大清早,龍下灣西的碼頭邊.
「秦世樂,記住唔好露出馬腳喎!」范探員又再嘮叨了.
「欸知喇!!!好煩呀你.....」
     今日就是三大社團聯誼的重大日子,也是銀龍借機吸納新血的好時機.我混入那群打算加入銀龍的無知年輕人當中,偽裝成他們的一份子.
「喂我唔講喇!!有人過嚟check身份丫.」
           一個身型高大又健碩的刀疤男走過來檢查身份.
「你嘅網名係「天堂壁虎」,登記號係38號,係咪?」刀疤男問我.
「呀.....係..」我今次要演出的角色是個初次接觸地下世界,既期待又害怕的少年.
刀疤男檢查完所有人的身份後,便企上舢舨問我們:「仲記唔記得恭賀詞係咩呀!?」
我跟隨其他人叫出我們要説的恭賀詞:「恭祝前島三大社團大展鴻圖!開張駿業!」




「好!!!!有前途!!」刀疤男高興的笑着:「我地要出發喇!!!!登記號係單數嘅就坐左面隻船,雙數嘅就坐右面嗰架!」

「唔好意思呀......可唔可以.........唔去㗎?...我依家唔想去喇......」忽然一個男生說想走.
刀疤男走向他:「你想反悔?」
「我...我真係想..走呀.......」
「臨開船先嚟縮沙!!!!???你挽鳩我啊!!??」刀疤男抓起男生,把他拋下海.

「救命呀!!!!」不懂游泳的男生在不斷掙扎.
「你地邊個都唔准去救佢!!!」刀疤男警告我們.
     我們只好眼白白望著男生沉下海裡.





                   -------------------黃鼠狼特務Agent of Weasel-----------------------------

                       ----------------------- 章八:隱約揭起的底牌--------------------------


-----------------------------------------------------------------------------------------
      上船三小時後,便到達戴鯨亨的私人島嶼——————鯨亨島.
為甚麼在香港會有私人島嶼?很簡單,只要你有權勢,甚麼法律都可以無視.戴鯨亨一向也跟政府有利益關係.
「落船喇喂!!」刀疤男叫我們下船:「你地周圍挽下先!十一點半再喺前面舞台準備上去唱歌!別墅二樓有PS4俾你地打,後園就可以俾你地打下波咁.OK?」




「OK!!」我跟隨其他人大叫,當然我根本就不想上台唱歌,但為了避免嫌疑,我必須要上場唱.
      十一點十四分,賓客應該也到齊了吧.今日三大社團的人也會出現在這裡,要避免被發現就要更小心.
耳機裡傳來宅聰的笑聲:「喂秦世樂你識唔識唱歌㗎?陣間唔好出醜丫哈哈~」
「鬼識咩.....陣間求求其其唱下應該過到骨呱.....難得唔駛扮女人已經好好㗎喇,屌上次仲要俾人非禮......」我説.
「哈哈哈哈!!!哈哈!哈哈哈!!!!!」宅聰笑了又笑.
「范sir,我諗住唱完歌恭完賀先潛入別墅,呢十幾分鐘嘅空檔應該點好?」
「周圍行下視察環境先囉,場聯誼六點先完,你大把機會潛入去.」范探員道.

     戴鯨亨放下酒杯,迎接賓客,前來的是義友社的崔煉雪.
「煉雪姐!!!!你好丫!!上次真係唔好意思呀,係我冇好好睇住班細嘅先會出事!」戴鯨亨道.
「哦唔緊要!!!我都知唔關你事㗎!!」崔煉雪道,並招手叫手下拿花牌上來:「祝我地三大社團越做越大!!唔只咁,我地義友社今日仲會為你地送上精彩表演!!!」
「多謝多謝!!」
「雪姐!!!!」後方來了另一個人,是死鬥.他是韓傲清的競爭對手,雙方將要在即將來臨的坐館選舉爭奪一番.
「康仔!!!!我地好耐冇見喇!!!」崔煉雪上前跟死鬥來一個擁抱.





     我問范探員和宅聰:「佢兩個咩關係?咁親密嘅.」
「死鬥呢條友係崔煉雪提攜出嚟嘅,關係就好似姊弟咁.冇崔煉雪,死鬥都唔會有今日.」范探員說.

      然後韓傲清又上了來:「唔好唔記得我喎煉雪姐~!!」
「清仔~我又點會唔記得你呢~?」崔煉雪又跟戴鯨亨説:「你真係好有福氣丫~有兩個咁出色嘅左右手幫你!!!」
「你恨唔到㗎喇~」戴鯨亨揶揄她道.
「哈哈哈~」他們有説有笑的同時,我偷偷的掏出用作複製指模的眼鏡布,在戴鯨亨的酒杯上複製他的指模.
「搞掂.」我說.
「OK,我E家即刻將指模再印上你對智能手套上面.」宅聰道.

---------------------------------------------------------------------------------------
「今日嘅聯誼會正式開始!!!又請我地嘅戴生上台講兩句嘢!!!」大會主持請戴鯨亨上台,現場隨即響起熱烈的鼓掌聲.
「多謝!多謝!」戴鯨亨接過咪高峰,拍兩拍再説:「好高興,今日有咁多人嚟捧場.有嚟自牙虎同義友社嘅朋友,有一班睇住我地大嘅老前輩又有一直支持我地嘅老朋友,好似丫蘇局長....陳局長........高局長,仲有好多我講唔哂~同理後台一班準備表演嘅新丁!!嗯..........好感激啦...我地銀龍,義友社同埋牙虎今時今日可以坐到咁大,其實一開始我都估唔到;記得當初一個老前輩同我講過,要贏得天下,先要打敗自己,之後呢句就成為左我管領銀龍嘅信念.唉唔講咁多喇,以下落嚟,祝大家享受今日嘅連場表演!!首先係我地嘅新丁出場帶俾我地一首Sammi嘅戰勝自己!!!!!」  
       戴鯨亨走下台,然後就是我們這群新丁的表演了,因為要扮24味,我們這群男生也要戴黑超,其實不戴也可以的.........不過這樣也減低了我被某幾個人認出的機會.





「放得低~誰在意原因~」先是扮成Sammi的女生出來唱副歌.接著就是我們男生出來Rap.自問唱功差勁的我只是在咪嘴.
    話說這群新丁的唱功好像比我更差;男的五音不全,女的荒腔走板,合在一起簡直是魔音穿腦..............

-------------------------------------------------------------------------------
    唱完後,我們一同大叫:「恭祝前島三大社團大展鴻圖!開張駿業!」
      台下傳出熱烈的掌聲......還有人叫好.....
「嘩屌......見識過班友嘅唱功之後我突然覺得好似啱啱聽完IceJJFish唱歌咁.....」宅聰吐糟著.
「秦世樂,行動開始.」范探員道.
    我換完衫後,便離開人群:「楊澤聰,我要點做?」
「熱感圖像顯示別墅入面有六個保安,記住唔好俾佢地發現.個機關喺戴鯨亨嘅主人房入面,希望你可以喺嗰度搵到線索啦.」宅聰說.
「好,要點行?」我問.
「正門入去轉右直行到尾有條樓梯上去第四層左面轉角再轉左就係主人房.」
「咪住.」我見到刀疤男正在樓梯旁抓起一個新丁,似是在審問他. 
      我立刻躲在柱後偷聽.   
刀疤男怒問那新丁:「你係咪警察派嚟嘅臥底!?」 




「唔係呀!!唔係我呀!!!!」
「哼!!」刀疤男放走他,這時戴鯨亨走了過來:「發生乜事.」
「大佬!!我懷疑班新丁入面有臥底!!!」刀疤男道.
「去做你應該要去做嘅事......如果唔係你處事不當...點會發生D咁嘅事?」
「大佬!!係我嘅錯......對唔住....」

「今次麻煩喇.........」我閉起眼睛呼一口氣,然後藏在草叢裡待刀疤男在我面前走過才出來.
「秦世樂!你動作要加快喇!D保安巳經周圍掘你.....」宅聰道.
     我裝作平常的走上樓梯,忽然有人拉住我,是剛才在台上站在我旁邊的女生.
「喂呢度有GTA 5挽呀!!!!嚟Join我地丫!!」圍在PS4站的幾個人也向我招手.
「Sorry我唔得閒...好趕急呀!!」我拒絕.
「一陣間啫~嚟丫嚟丫!!!」她死都要拉住我.
「放開,如果唔係我就推你落樓梯.」我只好警告她.
她慢慢放開:「哦.......」





---------------------------------------------------------------
「如果條女唔放手,你會唔會真係推佢落去?」宅聰問.
「會.」
「條女OK索喎,咁都推?」
「我理得佢索唔索,總之佢就係阻住哂.我先唔會好似D咩007咁咁易比女人誘惑.喂係咪左面轉兩次就係主人房?」
「係呀.....喂...你後面有條友追緊上嚟呀!!!!」
       我往後一看,是刀疤男——————
「咁趕急做乜嘢丫~?」刀疤男扭扭手腕,啪啪手指,響出清脆的骨頭聲.
    我拔腿就跑,誰知他越跑越快,緊貼上來.我拿出小刀往他擲,他避開後上勾重拳送上,我不幸中拳了.他又來一拳之時,我勾擊他的腰部,發現他健碩到每塊肌肉也像鋼鐵一樣硬,要對付這種力量型的怪力,一定要改變攻擊套路才能取勝.他的氣力雖然比我更勝一籌,但是攻擊距離大,採用貼身戰對我更有利.我勾踢他的小腿,再朝他的鼻下勾拳揍上,他打算出右拳時我快速掏出另一把小刀刺向他的右拳,誰料他一拳打彎了我的小刀,還一手抓起我.
      他發現我戴在耳上的藍芽耳機,馬上拔了下來狠狠掐碎:「天堂壁虎......果然你真係臥底!!!!係邊個派你嚟㗎!!???」
「再唔鬆手嘅話我就殺左你.」我向他微笑.
他聽到後輕蔑的笑了笑:「我全身都係鋼鐵!!!憑你個排骨仔可以傷到我!!??」
「可以.」我氣定神閑地說.然後朝刀疤男的喉核直拳一下爆擊————————
      他表情痛苦的抓住脖子,趁這空檔我拿起旁邊的滅火筒毆撃他的心臟,他倒地了.
「喂楊澤....」我差點忘記了我的藍芽耳機已被掐碎,現在我沒有辦法跟范探員和宅聰聯絡.
       
      跑到主人房的大門前了,我掏出解碼器,破解大門密碼.
「你係邊個?」背後傳來一把女聲,是馮佩妮.她為甚麼會在這裡........
她也聽到了追趕上來的腳步聲:「你究竟入嚟想做乜!?」
        時間緊急,我唯有跟她拼一拼——————————
   我往她揮出小刀,她卻瞬間雙掌接住:「知唔知我最討厭嘅武器就係刀?」
 她一飛踢踼向,我搖身避過,此時我明明可以趁機批肘折斷她的腳,但我沒有.我直拳揍向她,她再起腳朝我的頸踢.
  我應聲倒地,連太陽眼鏡也甩掉.
「秦....秦世樂??」她見到我的真面目了.我坐在地上,不知所措.
「我....我..」
      腳步聲慢慢地響亮,今次完蛋了......
馮佩妮突然打開大門:「入去先!」,我連錯愕的表情也未露出便躲了進去主人房.

----------------------------------------------------------------------------------------
「妮姐!」幾個保安緊張的跑了過來.
「係咪要搵嗰個偷入嚟嘅臥底?唔駛搵喇!!佢已經從呢個窗口閃人.下次動作要快D,如果唔係有乜事係咪你地負責!?」馮佩妮騙他們說.
「對唔住呀妮姐!!!」他們低頭道歉.
「以後同我醒醒定定呀!!!!走!!」
      保安們只好回頭離開.

    我從衣櫥走出來.
「你點會喺度?」馮佩妮關上大門,背對我說.
「我....」
     她轉身以小刀突襲,我抓住她的手腕,右肘擊打走她手上的刀.她起腳把小刀踢至另一隻手上再襲來,我不斷閃避,找到機會抓住她的手臂,朝她的腹部來幾記右勾拳,再把她推到牆壁.
「唔好諗住殺我,一次都唔好.」我冷說.

    她冷笑一下,瞬間把我絆倒,小刀架住我的脖子—————————
「一個條件,唔好對傲清下手.」她説:「我在乎嘅,就只有佢.至於你要搗破銀龍,維持正義乜鬼嘢嗰D,都唔關我事.」

    看著馮佩妮的眼神,她似乎還不想先把我殺死.可能是我有利用價值吧?
「好,達成協議.」我回答.
    她收起小刀,從房間離開.
「蔡慧,你知道呢個人?」我叫住她,打算從她口中打探蔡慧的情報,卻被無視了.
     
      宅聰說有機關在這主人房裡面,但具體位置根本就不知道.通常偵探故事中,機關也會藏在一幅名畫後面,可是我翻開過這裡的名畫,後面是沒有任何機關的.
又可能,是鋼琴上的某個鍵?不過這裡沒有鋼琴.這主人房也沒有甚麼工作檯,資料櫃,連一台電腦也不見.難道......
     我步向戴鯨亨跟他老婆的雙人床上,翻開棉被,探手摸摸果然發現了一道金屬板,上面印有姆指圖案.我戴上智能手套,用戴鯨亨的指模啟動機關,不消兩秒,床褥便移開了.

        雙人床之下是一個深不見底的祕洞,連接了一個升降台.
    祕洞下很有可能藏着一些秘密.

---------------------------------------------------------------------------------------------------
     升降台達至底層,燈也全亮了.在我眼前的,是間一塵不染的黑色房間,戴鯨亨應該經常在這裏做事吧.從圓形的窗望出去還可以欣賞到海底的美景.   
 我掏出手槍,四處防範,確保沒有其他人後便坐在電腦椅看看桌上那台Notebook.一開機,便展現了戴鯨亨的自拍照.
       桌面上有個叫做「Assignment for Tai」的檔案,我按一按,裡面有一列名為「天城騎士的資格者」的名單,底部還有一欄標示着負責人的名字:《死鬥》

     工作檯上還有一封結婚請柬放在茶壺旁,我隨手拿來看看,信封右下角印了一個奇怪的圖案,是一個有魚勾的十字架.
      
    婚禮舉辦的地點,羅彌索教堂.
  我放下請柬,盯著信封上的圖案.
       似乎,這是一切的關鍵———————————