黃鼠狼特務Agent of Weasel(搬家原故,本站停止更新): 章三十五:宰殺魔鬼的撒旦
保安局局長被戴上手拷,心有不甘的走著.即使這樣,也沒法避免在鎂光燈下被帶進警車的命運.
「今晨警方展開搜捕行動,將懷疑與恐怖組織有關嘅人士拘捕,當中發展局局長,保安局局長等多名政要同樣牽涉在內.警方亦聲明,雖然組織''黃鼠狼''並冇參與任何恐怖活動,不過警方絕對唔會允許私刑者存在,擾亂社會法治,通緝行動依然繼續.」報導員報導道.
後巷站著的,是秦世樂和姜總警司.他們睹著記者追著離開的警車,不斷追問.
「漁夫一個組織,就牽涉到咁多政要,商人.」姜總警司道:「我從來都睇唔清楚......呢個世界究竟潛伏左幾多猛獸.」
「有個人曾經講過,呢個世界嘅黑暗並唔係單靠所謂樂觀就可以解決.」秦世樂道.
「.......」姜總警司雙手放在身後握著:「我懷疑份自白俾人做過手腳.原先我喺上面見到前一哥個名,但係經過其他人手之後.....個名就消失左.警隊肯定有內鬼包庇前一哥.」
「包庇一哥.」秦世樂道:「就等於包庇漁夫教主.」
姜總警司清一清嗓子,道:「我打算成立一支秘密小隊,應付警隊潛藏嘅黑警.你地...有冇興趣?」
秦世樂深呼一口氣:「姜總警司,你加入警隊嘅目的係為左乜?」
「為左市民嘅幸福.」姜總警司毫不猶豫的說.
「遲早你會發現,所做嘅一切只會白費心機.冇人會多謝你,只會覺得理所當然.」秦世樂道.
「咁你呢?」姜總警司反問:「講到咁絕,你又為左乜而堅持呢條路?」
「為左見證....」秦世樂不能忘記逝世者的相貌:「只有罪惡之徒得到應有嘅懲罰,我先會罷休!!痛苦受死就係佢地嘅終點!!」說罷,他轉身離開.
黃鼠狼成立初衷,也是為了保護市民.
可是,於這個暗黑時代,又有誰能銘記初衷...?
反之,就是被迫恐懼,
被迫瘋癲,
被迫成魔——————————
------------------黃鼠狼特務Agent of Weasel-----------------------------
-----------------------章三十五:宰殺魔鬼的撒旦------------------------
-------------------------------------------------------------------------------------------------------------
為了追捕麥烈寧,警方與入境處加緊合作,亦全天候監察各海岸,暫時未有發現他的蹤影————————
而表態支持黃鼠狼的康競民,不足兩日,便忽然人間蒸發,在世上消失.
至於顏影寒....終日滯留家中,選擇跟世界隔絕.
兩星期後.
陽光照在露天荼座,周圍人們似乎忘記了之前發生的種種事情,悠哉悠哉享受著溫暖陽光.
姜總警司點了一杯拿鐵,就這樣放在桌上,眉頭深鎖坐著.他深知來這裡的目的並不是為了品味咖啡.
「搵到我咁急做乜丫~姜思傑總警司~」對面坐著的,是前警務處處長藍覓圖.
「嗰份自白喺交俾其他人手之前,我過目過.」姜總警司開門見山道:「入面有某個人嘅名,喺之後好神奇咁消失左.相信,係前一哥你做嘅好事?」
「哎呀竟然發生D咁嘅事!!!??真係好神奇喎~」藍覓圖做出嚇一跳的表情,彷若一無所知.
「自白上面,有你嘅名.」姜總警司盯住他:「講得冇錯嘛?」
氣氛陷入膠著狀態,時間彷似被加以施壓,停滯不前————————————
藍覓圖頭腦擺右,斜視著他,會意而笑:「講多次~自白上面....有我個名??」
「係.」
「真係睇到我個名??」
「絕對見到!!」
「真係真係真係睇到我個名???」
「咪撚再喺度同我遊花園!!!」姜總警司一怒之下擲碎咖啡杯:「你就係害死我老婆嘅元兇之一!!!」
「So what??你咪試下指証我囉~」藍覓圖把聲量壓低:「我建議你有命返去先講~」,他眼角瞄一下站在海邊裝作旅客拍照的殺手.
「威脅呢招對我冇用.」姜總警司注意到了.
「咁嘅話,好自為之.」藍覓圖拍拍他的肩膀,然後離開.殺手跟藍覓圖打一打眼色,便朝他迫近————————殺手從別人的桌上順手牽羊拿走餐刀,刺向姜總警司.姜總警司翻起桌子擋刀,前踢踢擊殺手的腹部,再一刀刺來,他抓緊殺手的手腕,右腳遊到對方的右腳踝打算把他跘倒,可是怎樣跘,殺手也不動如山——————小刀插到他背部的岡下肌,還想插到更入,他卻連拳揍向殺手的腹部,抓住殺手整個身軀衝向海邊欲同歸於盡——————————————
一把小刀飛來刺中殺手的小腿,馮佩妮起踢他的膝蓋,殺手小刀斬向,馮佩妮揮刀把每招格住,殺手左手托地身子向下腳朝她的小腿盤旋踢,馮佩妮跳起避過再小刀刺向他的大動脈,殺手及時抓住她的手臂反方向扭,一下一下肘擊她胸口.秦世樂從後出現捏住殺手的眼球,把他頭顱撼至燈柱上.
姜總警司一瘸一拐的步至,抓起殺手:「返去同你Boss講,為左死去嘅老婆,就算只有1%嘅成功機率,姜思傑總警司都會付出所有去對付需要對付嘅人.」説罷便放走了他.
「好在有我地,唔係嘅話你就GG喇~」馮佩妮笑說.
「你地唔係...拒絕左我咩?點解....」姜總警司瞧向秦世樂.
「拒絕你?」秦世樂説:「有咩?」
「佢地絕對唔敢明目張膽放走麥烈寧,除非將障礙鏟除.」馮佩妮道:「而我地,就係障礙.只要障礙消失,就再冇人可以阻止到漁夫.」
「因為只有我地清楚一切....」姜總警司道:「我就係你地唯一一個能夠相信嘅人.」
「而黃鼠狼....就係總警司你唯一能夠相信嘅.」秦世樂道.
「依家你地打算點樣.」
「麥烈寧仲留喺香港.唯一線索,就係包庇佢嘅藍覓圖.可以利用佢將麥烈寧引出嚟.」秦世樂道:「呢層就需要身為總警司嘅你幫幫忙.」
「我截取過藍覓圖嘅手機信息,佢好謹慎,裡面冇任何線索.」姜總警司道:「漁夫嘅網站已經冇左,剩返落嚟....就係警方高層人員嘅內聯網.但係我冇權限去訪問.」
「唯一方法係將藍覓圖嘅帳戶資料竊取,就可以偽裝成佢訪問,以佢嘅身份將麥烈寧約出嚟.」馮佩妮說:「不過...前提係.....」
「前提係,要點樣走入檔案庫....」秦世樂為這問題感到苦惱.
姜總警司察覺到附近到處殺氣:「六點鐘方向,四個殺手....十一點鐘方向,一個殺手...」
「兩點鐘方向天橋上面,兩個殺手.」秦世樂也察覺到了.
「仲要每個都有槍.」馮佩妮也不例外.
秦世樂把身上另一把手槍拋給姜總警司,馮佩妮兩把小刀拋上再交叉接下,三人隨即跟殺手們展開一場激戰———————————
-------------------------------------------------------------------------------------------------------------------------------
* 寒.... *
* 幫我一個忙..... *
* 殺左我... *
灼從空中墮下,在與地面接觸的瞬間粉身碎骨————————顏影寒從噩夢中驚醒.
臉上的疤痕仍舊刺痛.
看看時鐘,還是凌晨時份.希望讓心情平復的他穿起衣服,走到街上散步.
這段日子,飛虎隊全員血肉模糊的死相,還有羅妙晴,還有灼,還有黃虹.........也徘徊在他腦海揮之不去.因為堅持原則,間接令同伴受傷,甚至捨去性命......
鮮紅色——————街燈全也亮起鮮紅色的燈光.....
他目睹雙手沾滿鮮血.......那雙宰殺無辜者的手,令他陷於悔疚不能自拔.
「嗯!!嗯!!!!」酒吧後巷傳來聲音————————醉漢正在強姦一個少女,她的嘴被按住不能發聲.
顏影寒望住少女幾乎絕望的眼神,在向他求救.
剎那間,他看見了西裝男的身影,正對著他獰笑————————他有如驚弓之鳥,一下子倒在地上慢慢退後.
* 小朋友,哥哥要嚟捉你喇~ *
「唔好捉我...唔好捉我....」
「唔乜撚嘢呀!?」醉漢發現顏影寒有點不對勁.
* 嚟捉你喇~ *
「去死....」
「去死!!!!」顏影寒拾起磚塊爆向醉漢的頭顱,連拳毆向他的心臟再抓起,重拳連擊同一位置.打到左拳累了,便轉以右拳招待,右拳累了,便轉以膝擊招待.肋骨也開始斷裂————————
「我知錯喇我知錯喇我知錯喇!!!!!!!!!」醉漢拼命叫著.顏影寒拿起地上的鐵枝,狠狠刺穿醉漢的喉嚨,再徒手鎚打把他的心臟打成肉碎.
少女身體捲縮在一起,恐慌的顫抖著.看到此景的顏影寒越加悲憤,手掌按在醉漢頭蓋骨上,把他體內所有器官內臟凍結———————————
只剩下礓硬的軀殼.