾到丫...
「超,女咋話?你開到聲我實介紹你識,實搞掂,包係我身上!」阿浩拍拍心口。
「唔係咁易既。」我洪師父上身。
「我都媾到啦,你咁靚仔怕乜。」
「但係我冇你咁有錢喎。」
「平有平買架姐。」依個比喻簡直一流。
「總之你信我啦,你想既時候就打比我啦,係咁啦,bye。」講完,阿浩就轉去左邊既路口。
返到屋企,打開部手機,望住阿浩既號碼。一直重複問自己同一條問題... 揾唔揾好呢?
我係床上輾轉反側,不斷掙扎,但我諗左好耐都決定唔到。 做玩家雖然能一解我空虛,不過可能會傷到人,又或者傷多次自己。做得耐毒撚,始終都唔忍心傷害第二個。而且,同一個唔係真心鍾意既人一齊,有意思咩?
之不過我又想試下做玩家既滋味,想體驗下比女圍既生活。
所以,我一直都抉擇唔到。 諗啊諗,最後,我決定...訓。
第二朝返學既時候,再問下朋友既意見。 第一個問既,係振威。
「唔好啦,傷害人咁衰。」佢份人就係咁善良。 第二個問既,係阿偉。
「揾囉,有女媾點解唔要啊。有食唔食,罪大惡極。」阿偉意外地好支持,可能佢自己都係咁。
第三個問既,係林優怡。
「唔知啊,你鍾意啦。」三個當中,佢應得最hea。
「頂你丫,我決定到唔洗問你意見啦。」我大大力拍佢個頭。
「咁我點知你姐...不過無論點揀,你記得要為自己所揀既負責。」林優怡說。
「屌,你同冇講有咩分別,早知唔問你啦。」係佢面前,我總是毫無保留地爆粗。
「Stop la!!!」
一票贊成,一票反對,應該點算好呢?
然後到午膳既時候,我見到佢。 「Hi」佢主動同我打招呼。
「Hi...」 自分手以來,好似係第一次係學校講野。Heidi...
「...」 打完招呼,我同佢你眼望我眼,氣氛好尷尬。
「係呢...你最近點啊?」我問。
「冇啊,咪又係咁。」Heidi應得好hea,好似唔想繼續對話。
既然係咁,我亦無謂戀戰。 正當我諗住完結對話,離開案發現場既時候...
「做咩個樣咁愁啊?有野煩緊?」Heidi問。
「你又知既?」
「一齊左咁耐,點會唔知你啲野丫。」Heidi會心微笑。
佢真係好細心,好了解我,早知當初好好珍惜佢啦。
可惜丫,邊有咁多早知。 我將我既煩惱同佢分享,係,我直接同佢講我想食女,仲要係好多好多女。但係我又唔想hurt到人,所以好苦惱。
「你覺得我應該點?」我問。
可能你會覺得我好on鳩,居然同前度講我想食女。但事實上,我只係想係佢口中聽到佢話唔想我咁,想佢挽留我。
如果Heidi仲愛我,仲在意我既話,佢一定會叫我唔好咁做。話唔定,我地兩個仲有可能。 所以我求下你,阻止我,比多次機會我地啦。
「你去啦。」
...吓?
「你意思係...叫我去玩女?」
「係啊,你去啦。」Heidi說。 我當時呆左,唔敢相信自己聽到既野。Heidi佢,居然贊成我做MK。
點解...點解佢唔挽留我? Heidi見我冇出聲,向我點一點頭,直行走左。我滿腦充斥住問號,一時間比唔到反應,由佢愈行愈遠。
唔得,唔可以就咁就算數。唔可以就咁比佢走,我追!
「等陣!」我追到走廊,大聲叫佢。
「我有野仲未講完,比多少少時間我。」我再講。
「哦,好啊...」 我地一齊落樓梯,行到落地下,坐係其中一張木椅上。
「點解你唔挽留我?」我單刀直入。
「...因為我唔想你繼續等我。」Heidi想了想,說。
點解會搞成咁? 之前都略略提及過,係我地分左手之後,我一直都有揾Heidi。無論係學校,定係sms都好,我都不停揾佢。
問題係,佢應得我好hea。 就算我打幾大段野,錄幾多段錄音,佢都係應得我好短。大概都係「嗯」、「哦」等等既字眼,甚至已讀不回我。
但我從來都冇放棄,屢敗屢戰,一直keep住揾佢..
「依段時間呢,你一直揾我,但我覺得好大壓力啊。我好想可以同你做返朋友啊,但只係朋友架咋,我地返唔到轉頭喇。」Heidi講。
老老豆豆,佢真係做到好絕。雖然我知道佢只係想我死心,不過真係好痛,好痛。
「冇野既話,我走先喇。」 今次,我冇再留住佢。只係坐左係木椅上,獨自哭泣。
而係依個時候,肥龍咁啱出現左。
「o靚仔,做乜鳩係度流馬尿啊?」肥龍語帶嘲諷。 我冇理佢。
「失戀啊?大個仔喇,睇開啲啦,唔好成個死青頭仔咁啦。」佢講完就走左。
點解做毒撚,就要比依啲死MK仔侮辱?係咪毒撚就永遠都比唔上MK?
既然係咁,我唔要做毒撚。
比人傷害,定傷害人,我揀左後者。
我要做玩家。
我打比阿浩,叫佢帶我去媾女‧我攞起聽筒,
「喂,阿浩,我係李志誠。我想...加入你車隊。」