黃鼠狼特務Agent of Weasel(搬家原故,本站停止更新): 章二:奇南道傳奇

     七點半,歡日樺峯旁的後巷中,我戴上面罩和吸力手套,準備溜入高照中學的校長,李昌華的住所.

「喂秦世樂你知點做未?」耳機傳來了范探員的聲音.
「得啦,爬上一樓之後直接搭lift上去丫嘛.」我說.
「依家李昌華正喺洒店同情婦偷情,佢老婆九點先收工,而佢個仔就仲瞓喺醫院.時間啱啱好俾你上去.」又傳來宅聰的聲音.
「我地依家有哂成棟樓嘅閉路電視片段,一有乜風吹草動我地就同你講」范探員道.
      我啟動手套的吸力裝置後便從外牆爬上一樓陽台走進內部,按升降機到78樓去.確保沒有其他居民出來後,我走到7804號單位前,拿出開鎖器.

「壞左嘅!?」我說.
「唔係掛?又壞多件!?」范探員驚訝的説.




「屌..............真係越窮越見鬼.....」我收回開鎖器.
「哈哈哈我諗你要由窗台爬入去喇~」宅聰忍不住笑了.

       我又爬出外牆,從窗台溜進7804號單位.
       校長的家裝修十分清新,綠綠白白的配上木造傢俬,別具一番田園風光,飯桌還放了三四幅的家庭合照.
我在臥室找到了一台Notebook,應該是李昌華的電腦吧.打開後發現要有密碼才可登入,我掏出木馬USB插入,不費兩秒,密碼便被破解.
       裡面有個叫「熱狗」的檔案.
「咩叫熱狗丫?我唔明喎......」我疑惑的說.
「睇下咪知囉~」
       打開後,一幅幅校長和巨乳少女的乳交圖立即呈現眼前.




「oh...fuck....」宅聰說:「我諗我明白熱狗係咩意思喇........」
「你兩條友正經事為重呀!!!!!」范探員罵道.
「係....係..」我馬上關了這叫「熱狗」的檔案.
 
       接著我點了一個叫「財政管理」的檔案,裡面詳細紀錄了校長的銀行記錄:
     〖2014年10月18日,向「yongshanzhou」匯了五千萬〗                                                                               
     〖2014年11月5日,向「directertai」匯了七十萬〗
  而最近,一個叫「Sheepfromgod」的人匯了九千萬給他.
「校長.....我竟然一直以嚟都冇發現你嘅真面目...」
「yongshanzhou好明顯就係新星集團嘅周永善,李昌華原來真係有份幫條友潛逃...」范探員説.




「睇清楚D先?呢度係指2014年喎?2014年天幕事件都未發生,唔好咁快定斷.」宅聰說.
「另外兩個又係乜人嚟?」宅聰猜想著:「Directer Tai...........係戴鯨亨?」
    
       戴鯨亨,1964年出生,億萬富豪,也是社團「銀龍」的龍頭.

「戴鯨亨同李昌華.......可能都同新星集團有關.....但係好怪.......」我説.
「雖然佢地有交易啫,但係乜D銀行戶口名可以隨便改㗎咩?」我又提出質疑.
「同埋就算有交易都唔代表關天幕計劃事呱?呢度冇列明李昌華係用同一個戶口定係唔同戶口嚟匯錢㗎喎」宅聰道.
「咁sheepfromgod又係乜人?」我說.
「個名好有基督教feel喎.....」
「上司?」
「sheepfromgod先係幕後策劃人...........周永善同新星集團都只不過係棄卒.」我道.
「我就對你地嘅睇法有D保留喇.」宅聰道.
「去證實下咪知囉,下星期銀龍會舉辦場聯誼,地點就喺戴鯨亨嗰間別墅,到時看守冇咁嚴密,係潛入去查佢嘅好時機.」范探員道.





     宅聰急急的道:「喂屌!!佢老婆喺樓下喇!秦世樂你要嗱嗱聲閃人喇!!」
「乜唔係九點收工咩!?依家先八點...」我趕快的打算把所有檔案複製到USB上,拔走USB準備離開,目光卻落在校長一家的合照上.

     一張張歡顏的笑臉背後藏著多少陰霾?假使讓他的妻兒知道校長的真面目後會如何?我並未想過要讓他們知䁱真相.畢竟,無辜者不應受到此等傷害.

 我從外牆爬回後巷,在行人路上行走,李昌華的妻子剛好從我身旁擦過.

「又見面喇.」一把熟悉的聲音從背後轉來.我回頭一看,果然是韓傲清————————他瞄一眼李昌華的妻子,輕笑一下.
「韓傲清.....有乜貴幹?」
「你今次嘅任務,係調查高照中學嘅校長?」
「係戴鯨亨叫你嚟阻止我,冇錯?我知道左李昌華同戴鯨亨嘅合作關係,絕對唔會放過任何搜證嘅機會.」我道.
「將隻手指交出嚟.如果唔係,我會動手.」
​「你可以試下動手.」我指向不遠處,范探員正拿著狙擊步槍瞄準著韓傲清:​「不過范sir隨時都可以殺左你.」
​「噢....范探員,原來你都喺度.」韓傲清望向范探員的槍枝:​「雷明登M700P,1181毫米,9磅重.幾識揀槍丫.」
「你行近一步,子彈就會送入你腦袋.」范探員道.




​「哼...」
​「返去記住代我同戴鯨亨講,無論係乜嘢陰謀,黃鼠狼都會一一破滅.」我道.
「下次你就冇咁好運.」韓傲清指著我説,便轉身離去.

「好彩范sir有先見之明,知道會有人出現阻手阻腳.」宅聰説:​「經過今晚之後,睇怕之後要潛入調查都冇咁容易...」
​「嗯.....」

      韓傲清,綽號「奇南道清哥​」.1995年出生,銀龍的紅棍級成員,爆發力高,殺傷力大,是個危險人物.提到他.....就不得不提到四年前那件事.

。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。


                     -------------------黃鼠狼特務Agent of Weasel-----------------------------

                       ----------------------- 章二:奇南道傳奇--------------------------






    四年前.

  位於大食地的奇南道避風塘,社團「洪福利」扎根的地盤.在這裡,海鯽市場被洪福利控制住,他們以威迫手段,低價向漁民收購海鮮,高價賣出,從中獲利.漁民一直活在洪福利的欺壓下,反抗者只有死.

   韓傲清埋在草叢裡,視察外面情況.數十個洪福利的成員正走進海鮮市場.
「13...14...15條友.」韓傲清走向後方一眾兄弟,再數一數,大約有三十多人:「兄弟,佢地已經走入街市,可以開始行動.喪雞,搵架貨車將來往奇南道嘅通道封住;小飛,你就準備一艘逃生用嘅船,守喺碼頭.其他人...跟我入去.」
「係!!!」

   分配好工作後,韓傲清帶領兄弟們步入海鮮市場————————要在這個充滿攤擋的地方搜掘洪福利的製毒場,的確不容易.
看到韓傲清帶領三十幾人出現,漁民也猜到發生甚麼事.
   韓傲清步向一個攤擋:「蘭姨...我知道,洪福利嘅製毒場就喺呢度,我今日就去俾返D顏色佢地睇.」
「清仔,你由BB仔開始我就睇到你大.」蘭姨臉色蒼白:「點解要加入黑社會??做壞人!?」
「你地甘心比洪福利擺佈,我唔甘心.一直都冇人敢同洪福利作對,我韓傲清就係第一個,因為我唔怕死!!」韓傲清爬上架上,讓所有人清楚看到他:「洪福利偷你地嘅電去種毒品!!你地唔緊要咩??」





   漁民遲疑了一陣子,搬貨的繼續搬貨,劏魚的繼續劏魚.

韓傲清從架上跳下來:「兄弟.....我地分兩批人去搵.」說罷,他們便開始搜掘,任何蛛絲馬跡也不放過.
「呢度有古怪!!」
  韓傲清聽到後立刻趕至,他移開木板,發現一條通往地下室的階梯:「兄弟,我地上!!」

「佢地嚟喇!!」守門人驚叫著,引起了裡面所有人的注意.
「同我收聲!!!」韓傲清直拳痛擊守門人的腹部,踢開大門,裡面的人已逃之夭夭.
「琥珀色光...睇嚟已經萌芽左.」他看看那些燈照下的''毒蛇彩虹'',這種毒品與一般的毒品完全不同,服用者初期會感到亢奮,身體效能大幅提升,可是有85%機率會導致逆向性失憶.
   韓傲清隨手拿起地上的鐵棍,狠狠把燈管破壞掉.其他人也動起手來在這裡大肆破壞.

     「啊啊啊呀呀!!!!」外面傳來慘叫聲,察覺到不對勁的韓傲清跑出外面,眼前的是喪雞和小飛的屍體.

「細路!!!咁大膽招惹我,你知唔知我係大名鼎鼎嘅洪茂??」踩著屍體說話的,是洪福利的龍頭洪茂.而在他背後約有五十多個大漢,相貌同樣兇神惡煞.
「大名鼎鼎?恐怕係遺臭萬年呱?盜亦有道!!!你欺負左班漁民咁耐,仲偷佢地嘅電嚟種毒蛇彩虹!!」韓傲清緊握鐵棍,指住洪茂:「今日唔係你死就係我亡!!!兄弟,我地上!!!!」

「我...我唔想死呀!!」陸陸續續地跑掉了許多人,只剩下兩三個留在韓傲清身邊.
「仆街.....」韓傲清不知如何是好,唯有硬著頭皮應戰.

「上呀!!!」洪茂身後的大漢齊衝向韓傲清等人————————卻被洪茂叫停.
「你地同我企埋一邊,我要親手隊㝝呢條友仔!!!」洪茂盯住韓傲清:「可以俾我殺死係你嘅榮幸~」
「正合我意,我都要為喪雞同小飛報仇!!」韓傲清不假思索,朝洪茂衝向.兩人隨即展開一場激鬥————————洪茂先一拳痛擊韓傲清的臉頰,搶去鐵棍再擊他頭顱.

「大佬好嘢!!!!」手下們為洪茂歡呼著,弄得他沾沾自喜.
「我俾十秒你喺我面前消失!!」洪茂把鐵棍扔到地上.
「我....」韓傲清從地上爬起來:「我仲未死...」
     洪茂起腳把他再踼下地:「我原諒你年紀仲細唔識世界,即刻同我走!!!」,在歡呼聲下離開.

「嘻嘻....」後方傳出一道笑聲,是韓傲清:「洪茂,我要同你單挑!!」
      洪茂的手下們聽到後,立刻哄堂大笑.
「面對現實喇細路,我洪茂出嚟行嘅時候你只係條精蟲嚟㗎咋!!!」
「去死!!!」韓傲清右拳揮向洪茂的頭顱,洪茂雙臂格住,韓傲清迅速收回右拳以左拳痛擊他的心口位,殺他一個措手不及————————
「可惡....假..假動作??」洪茂按住傷口,樣子看來有點驚訝,他朝韓傲清不斷反擊,招式也被破解————————
「我已經睇穿你每一個動作~」韓傲清道:「而家就俾你見識下我韓傲清嘅實力!!!」他不讓洪茂有喘氣的機會,上勾拳把他的下顎擊碎.

「保護大佬啊啊呀!!!」五十多個大漢同時殺向韓傲清,韓傲清握緊拳頭,一人之力對付五十多人————————

----------------------------------------------------------------------------------------------------------------------------------------------------------
   夕陽西下,最後一個大漢也在韓傲清手中死去.
洪茂瞪大眼睛,簡直不相信眼前這個小伙子竟然有如此力量:「你....究竟...係邊個......」
「我個名係,韓傲清.」韓傲清拿起鐵棍,步向洪茂.
「求你...唔好....」
「太遲喇,你對漁民嘅所作所為,我唔可以當冇發生過.」韓傲清狠狠地把鐵棍刺向把洪茂的眼球連同神經線掘出來.
「啊啊呀呀!!!!!啊呀呀呀!!!!!!」失去眼睛的洪茂打算用手盛著流出來的血,結果當然是弄得雙手沾滿鮮血.
    韓傲清連拳揍向,直至洪茂斷氣為止.

。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。
   洪茂的死去,也讓洪福利瓦解.從此,'''奇南道清哥''這個名號在江湖上無人不曉.
 然而,加入社團銀龍後,韓傲清已經背棄初衷,為戴鯨亨幹許多骯髒事.建基於可能是臥底的緣故,為失聯特務的可能性為50%.