黃鼠狼特務Agent of Weasel(搬家原故,本站停止更新): 章十九:恐懼支配者

「嘟——嘟————」
「嘟——嘟————」
「是我,李校長呀主任.」
「對對對,你拜託我辦的東西我已經辦好啦.相信那小子.....以後也不敢再亂來了.」
「嗯嗯嗯...」
「吓?甚麼?」
「這...有點困難...我也沒有見過教主的真面目.」
「可是主任請放心,我一定會好好協助你達成計劃的.」
       李昌華放下聽筒,不忿的把桌上所有東西掃下地.
「如果唔係有把柄喺你手嘅話我洗撚聽你條死老坑指指點點!!??」





「校長,有學生搵你丫.」林旖旎敲門説.
「得.......叫佢入嚟.」

「校長~你好.」
「劉同學搵我有咩事呢?」
「似乎受左咩刺激咁喎.」劉三鴻望著地上說.
「我好忙,請你有話直說.」
「高照中學一直都唔係乜嘢作育英才嘅地方,由以前到依家都係.只不過已經唔係鎖住老師對手嘅級別咁簡單喇.」
「我睇唔到重點喺邊.」




「我知道~你一直隱藏左個秘密,唔可以俾任何人知道嘅秘密,即使係漁夫也是~」劉三鴻拿出那塊鉿合金碎片:「認唔認得呢塊?」
「乜嚟?」
「Wow~校長真係唔識得講大話~」劉三鴻笑了笑:「你知道我想點嘅~」
「我真係唔知你講乜.」李昌華説.
「放心~我肯定會...比你更加快搵到佢地~」劉三鴻説.


                  ------------------黃鼠狼特務Agent of Weasel-----------------------------

                    ----------------------- 章十九:恐懼支配者-------------------------






------------------------------------------------------------------------------------------------------
    圖書館裡.
溫習中的顏影寒發現隔班的潘志祥正在書架旁徘徊.
「咁鬼鼠做乜?有嘢就同我講啦.」顏影寒說.
潘志祥閃了過去他旁邊的座位去:「喂,幫下我好嗎?」
「What?」
「我收到風,呢間學校可能有特務存在㖭丫.」潘志祥盡量調低音量說.
「哈哈...你睇戲睇上腦?」
「有證據㗎!你都知我係校園記者,周不時都有學生向我報料㗎啦.」
「報料?」顏影寒追問下去:「係邊個報料嘅?」
「mmm.....我應承左要保密...」
「咁你想搵我幫手做乜?」
「寒哥你人緣咁好,同學校D人咁熟,我梗係搵你啦!嗱,我今晚就sendD證據俾你睇下,你就幫手睇下係邊個丫!」




     潘志祥拿出一本記者專用的記事簿,寫上顏影寒的名字.
「如果學校真係有特務嘅話咁都幾爆喎哈哈...」顏影寒眼角瞄著記事簿道.
​「細聲D!呢個係我地兩個之間嘅秘密!特務之所以存在...可能係因為高照中學學生嘅人權被侵害中!折磨身心嘅小息罰企!對留級生不公嘅制度!對E班學生嘅差別待遇!特務....係我地嘅革命英雄!!唔講咁多喇,小息只係剩返10分鐘!我要把握時間去明查暗訪!」說罷,潘志祥便飛快走了.
​「痴撚線㗎....」

-----------------------------------------------------------------------------------------------------------------------------------
      凌晨兩點,韓傲清依照約定到了廢車場.秦世樂已經坐在爛車堆上等待他.
​「到嗱.....韓傲清.........」
​「秦世樂.」
​「你點知道我個名...」
​「係你提醒我,我本來應該係點樣嘅人.」韓傲清指住他說:​「但係而家你因為仇恨,濫殺無辜.....你冇辦法去面對恐懼,只可以比恐懼慢慢侵蝕你嘅心靈,依家嘅你同惡魔根本冇分別.」
​「收聲...咁你呢?奇南道清哥,你一直信賴戴鯨亨,突然發現佢嘅真面目.你不自覺咁幫新星集團做咁多嘢好事....」
​「秦世樂......你忘記左你小學六年級嗰時發生嘅事?唔會,你絕對唔會忘記你第一次親手殺人嘅記憶...」
​「你...點知呢件事....」
​「呢個秘密一直收埋喺你心深處入面.你怕比人發現嘅呢份恐懼,直至范葛威死去嘅時候,就再一次...再一次咁顯露出嚟.」




​「收聲....」
​「恐懼已經支配你.秦世樂,呢個就係你嘅弱點!!」
​「收聲!!!」
​「依家嘅你同以前嘅你已經冇分別,撇除特務呢個身份,你只係個殺人犯!!」
​「收..........收聲啊啊啊呀呀!!!!!!!!!!!!!!」秦世樂鏟錘送去————————
​「嚟啦!!!」
     雙方來來回回,閃閃避避,誰也沒打中過對方.
   見韓傲清使出橫踢,秦世樂跳後避過.韓傲清拳揍他腹部,他卻抓住韓傲清的頸部頭錘襲向.韓傲清轉身來了個後旋踢,秦世樂側身避開再前滾翻躲到的士的另一邊.
韓傲清小心翼翼的環顧四周,預備迎接秦世樂的突襲.​
       「errr...」有聲音從上方傳出.一部廢棄巴士正墜下來,韓傲清趕快跑走,秦世樂閃出右肘揮上再出勾錘,韓傲清抓他的勾錘反擊他自己,秦世樂掙脫後雙拳揍前,再左勾拳揮出,韓傲清前踢踢走他的拳.秦世樂朝韓傲清的腮肘撃,韓傲清勾踢他的左右軟肋,秦世樂把他推到廢棄校巴按住拳揍,韓傲清掃踢反過來把他按住:​「依家嘅你只係一個無能嘅弱者!!」
「啊啊呀!!!」秦世樂抓住韓傲清的頭顱往鐵皮猛撼,弄得他頭破血流.
    韓傲清在下一次撼的瞬間,也抓住秦世樂的頭顱狠狠的朝鐵皮撼————————
 秦世樂滾在地上,韓傲清迷迷糊糊的捉起他,勾拳再把他打落地.韓傲清躍起伸起腿劈擊秦世樂的肩部,秦世樂及時放鬆肩部肌肉以免重傷,順勢抓住他的腿把他摔倒.
  背部受傷的韓傲清再掃腿把秦世樂跘倒.秦世樂撲向左直拳揍,韓傲清搖頭閃開同時右肘撃他的左前臂,再右拳揍他的心口位,秦世樂迴避後馬上掛錘攻韓傲清左右兩肩,韓傲清連環膝擊插上,秦世樂使勁抓住他的兩肩,雙腳跳起使出巴投————
「啊呀....」韓傲清背傷更重了.




「秦世樂!!!!!」他抓住倒地不起的秦世樂,一拳揮去:「同我企返起身!!!!企返起身再繼續打!!!!!俾我睇返你曾經嘅強大!!!而唔係好似依家成個廢人咁!!!!!!!」
秦世樂喘著氣動也不動.
「企返起身!!!!!!!企返起身!!!!!!!!!」韓傲清再連拳揮向:「你依家呢副模樣就等於向敵人認命!!!佢地最想見到嘅就係你因為佢地而恐懼嘅模樣!!!!!!!!」
「放手!!!」秦世樂掙扎著.
「仇恨...恐懼...一旦完全支配你嘅話,你就只會成為一個冇血冇肉嘅殺人狂魔!!!!!!清醒下啦秦世樂!!!」韓傲清再一拳爆向.

     此時,過往的記憶再次浮現在秦世樂眼前.

  2014年10月.
「范sir,我真係唔係好明...點解D人明知有危險都會聚集一齊搞社會運動?」楊澤聰問.
「我地都係㗎.」范探員説.
「點同呢,佢地在明我地在暗...」秦世樂説.
「即使手無寸鐵都好,始終都會有人出嚟對抗強權.明知會有壞結果,但係好神奇咁我地竟然會去嘗試改變~」
「敵人最想見到嘅,就係我地放棄,恐懼嘅模樣,佢地最想嘅就係將我地同化.作為人,我地絕對唔可以比任何情緒支配到,反而......我地要支配情緒.先唔會中到敵人嘅計謀.無論如何,為公義發聲.....係人嘅義務.」
      




    想到這裡,秦世樂已經按捺不住要流淚了.

「對....對唔住.....范sir...我..我...」

      韓傲清見況,把他放下.
  暴風雨忽然刮起,與范葛威死去那時候一樣.

「秦世樂....我需要你.」
      秦世樂抬起頭,望著韓傲清.
「死鬥同戴鯨亨咁樣利用我,我要俾返D顏色佢地睇下.」
「關我乜事..?」
「我地嘅槍口係一致嘅,唔係咩?」

    在一旁藏著已久的馮佩妮走了出來:「我同傲清,會加入黃鼠狼.」
「...點解....」秦世樂意料不到會這樣.
「我地三個以後就係同伴喇.」馮佩妮說.