「嘩...個頭好痛...shhhhhhhhhhhh....嘩!點解我會係個樹林入邊架!?」張宇軒用手輕輕力捽一捽自己個後腦,艱難地爬返起身。依家既佢身處係一個樹林入邊,而個樹林就係一座山既山腰到。
 
張宇軒極目遠望,只見青翠既山上同山下都地方都插滿哂旗,就好似區議會選舉咁既環境。但係唯一同區議會選舉啲旗唔同既地方,就係旗上邊無寫到口號,無侯選人既招牌大特寫。旗上邊只係簡簡單單咁寫住個「董」字。
 
「叫人點選你呀?你估票倉就連宣傳個筆都慳返咩!」張宇軒拍拍身上既灰塵,佢依家望到既係綠油油一片既山頭,聞到既係大自然既清新空氣,聽到既係雀鳥既歌聲。「我到底去左邊?唔會係我屋企座後山掛?我記得後生明明比班師奶霸哂黎曬衫架喎…」
 
張宇軒諗左好一陣子事情既前後經過,但係始終都係無結果。佢決定先由啲旗個到入手,可能呢啲咁奇怪既旗可以幫到佢定到自己所在既位置。旗杆係由脆木製造,而旗面就係由布先製成,上面個董字呢,就睇得出係人手匆忙之間繡上去,因為除左繡少左一劃之外,字既邊緣仲披哂口,完全可以話係粗製濫造。張宇軒係咁易睇一睇就掉左枝旗落地。因為枝旗除左個董字就真係咩都無。
 
正當佢想再周圍行下時,佢就突然聽到兩邊樹林有啲聲音傳出黎。「係呢座山上邊有人?唔通係行山客!?有救啦!救命呀!!帶我走呀! 」張宇軒一諗到呢到,當堂成個人醒神哂,腳下發力,三步併作兩步咁向樹林方向衝。
 




「聯合軍咁快到!?大家!殺出去!一齊打倒叛賊!!! ! 」樹林後傳黎一啲令人不知所云既回應,張宇軒停低左佢既腳步。因為佢覺得唔對路,空氣中彷彿有股凌厲,霸道既氣向佢直奔而黎。樹林中有一個人影以極快既身影衝左出黎。張宇軒見到。佢著住一套好似拍戲咁既紅黑色盔甲,手持住一枝係太陽照射下,會反光到仆街既銀色長槍,頭就戴住布做既帽。跟住佢見到第二個一模一樣衣著既人跳出黎,下一秒,又見到第三個,接下黎,佢見到更多更多既人,伴隨住震耳欲聾既叫喊聲自樹林後邊一擁而出 !
 
唔單止一邊既樹林有人衝出黎,另一邊既樹林都有!只係好明顯睇得出,兩者既盔甲有好大既分別,頭上戴住既帽亦有好大既差異。同樣地,佢地都係叫喊住一啲奇怪既口號!眾人殺氣騰騰,眼中滿佈血絲,彷彿就好似一隻好耐未開餐既野獸咁樣!
 
「嘩屌你老母做乜春呀!! 」一直生活係一堆文件前面既張宇軒又點會見過如此驚嚇既場面!?面對進退為谷既兩難局面,佢唯有向少人既地方走避。
 
兩邊人馬交鋒,情形就好似黑社會仇殺開片咁!刀光劍影,血肉潢飛,張宇軒身上沾滿唔屬於自己既鮮血,一邊講粗口壯膽,一邊想搵條路離開個戰場。
 
就係張宇軒僅僅避開場中一名戰士既一刀時,佢忽然聽到一聲甚為清跪既啪聲。呢一秒佢調轉頭望下發生咩事,下一秒就見到一枝斷裂既旗桿向自己砸落黎!
 




「屌!!! 」
 
張宇軒除左屌左一聲外,佢就乜都做唔到,比旗桿直接KO,當場暈低,不醒人事。
已有 0 人追稿