黃鼠狼特務Agent of Weasel(搬家原故,本站停止更新): 章三十:四面楚歌
------------------黃鼠狼特務Agent of Weasel-----------------------------
-----------------------章三十:四面楚歌------------------------
烈日當空之下,數千個身穿紅白相間上衣的男女老幼,舉著寫上訴求字句的牌匾.
發起人提起大聲公,高呼著口號:「我地係義務黨!!!自天幕事件發生以嚟,香港經濟下滑,人心惶惶!!!!唯有引入反恐法,先可以令香港人生活得到保障!!!」
「要求政府參考內法反恐法,制訂相關法律,還我社會繁榮安定!!!」
「要求政府參考內法反恐法,制訂相關法律,還我社會繁榮安定!!!」
「打倒港獨,打倒黃鼠狼!!!!」
「打倒港獨,打倒黃鼠狼!!!!」示威群眾情緒激漲,臉上充滿憤怒的氣息.現場十分混亂,連警方設置的鐵馬也幾乎全被推跌.
Ms.Chan領著幾位同學,跨過鐵馬,走到示威區內,立即被見到的警員抓起.
「你地幾個嚟做乜!!係咪嚟搞事!!!」警員帶住強烈的語氣質問.
「放開我地!!我地唔係嚟搗亂!!係嚟幫我地嘅同學發聲!!」為免被控告襲警,他們沒有嘗試掙扎.
「你地係聖母會高照中學嘅學生!!??」示威者把矛頭指向他們:「Band3學校出嘅學生果然都一撚樣!!都係社會人渣敗類!!!」
「講乜嘢呀屌你老母!!!!」陳宏怒哮著.
「十成九你地嘅校長都係俾黃鼠狼殺死㗎啦!!!!仲喺度偏幫佢地!!醒下啦廢青!!!!」
警員從傳呼機收到指示,放開他們回到自己崗位.
Ms.Chan淡定的步至示威者前:「咁多位,我係高照中學5C班嘅班主任.........」
「噓!!!!」示威群眾紛紛傳來噓聲,表示不歡迎的意思.
「顏影寒,黃虹,秦世樂,羅妙晴,馮佩妮同馮鍵,佢地都係我嘅學生.我好清楚佢地唔會係暴動份子.我唔會要求你地同我一樣相信佢地,只係想你地喺未有實質證據之前,唔好隨隨便便睇下新聞就當自己乜都知.」Ms.Chan道.
「收皮啦!!!呢D只係你嘅主觀判斷!!!」示威者反罵.
「難道你地唔係?」Ms.Chan道.
示威者想不到如何回答,便向Ms.Chan扔生雞蛋————————————
「Miss!!!」羅美琳趕忙拿紙巾給Ms.Chan.
吳廷發嘗試抑制憤怒,跟示威者理論:「喺事情未惡化之前,我希望你地可以同Ms.Chan道歉....」
「食屎啦!!!!!」理性的語句卻換來多一記生雞蛋.
「弊喇...」陳宏和鍾柏根與其他人對望一眼,大家也知道吳廷發一旦爆發的話,事情將一發不可收拾——————————
在吳廷發揮出拳頭的一刻,突然出現的顏影寒抓住他的手,阻止了他.
「佢地唔值得你咁做.」待吳廷發冷靜後,顏影寒才放下,然後轉向示威群眾們.這時,秦世樂,黃虹,馮佩妮和韓傲清從高處跳下來.
「黃鼠狼....集結...」原本應該是熱血的口號,如今卻帶點哀傷.
「疑犯出現!!!要求馬上進行拘捕行動!!!!」傳呼機的聲音大得人人也聽得十分清楚.
秦世樂,韓傲清和黃虹隨即舉起手槍喝令在場的警員:「唔好郁,我唔想傷害到任何人.」,警員停下動作,不敢輕舉妄動.
「放低武器!!!束手就擒!!!」
「你地唔放我地都唔放!!!」
「放低武器啊呀呀!!!!!!」
「唔放!!!」
「再唔放低我地就開槍!!!!」
「我地死都唔放!!!!!!」
「我地冒咁大嘅險走嚟呢度,係要俾群眾一個機會相信我地.」顏影寒道:「天幕事件嘅元兇係兩個叫''漁夫''同''紅槍客''嘅組織,而唔係我地.」
馮佩妮從背包拿下一份份影印本,灑向示威區外的群眾.
「各位市民請望清楚!!!銀龍嘅奇南道清哥出現喺度,就證明呢個組織同黑社會有關係!!!」發起人大叫著.
「屌你條閪蟲收聲啦!!!我韓傲清已經同銀龍再冇任何關係!!!!!」韓傲清為自己辯護.
「呢D係我地搜集到嘅情報,依家就俾大家過目一下.」顏影寒沒有理會發起人的指控:「唔理你地相唔相信都好,我地都有責任讓你地知道,香港正面臨緊一個大危機,萬一再發生乜嘢事,你同我都無一倖免.」
這些情報引起了群眾的討論,也動搖到示威者的信心.
「已經有同伴....因為咁犧牲左...我唔想再失去任何一個.」顏影寒轉身跟秦世樂他們離開,由群眾選擇相信與否.
------------------------------------------------------------------------------------------------------------------------------------------
年輕男子坐在沙發,看著坊間對於黃鼠狼的輿論.他睹著秦世樂等人如何受盡謾罵,眉頭得意地翹起.
「似乎係值得利用嘅工具喎~」穿著豹紋緊身衣的男人為他按摩:「競競~您打算幾時出手?」
「抽水都要睇時機㗎嘛.」男子道:「等多陣啦~未到出場嘅時候.」
「競競~人地好心急想睇你表演㗎~」豹紋男雙手摸到男子的胸肌前撫摸,還想伸手摸到更下.
「Stop!!」男子喝止他:「你已經越過左我嘅底線.如果唔係為左喺政壇打滾,我先唔會扮Gay.」
「對唔住.....」
「難道你忘記左我地之間嘅協議??警告你,再有下一次嘅話,我唔會再俾你留喺我身邊,你嘅星途都岌岌可危.明白未?」男子用紙巾抹抹衣服:「真係好撚核突.」
-----------------------------------------------------------------------------------------------------
西餐廳裡.
麥烈寧用餐叉固定肋眼牛排,再用餐刀從中央切一小塊放進口.
一個身影從門外走進來,是秦世樂—————————他盯住麥烈寧,徐徐拉開椅子坐下.
「係你....」秦世樂掏出平板電腦:「教主竟然冒住身份洩漏嘅危險主動嚟搵我,事情一定唔簡單.一直以嚟你都大把機會動手殺我,點解又冇咁做?」
「因為我知道你係個人才.」麥烈寧道.
秦世樂站起來,狠狠把平板電腦摔破:「楊澤聰,方計程,李昌華,劉三鴻,佢地全部都係你嘅傀儡.范探員,伯母,仲有我媽媽嘅死都係你造成嘅........」,他狠不得馬上把眼前這傢伙殺死——————
灼從廚房步出,展示盪熱的金屬拳頭,迫使秦世樂坐回原座.
「做大事總會有人犧牲,唔係咩?」麥烈寧品嚐一小口紅酒:「你應該要學會放低無謂嘅感情,將目光放喺更遠嘅目標上.我覺得你依家咁嘅樣係侮辱左上帝賦予俾你嘅本事.你.....本應獲得更多....」
「腐杇嘅世界之中,只有強者先能夠生存,只有強者....先至有資格追求夢想.當你處於底層嘅時候妄想會有任何人可憐你,拯救你,失去利用價值嘅你只會得到踐踏!!!」麥烈寧繼續道:「無可否認,弱小嘅你只可以眼白白睇住身邊嘅人一個個咁離去,你冇辦法戰勝體制,只能夠屈服於強權之下,任人魚肉.諗返起,係咪覺得唔甘心?」
秦世樂憶起馮鍵和羅妙晴臨終前痛苦的樣貌.
「從前被體制拋棄嘅我......今日爬上體制嘅頂峰,成為無與倫比嘅強者!!秦世樂,只要你肯,你都可以同我一樣爬上頂鋒!!!」麥烈寧一臉認真,衷心希望秦世樂能夠加入他.
「呢D就係....強大?...」
「喺呢個世界,''公平'',''平等''只係口號,大家想要嘅......其實係分一杯羹.講到尾,權力同利益,先至係人類所追求嘅核心價值.弱者需要明白自己幾咁微不足道.安份守己先可以達致和平,促成完美嘅世界....我希望每個人都可以擁有我嘅智慧,成為完美嘅信徒.」
「希望你可以開竅....成為我麥烈龍嘅信徒,同我一齊創建天城.」麥烈寧切一小塊牛肉,遞向秦世樂————————
綻螢和翡綠也走出來,幾個一同凝視住秦世樂.
秦世樂接下餐叉,放開手指任它倒下.
「我同你唔一樣,你只係個被體制奴役嘅奴隸.」秦世樂道.
「我麥烈龍咁有誠意你竟然拒絕我?」
「乜鬼嘢創建天城,只不過係你嘅私心妄念啫,講到自己好偉大好有智慧?」
「你真係選擇與我為敵?」
「冇錯.」
「可憐嘅愚民,竟敢同上帝作對.......好,下次見面嘅時候,千其唔好後悔.」
「無論你嘅勢力有幾強大都好,我地黃鼠狼都會將你嘅計劃一一拆解.」説罷,秦世樂轉身離開.
「你地...黃鼠狼?哈哈哈....秦世樂,睇怕你已經融入左佢地....」麥烈寧道.
「需要滅口嗎?」灼問.
「唔需要.」麥烈寧道:「黃鼠狼依然仲有少許利用價值.」
---------------------------------------------------------------------------------------------------------------------------
「啊啊啊呀呀!!!!!」死鬥拼命的握緊開山刀,跟被派來的一堆殺手撕殺著——————————
「你地唔應該殺我!!!大佬明明同我講好左俾我避下風頭再返番銀龍!!」他刺入一個殺手的頸割斷,又一個斬他的背部,他後踢踢擊,撲向斬斷那人的手.
殺手拿磚塊揍死鬥的後腦,再由另一個一刀劃斬他的嘴巴.
嘴巴裂開的死鬥無法再吐出一言一句.鬆弛的下巴搖晃著,讓他的相貌更為難看.
「任務完成.」殺手拋開刀,任由死鬥自生自滅.
韓傲清走近瀕死的死鬥,死鬥以兇悍的眼神瞪住他.
「死鬥....雪姐見到你依家咁樣,肯定會好傷心.」韓傲清道:「我地本來唔應該係敵人,對戴鯨亨嚟講我地係工具.」
「放心,多得秦世樂,教主嘅身份秘密終於都俾我地知道喇,係麥烈寧.」
死鬥閉上眼睛,結束他血腥而動盪的幫派生涯.......
「唔洗幾耐.....就輪到我...」韓傲清已有死的覺悟————————