-------------------黃鼠狼特務Agent of Weasel-----------------------------

                       ----------------------- 章四:正義的偽善者(上)--------------------------


   趁著大家食花生睇人考試之際,我走進廁所,回到「鼠洞」.

一回到基地,就見到一張嚴肅的臉.
「范sir.....係咪有乜事.....」我問他們.
「秦世樂你過嚟睇下就知乜事.」宅聰向我遞出一封信.




我慢慢走至:「信?有人寄信俾我地?」
「睇下入面講乜.」
「哦....」接下信後,我把裡面的內容看一遍.

" 秦世樂小朋友,你好~
   昨晚,有同事經過歡日樺峯時,居然見到有個黑衣人在外牆爬上去!!!想必,一定是你吧,讓我猜猜,你們是個叫「黃鼠狼」的組織吧?剛巧,我手上現在有一些珍貴的照片~
          如果你們深明「識時務者為俊傑」這句話的話,或者情況又會不同呢~
     賞面的話,不如四點半在你學校後面的小公園見見面吧.
                      
                                                                                                                                                                                                         仁見聯




                                                                                                                                                                                                          周乙丙 上 "
「即係話.......我地依家比條友威脅?」我明知故問.
「呢個周乙丙同我一直有牙齒印....喺我仲未離開秘密署嘅時候,呢條友已經利用我嚟幫佢上位.....」范探員望著地下說.
「周乙丙呢個人唔簡單,一直以嚟佢都四周圍掘人瘡疤威脅人幫佢坐大勢力.嚟緊嘅區議會選舉,佢都會參選,即係話......」宅聰說.
「我絕對唔會幫仁見聯呢D建制派壯大勢力.」我斬釘截鐵道.
「但係唔咁做嘅我地就會一鑊熟㗎喇...」宅聰說.
「嗰晚我着住黑衣,又戴埋面罩,佢地點會認得出係我㗎?」我提出質疑.
「我懷疑周乙丙一早已經派人睇住我地,佢手上一定仲有其他證明黃鼠狼存在嘅證據.......如果唔係佢唔會咁大口氣...」范探員道.
「一旦黃鼠狼嘅存在公諸於世嘅話...就仆街喇.......」宅聰説.
「總之我點都唔會妥協,我唔信佢可以威脅到我地.」我說.




「仲有另一樣嘢俾你睇.」宅聰翻開手提電腦.
     裡面展示了一條閉路電視影帶.

「呢條係琴晚七點四十七分喺酒店走廊度李昌華同情婦幽會嘅片,留意下個女人.」宅聰指指那情婦.
    這嬌小的女人,有著瓜子臉和長長秀髮,仿佛似曾相識的.......屌!這不就是Miss Lam,林旖旎老師嗎!?清新脫俗的御姐feel,還有甜美的聲線和婀娜多姿的迷人身材也迷倒了不少男生.這樣的Miss Lam竟然是別人的情婦!!??
「Miss Lam竟然同李昌華有路!?」
「重點係,睇下第二條片.」宅聰按了另一條片段,畫面中,有一個戴著面罩的人在經過李昌華的房間時偷偷的把一些東西裝在門柄上,從衣著上可見這是女的.
「秦世樂,你睇唔睇得到出呢個女嘅係邊個?」范探員拿了包維毆奶出來飲.
     我搖搖頭.
「佢喺門柄上面裝嘅係監聽器,zoom近D就可以見到.」
「係咪秘密署嘅特務?」我問.
「唔會,咪唔記得秘密署有'波子'㗎,佢地只要拋粒波子出去就得喇,洗唔洗動用人手去裝監聽器?」宅聰說.
     所謂 '波子'即是指迷你球體偵察機,有飛行,追蹤,拍攝,解鎖,發射子彈等的功能.我們黃鼠狼暫時還未有足夠資金可以購入這好工具......
「我覺得,呢個女嘅好有機會係黃鼠狼嘅人.」范探員道:「佢嘅手法唔係太熟練,應該係同你差唔多年紀嘅年輕特務.」
「你意思係,佢可能係方sir失蹤前提過嘅另外幾個黃鼠狼特務之一?」我說.




「我唔肯定,我地冇先進嘅儀器可以知道佢嘅身份.」
「但係你都要留意下,話唔定佢就係5C班嘅人呢.」范探員説.
「係,不過首先我打算聽日放學去跟蹤Miss Lam睇下有乜線索.」
「好.」

---------------------------------------------------------------------------------------
「去左邊呀你,依家先返嘅?」Mr.Lee有些不滿的問.
「我啱啱去左痾屎,所以遲左返.」我説.
「嗱嗱林返埋位喇,咪阻住人放學丫.」
「sorry~」
「搞乜呀Francis你!?成日冇啦啦失左蹤嘅?」Mr.Lee又問.

  余閃聽到後就笑說:「係咪成日匿埋去打丁丫?」
「食屎啦你!!」我向他舉中指.
「喺度學丫發打丁喎~」伍莊正加把嘴.




「又關我咩事丫!!伍莊正!!!都智障㗎!!!」吳廷發吐糟道.
「專業!!!講到打丁都係唔夠丫發專業!!!!」余閃向吳廷發舉起姆指.
    吳廷發,是運動型男也是毒男.每月平均自慰次數為全班最高,憤怒的時候有機會會失控,為失聯特務的可能性是45%.
「屌咩料丫你地!~」吳廷發又轉移視線:「呢班唔係得我一個打丁㗎!!」
「係喎仲有..」伍莊正說.
「得得得不要再說了.....」鍾柏根張開手板道.
「你地班男仔個個都打丁㗎啦!!~」徐璇忽然插嘴說.
    大家也靜了.徐璇一直也不太受5C班其他人歡迎,可能是因為藝術家思想與人有異,說話直接而又太活躍的緣故吧,我也不清楚,也沒有必要去知道這麼多.可是她老愛突然加入別人對話中,而每次她一開口,也很成功地把話題終結.為失聯特務的可能性是20%
    過了六七秒,才有人再次開口,是伍莊正:「喂放學去唔去真蔭公樂園挽?」
「OK呀我.」吳廷發說.
「可以丫,秦世樂你呢?」余閃問我.
「我唔得丫,今日放學有嘢做.」我答.
「咁轉聽日去得唔得?」伍莊正說.
     明日Miss Lam要五點半才下班,去玩一玩才跟蹤她也夠時間.
「得!就聽日放學等啦.」我約定他們.





------------------------------------------------------------------------------------------------------------

     四點半,一個人跡罕至的公園裡.
有一個身穿西裝的男人向我面露微笑,他就是周乙丙.
「秦世樂小朋友~呀唔係,係秦俊郎小朋友至啱~」
「你想點?你點會知我D事?」
「秦俊郎,1998年出世,2010年到聖母會高照中學做臥底,你上司係范葛威.我仲知道你以前D嘢㖭~你年紀輕輕就殺人,哎呀差D就入男童院喇!!!!」
「周乙丙,你究竟有乜目的.」
「年輕人應該關心下政治丫嘛,好快就係區議會選舉喇~你知我想點㗎喇?」
「你要我幫你條仆街去參選區議員,呢個就係你嘅目的.天幕事件之後,保皇黨簡直係上左神檯....難道係內部鬥爭?」
「呢個人.」周乙丙從公事包掏出一些文件出來給我.
    我看了看,這些文件也是關於同屬仁見聯的唐日同的資料.
「今次我決定參選區議員,唐日同呢個老嘢就嫌我唔夠班去參選喺度搞風搞雨杯葛我仲叫其他黨員唔好支持我,因為佢我喺仁見聯嘅聲勢越嚟越細.繼續咁落去嘅話我只會淪為今次選舉嘅笑柄.我要你地首先將佢不停抺黑,然後殺左佢.」周乙丙再說:「事成而我又做到區議員嘅話,五千萬就可以入你地數,相信五千萬呢筆錢可以幫你地呢個規模咁小嘅組織做大佢.」
「五千萬?」我問.




「我一定會兌現我嘅承諾~」
「真係唔好意思喎.」我毅然地把這些文件撕毀了:「我絕對唔會為你做任---何---事.」
「哈哈哈你真係打算唔幫我!?」周乙丙囂張的笑著:「請你唔好自掘墳墓呀秦俊郎小朋友~我俾多次機會你答!!」
「我無論如何,都唔撚會幫你.再見.」我轉身準備走,公園出口卻站了兩個便衣警探.
    一個男人從兩個便衣警探之間走出.
我停下腳步:「你又乜水.」
「我係刑警陶陸偉,既然你唔肯同我朋友合作嘅話.....我唯有捉你返去.」陶陸偉走向我.
「真係唔好怪我丫秦俊郎小朋友......」周乙丙也步向我:「係你唔識時務咋...好快,你地黃鼠狼就會砰一聲!!!冇左!!!我話你知!!!!我周乙丙一定可以做上區議員!!!跟住就係立法會議員!!然後就係司長!!!!仲有特首!!!!你地冇人可以阻止到我!!!!!!!嘿嘿嘿嘿嘿嘿!!!!!!!!!」他狂妄的笑著.
   陶陸偉舉手示意兩個便衣警探把我抓走.
「今次靠哂你喇陶刑警!」周乙丙拍拍陶陸偉的肩膀.
「呢D只係我地警察嘅份內事啫.」陶陸偉說.

--------------------------------------------------------------------------------------   
     盤問室裏,只有我和陶陸偉兩人.
「你本名係叫秦俊郎㗎荷?問你一句先,你認唔認得我?」陶陸偉雙手交疊坐着.
     我面前的這個陶陸偉正正就是五年前被范探員收買的一個警官.
「認得.」我望著他答.

     門外有人敲門,是來找陶陸偉的.
   那女下屬一邊盯著我一邊在陶陸偉的耳旁竊竊私語,應該是關於我的.
  陶陸偉聽到後只說:「可以close file喇,唔需要再查.」
「吓?」那女下屬有些錯愕.
「你...聽唔清楚?」
「Yes Sir!!」然後她便笨拙的關門走出去.
「點解咁做.」我問.
「周乙丙好似都知道哂你嘅嘢㗎係咪?」陶陸偉道.
「你意思係......」
「如果俾佢查到我當年有份幫你甩身嘅話....我就大檸樂喇..我地依家坐埋同一條船,明未?」
       
     雖然我明白他的意圖,但我沉默了一陣子,也沒有回應他———————————