黃鼠狼特務Agent of Weasel(搬家原故,本站停止更新): 章三十二:晝夜再也不被劃分(上)
------------------黃鼠狼特務Agent of Weasel-----------------------------
-----------------------章三十二:晝夜再也不被劃分(上)------------------------
前民黨總部內.
「今日嘅會議就到此為止,大家可以離開.」講話中的,是主席宋務勤:「除左阿競之外.」
其他人目無表情的從康競民身邊擦過,腦裡卻在想象如何慶祝這個時刻.
宋務勤掩上百葉廉.
「已經有一個黃鼠狼分子向警方供出所有事.你以為可以憑呢單嘢上位?哼....事情發展到咁...你放棄啦~」他説:「後生仔真係後生仔~做事都唔經大腦.唔好話我唔提醒你....屠殺警察引起左民憤,你再盲撐佢地只會惹火燒身.」
「我知道我處理得有D失誤,我會改進㗎喇,對唔住.」
「失誤?你嘅存在簡直係失敗㖭啦.想一步登天?你未夠班.同我盡快平息件事,唔好影衰我地前民黨.」宋務勤離開前想起一些事情:「呀......午餐嘅清單放左喺你檯面,記得去買.」
康競民回到座位前,拿起清單一看,需要外賣的同事比平日多了幾個.
「競競~我買左嘢上嚟俾你食丫~」邦邦提住外帶輕快的走進來,卻見到一股怨氣的康競民:「佢.....佢地又要你幫手買午飯啦....」
「屌啊啊呀呀呀!!!!!!!」康競民按捺不住,把電腦椅狠狠扔擲:「當我係咩呀你地!!!!下!!??」
「競競你收手啦,我地敵唔過社會輿論㗎!!」邦邦實在很擔心他會因而受傷.
「唔得!!!!我再冇辨法忍受到呢D屈辱.....」他伸手想把清單撕掉,卻被理智阻止了:「咁難得遇到有機會...我唔可以放過!!!!!」
--------------------------------------------------------------------------------------------------------------
下午四時五十六分,天色一片朦朧.
顏影寒和秦世樂合力把背住的水牛撻落地上.
「晚餐~」
「咁大隻,夠我地食三日.」馮佩妮從韓傲清手中接下斧頭,跟他一起砍柴.
他們身在偏僻的一所廢棄小學裡,這裡曾經是莘莘學子求學的地方.如今人去樓空,枱櫈堆疊得雜亂無章,雜草也已長遍整個操場.
黃虹仰望那片朦朧的天空,想起曾經説過想嘗試滑翔翼的狄光欣,那時候.....好像是在珊瑚島接受訓練吧.
*睇下個天,好鬼靚呀~好想試下高空飛翔嘅感覺丫~*狄光欣遠眺正在玩滑翔翼的訪客.
*高空的快感~剎那失陷~*黃虹哼起歌來.
*我地嚟呢度係進行訓練,方sir唔會俾㗎...*
*唔緊要啦,第日我再陪你嚟呢度挽!*
現在眼前的天空不再清澈.昔日的約定,看來已沒機會履行了.
「離開左嘅人....雖然離開左,但係依然會存活喺我地心入面.」馮妮抹抹汗水,站在黃虹身旁.
黃虹和馮佩妮默默地仰望天際,祝願離開的人在另一個地方活得幸福.
他們幾個聽著木柴堆燃燒的聲音,在亂局之中暫時歇息一下.
「當時開槍嘅人,我覺得係黑曜.」黃虹道:「目的係要令大眾對黃鼠狼嘅怨恨更加深,麥烈寧就可以繼續借我地名義為所慾為.」
「好快就到反恐法首讀二讀,條友一定會搞D小動作.」秦世樂把目光移向顏影寒:「要喺事情未發生之前,將麥烈寧解決.正常情況下佢唔會企喺我地面前由得我地殺,除非遇到特殊情況....」
「你想?」
「麥烈寧最珍惜嘅莫過於佢條女.」
「唔得,唔可以牽連到無關嘅人.」
「我知你諗緊乜,但係傷害一個人就可以換來大多數人嘅幸福,況且我又唔會殺佢條女.」
「就算係咁都唔得.如果連一個人嘅幸福都保護唔到,我地仲有咩資格保護大多數人嘅幸福??」
秦世樂見顏影寒如此堅持,只好收回說話.
「傷害無辜嘅話,Katy姐同馮鍵嘅犧牲就會變得冇價值.」顏影寒睹著火焰,道:「一定有其他辦法可以阻止麥烈寧!!」
「哈哈~」秦世樂被逗笑了:「真係理解唔到點解你可以咁樂觀~」
「because I am顏影寒丫嘛~」
大家破愁為笑.臉上掛著的是發自內心,真摯的笑容.
「話說....嗰個康競民...信得過咩?」韓傲清咬住肉塊説.
「表面睇佢係個熱血正義嘅有為青年,實質上係咩人就好難講.始終係政客....」顏影寒也並非愚蠢的人.
「康競民,22歲,兩年前加入前民黨.因為公開表明自己係同性戀者而受到關注,男朋友係要綫電視𣄃下藝員林邦.」秦世樂說:「我信唔過條友.但係要同麥烈寧挽政治,就需要政黨嘅力量.」
「我地都唔可以坐以待斃,一定要搵到有力證據令香港人相信我地.」黃虹道:「前甄集團收埋嘅秘密文件,對漁夫一定好重要.」
「上次喺假日酒店都搵唔到,你知道收埋喺邊?」秦世樂問.
「N年前前甄集團同政府合作喺屈美興建地鐵站,不過計劃喺中途擱置左.嗰度好可能收埋好多秘密.」黃虹說.
韓傲清拾起地上的粉筆,在黑板畫出平面圖:「喺秦世樂重傷嗰日,我走左去戴鯨亨嘅秘密房間入面,搵到一份屈美站地盤圖則.」
「而只有呢個位係用藍色Mark住嘅.」他指指粉藍色標記.
「之前忙住對付劉三鴻,一直未去睇過.」黃虹道.
「係時候要去睇睇喇.」秦世樂把最後一口肉塊咬下————————
畫面一轉,他們身在屈美站工地,把守夜更的保安員擊暈.
「我喺度把風.」馮佩妮把電梯啟動:「你地落去啦.」
「好,有咩事就用呢個聯絡.」顏影寒點點手上的對講機.
--------------------------------------------------------------------------------------------------
這地下空間漆黑得很.若非帶了電筒,這裡根本伸手不見五指.
韓傲清憑藉記憶,找出粉藍色標記的地方:「應該係呢度.」
「呢度?」顏影寒掃掃水泥牆壁,卻發現不到任何機關.
「我見到.」黃虹步前細心的掃出了一個圖案,隱隱約約見到是前甄集團的標誌.
她敲敲牆壁,發現只有標誌的位置是空心:「呢度.」
秦世樂揮拳打穿,後面果然有機關,是鐵製手柄.
拉動手柄後,暗門便慢慢移開,漁夫藏著的秘密也隨之映入眼簾.....
「唔係掛........What the....」顏影寒跟同伴對望一眼,他們意想不到會見到如此景象————————————
----------------------------------------------------------------------------------------------
傍晚時分,一群網民從網路走出現實,派發傳單讓民眾知道事情的來龍去脈.
「各位!!有警局裡面嘅人向我地報料,警方係使用武力迫使抓到嘅疑犯去作假口供!!!黃鼠狼係俾人嫁禍㗎!!!詳情可以睇下我地嘅單張,上面總結左我地對整件事情嘅分析,多謝大家!!!」
「好!!!!!」街道上傳出熱烈的拍掌聲.當然也少不了指罵的聲音.
「放屁!!」背著名牌手袋的大嬸走到他們前面,對其痛斥:「有哂證據仲要偏頗佢地!!?你地有咩居心呀!!!」
「有片為證!!你可以上網睇下我講嘅係咪真嘅!!唔好一味淨係識睇電視!!!」
「仲惡人先告狀!??細路,你入世未深呀!!!!」旁邊一個老伯伯加入罵戰:「是非不分!!小心你第日生仔冇屎忽呀!!!」
「反動份子去死!!!」
「你先去死啊呀港豬!!!」
全場隨即掀起哄動,不久還有人動手打人,逐漸演變成兩派打鬥——————————
----------------------------------------------------------------------------------------------
「太誇張喇.....」
屈美站工程地盤裡,竟藏著有足球場大小的倉庫,擺放了許多台戰機載具.
從鋼梯踏下去可以見到形形式式的槍械,韓傲清隨手拿起一把看看:「靚嘢嚟....」
部份戰機有損傷的痕跡,秦世樂發現了這一點:「呢幾部戰機...有損傷嘅痕跡...」
「係天幕事件當日殘留嘅戰機....」黃虹回想起當天人人也活在惶恐之中,她絕對不允許這樣的事情再次發生,無論麥烈寧有甚麼詭計,她也必定要阻止——————
「過嚟睇下.」顏影寒在武器庫找到許多單據,列明了前甄集團跟外國軍火商的買賣紀錄.
「仲有天城騎士資格者嘅分析報告....將呢D公開出去嘅話,説服力會高好多.」秦世樂說.
「有D唔對路咁.」對講機傳出馮佩妮的聲音:「二十公尺外有一個人走緊埋嚟...係殺死Katy嗰條友.」
「仆街......我地係時候要走.」韓傲清趕快把單據和報告放進背包:「嗰個人太過強勁,馮佩妮佢一個搞唔掂㗎!!!」
他們欲離開,可是暗門只能夠進,不能夠出.
「仆街.....仆街!!仆街!!!!!!」韓傲清憤怒的咆哮著.
「倉庫盡頭有個大閘,我諗嗰個先係出口.」此情形之下,看怕只有黃虹才能夠保持鎮定.
另一邊箱,馮佩妮躲在更亭後,預備隨時展開撕殺————————
西裝男邊走邊笑著:「得你一個~?咁有自信??」
「你殺左Katy,就要負上死嘅代價!!!」馮佩妮緊握小刀,握到手心也流出血絲來.
「幼稚~你連我一條毛都郁唔到~」
「啊啊呀呀!!!!!!去死啊呀!!!!!!」馮佩妮不顧一切衝出,誓要為羅妙晴報復.她仿照韓傲清的假動作,以右斬作掩飾,瞬間使出左直拳擊打西裝男的心口位,再轉拳為刀刺向,西裝男右膝撃走她的小刀,鐵砂掌擊打胸膛,抓住她的雙手狠狠的扭,馮佩妮腳尖踢起跌落的小刀彈回手上插入西裝男的手腕,再朝他的頭顱斬.西裝男雖及時避後,臉卻被劃傷了.馮佩妮持續針對著西裝男的心口位進攻.西裝男也察覺到經過上次之後,自己的弱點已經暴露出來.他不斷防守住,馮佩妮也感覺到他的絲微恐懼,因而決定改變方式,跳上屋頂匿藏————
西裝男更加緊張了,他已沒法預測到馮佩妮的下一步行動.
「以為咁樣我就會怕!?」
一把小刀閃現,西裝男側身避開,小刀卻從牆上反彈刺中他的右軟肋.
「啊呀....冇膽狗出嚟呀!!!」他顧盼四周也不見馮妮的蹤影,挫敗感隨之而來:「冇可能....冇可能!!」
又一把小刀出現,西裝男迅速伸手接住,卻不知道有另一把小刀正朝他的脊髓襲來——————————
「啊呀呀!!!!!」他拔掉小刀,提心吊膽的抽搐著.
馮佩妮不停的在不同位置擲出小刀,而每一刀的軌跡和目標也變化多端,目的是要為西裝男營造恐懼感.
很成功地,他已經失去言語能力.
「我唔只可以郁到你一條毛.」馮佩妮已經把小刀投光了:「仲可以要你死.」
「啊呀呀!!!!!」她從屋頂撲出朝西裝男的心口位重踢.西裝男中招後鐵砂掌打向,馮佩妮速起前臂格住,對方再朝她的腋下勾拳打向,用刀刺她腹部————————
馮佩妮吐出血來,倒地不起.
「妮!!!!」韓傲清跟其他人趕來.負傷的西裝男則逃之夭夭.....
「唔好有事呀!!!!!唔好....唔好...」韓傲清按住她出血的部位,其他人就合力抬走她.
「撐住呀!!!」
「撐住呀!!!!」
「唔好死呀呀呀呀!!!」