黃鼠狼特務Agent of Weasel(搬家原故,本站停止更新): 章二十一:雨雲漸漸迫近...

                   ------------------黃鼠狼特務Agent of Weasel-----------------------------

                    ----------------------- 章二十一:雨雲漸漸迫近...------------------------


      餐館附近的一輛特勤車上,霓虹女和霜寒裝備著武器,準備攻入餐館.
「呢座餐館屬於防守型建築,而入面又有唔少嘅人,要攻入去都唔係咁易~」馮鍵望著熱感圖像説.
「所以死鬥先專登揀呢度嚟進行交易,一旦毒蛇彩虹流入海外市場嘅話,我地就冇可能阻止到.」霜寒揮舞長棍,露出自信的表情:「不過就算係咁都冇問題,because I am...」
「because you are 顏影寒丫嘛,知喇知喇.......」馮鍵無奈的道.
      霓虹女走到馮鍵旁邊:「持械嘅有幾多人.」




「Mr.Chef帶嚟嘅5個侍從係持MI928A1,其它嘅冇乜特別.」馮鍵又見到三個身影正潛入餐館:「咦?呢三條友乜水嚟.」
「係佢地.」霓虹女說.

---------------------------------------------------------------------------------------
     飯廳𥚃.
「Mr.Chef,好高興我地可以有合作機會!」死鬥遞出手説.
「我都好榮幸可以同死鬥你合作,我雖然身在美國,但係經常都可以聽到關於香港呢邊嘅事.」Mr.Chef用標準的粵語道:「我都聽過你嘅威尼斯...威尼..威史....威....」
「威水史呀Mr.Chef~」死鬥笑說.
「哈哈係呀係威水史!你地香港人嘅語言真係好有趣.」Mr.Chef看到死鬥旁邊的蔡慧:「你就係死鬥身邊嘅異能者?」
「哦...係.」蔡慧聽到不太感到舒服.





「通知廚房講可以依家上菜.」死鬥跟一個手下説.  
  
       那手下馬上走出飯廳,下樓往廚房走向,秦世樂閃出劈暈了他.
「死鬥背叛銀龍向美國軍火商Mr.Chef賣毒蛇彩虹嘅貨,我就要利用呢一點嚟將佢趕出銀龍!!」韓傲清道:「揭穿左呢場交易之後,銀龍絕對唔會放過佢.」
「你地應該好熟悉呢度嘅環境呱.」秦世樂把手下的軀體拖到漆黑的房間裏.
「當然,呢間餐館係銀龍開嘅,我地係呢度嘅常客.」馮佩妮把玩著小刀説.
「呢度冇電梯搭,每一層都要兜一個圈先有樓梯走上去.」韓傲清道:「呢種設計,明顯就係for防禦用嘅.」
「設計嗰條友應該係打得機多...」秦世樂說.





「喂!你地係乜人!!!??」他們被發現了.
「你認得我嘅.」韓傲清走向保鑣:「我都有興趣想識下Mr.Chef㗎.」
「係咩?咁後面呢兩位.....」
「帶D細嘅去見識下啫~」
「係呀?」
「嗯~」
「我唔信喎~」保鑣盯住秦世樂說:「奇南道清哥,估唔到你會同埋黃鼠狼嘅人企埋一齊,知唔知呢條友壞左大佬幾多事?」
「有幾壞?......炸左教堂搞到人地冇得結婚算唔算?」
「嘿嘿...」韓傲清踏前一步:「既然如此,我地仲企喺度做乜?」
     保鑣迅速掏出手槍,韓傲清抓住那只手轉身右肘把他擊在牆上,保鑣手上的槍被打走後,韓傲清左拳送上他的頭顱.
「嚟人啊呀!!!!」保鑣召喚更多同伴過來.

「有六個,每人三個OK?」秦世樂跟馮佩妮說.
    馮佩妮沒有理會他,直接衝出去.
「唉...又係咁...」秦世樂再次體會被無視的感覺.




      馮佩妮朝最近那個的大腿擲出小刀,上前倒後踢倒.她再朝地上擲出,兩把小刀各自反彈到兩邊牆上再直插兩個保鑣的心臟.
 然而餘下的也給她解決了.
「真係輕鬆~」馮妮說.
「你肯定?」秦世樂見到門外有幾個保鑣殺上來.
「你兩個上去先.」馮佩妮説:「我清理埋D手尾就嚟搵你地.」
「你要小心D.」韓傲清給她來一吻:「咁我地上去先.」

    馮佩妮獨自留下,迎接殺戮的時刻.
忽然一個身影從玻璃窗突入,是霓虹女————————她握起SIG P229手槍,把保鑣逐一幹掉.

「嗯....你就係霓虹女?...」馮佩妮道.
    霓虹女轉過身來望著她.
「曾經有人認錯我係你,乜我地真係咁似咩?」馮佩妮握起小刀.
「想同我打?哈哈...」霓虹女不羈的道:「我驚你會輸~」
     她們朝對方衝去,霓虹女外擺腿連續攻擊,馮佩妮一躍架住霓虹女的頭部,弄得她重心不穩.




馮佩妮抽起小刀,朝霓虹女刺向.霓虹女仔細聽到金屬滑動的聲音,便把身子往牆撞,馮佩妮被撞了下來.
  馮佩妮後空翻以免跌傷,把兩把小刀拋上再交叉接下.
     霓虹女擺出虎鶴雙形拳,以應對馮佩妮的刀技.她先一招帶馬歸槽,馮佩妮右握小刀前劃,霓虹女頭側避過往後跑,馮佩妮追上.霓虹女一個出奇不意的踏牆跳使出後旋踢,馮佩妮躲不及被踢中.霓虹女乘勝追擊使出拳揍,馮佩妮左飛小刀刺傷她的肩部,再勾拳擊上—————————
「夠喇.......我地咪再打喇....」馮佩妮坐下説:「你嚟嘅目的,都係同我地一樣,阻止呢場交易?」
「廢話....」
「洪拳?」
「嗯...虎鶴雙形拳.」
「話說....你真係唔認得我係邊個?」霓虹女道.
「嗯?」
       霓虹女脫下面罩,馮佩妮怎麼也想不到黃虹竟然是特務.
「小虹??係你??哈哈哈唔係掛???」
「你嘅反應同秦世樂一樣...乜我真係咁唔似特務咩....?」

-----------------------------------------------------------------------------------------
「大佬!!」手下緊張的跟死鬥說:「有不速之客....死左好多兄弟呀...」




「係韓傲清...一定係佢....睇怕佢已經知道左..」死鬥憂慮的説.
「係咪有乜問題?」Mr.Chef問.
「對唔住....出面有人想阻止我地呢場交易.」
「等我去搞掂佢地.」蔡慧帶了幾個手下走出去.
 
     秦世樂和韓傲清小心翼翼的行走,卻聽到一些腳步聲,是來自轉角位的.
「係你?」秦世樂見到原來是霜寒.
「識嘅?」韓傲清指住霜寒說.
「秦世樂....你搞乜嘢..」霜寒敵視著韓傲清:「難道你已經同呢個人同流合污?」
「哼!你咩料丫!!同流合污??」韓傲清也以同樣的眼神盯住他.
「霜寒,你咪先入為主,搞清楚E家係乜狀況先?」秦世樂説.
「互相利用,唔好咩?」韓傲清道.
「............」
     霜寒收回長棍,退後幾步:「好,我暫且相信住你先.」
「當務之急係解決我地面前呢堆障礙.」他們轉身面向殺來的敵人.




「你地估下我地三個應唔應付到咁多人?」秦世樂道.
「係五個.」後面傳來聲音,是霓虹女和馮佩妮—————————
「霓虹女....」韓傲清再次見到她.
「多謝你奉行左我地嘅約定.」霓虹女跟他説.
「哈...」
「約定?咩約...」霜寒一頭冒水.
「黃虹.」秦世樂望向她:「一齊戰鬥,將漁夫呢個組織徹底瓦解!!」
「秦世樂....」馮佩妮感覺到秦世樂的熱誠.
     霓虹女望著他堅定的眼神,像是見到從前的自己一樣.終於,她也遞出拳頭,跟他拳碰.
「黃鼠狼,集結!」霜寒燃起來了.

「啊啊啊啊呀呀呀——————!!!!」霜寒施展一身好棍法,閃前把敵人打到落花流水,發現後方又兩個打算偷襲,便踏步後翻斗一棍絆倒他們再揮棍擊倒.霓虹女不斷左閃右避來自前方的子彈,那拿槍的保鑣一不留神便讓她靠近,霓虹女使勁右拳揍向再左旋踢勾上痛擊.後面又鐵棍襲來,幸好馮佩妮及時救駕,她小刀插入那人的後腦,前空翻踏上取回小刀後再飛刀幹掉一個.
     秦世樂給韓傲清一支FMG-9衝鋒槍,對付由樓下而來的敵人.
「講真,我好少用槍,槍法唔係太純熟.」韓傲清邊上彈邊説.
「其實好簡單四個字,見人就殺.」秦世樂搬動圓桌向敵方滾去.
   韓傲清扣動板機,朝敵方掃射.

     在下一個轉角口,他們遇上了蔡慧,幾個手下圍繞著站在中間的她.
「又見面喇,霓虹女~」蔡慧輕浮的説.
     霓虹女對著霜寒和馮佩妮道:「你地咪郁,呢個係我同佢之間嘅決鬥.」
「死鬥好快就自身難保,你都要留守喺佢身邊,係為左林旖旎?」
「霓虹女!!!今日唔係你死就係我亡~」蔡慧緩緩的舉起食指指著她:「同我殺左佢!!!!」
      手下隨即朝霓虹女殺去,霓虹女箭步踏前逐個幹掉———————

「去死啦!!!!!!」蔡慧匯聚病毒波連環打向霓虹女,霓虹女閃到一個一個的圓桌後躲避,找到時機即刻躍起給她來記下勾拳.蔡慧再打向,霓虹女轉身避過拿木椅重擊,蔡慧打穿木椅再把霓虹女踢下地.霓虹女後滾翻到圓桌前閃避病毒波,她把圓桌翻起,蔡慧手刀刺穿桌子再用腳踢走.霓虹女立馬拉扯蔡慧的前臂使出水浪拋鎚,蔡慧卻朝她的腋下來招左膝擊,再抓起把她擲至圓桌那方.
   蔡慧踩住她,右掌預備病毒波:「你今次死梗~」
 霓虹女右肘擊蔡慧的腳踝,直拳揮擊,蔡慧使出抱牌掌格走,再次打出病毒波.霓虹女左手托地扭身踢她的頭顱.
「so sad~你嘅異能對我完全冇效.」霓虹女説.
「去死!!!」蔡慧撿起地上的鐵棍朝霓虹女襲向,霓虹女合十雙手夾住,一下往前推擊向蔡慧的雙肋,霓虹女再倒拿鐵棍左彎腰,勁力朝她的腮爆向————————蔡慧手刀劈走霓虹女手上的鐵棍,抓住她的面罩重拳毆打,霓虹女的面罩抵受不住衝擊便破碎了.蔡慧拳揍霓虹女的腹部,叫她痛不慾生.

「哈哈哈哈!!!!霓虹女.....臨死之前有乜遺言要講呀??」蔡慧緊緊掐著她的頸部,並拔走她的面罩.
「冇遺言??」蔡慧右掌慢慢匯聚比剛才更強的病毒波:「係咁.....受死啦!!!!」
     
       在蔡慧揍去的一刻,她突然不自覺地停下了動作——————————————

「點....點解...」她腦裡湧現了一把聲音,還不斷在腦海徘徊.

          * 今晚....Girl's Night !!! *
     * 今晚....Girl's Night !!! *
       * 今晚....Girl's Night night night............ *
   * 我今晚應該著邊條裙好丫?紅色丫?定係白色好? *

「啊呀.....啊啊呀呀呀!!!!!!!!!」蔡慧頭部劇痛得很.

    * 白色好睇D?咁就白色啦! *

「啊啊呀!!!!」蔡慧趴在地上,尖叫不已.
     霓虹女見她這般樣子,便趁機逃去了.

-----------------------------------------------------------------------------------------------------
     死鬥打開箱子,向Mr.Chef展示一排排的毒蛇彩虹.
「我一直幫漁夫做咁多嘢,但係換返嚟嘅,遠遠比唔上我所付出嘅.....但係同Mr.Chef你合作就唔同喇,我可以得到...我應得嘅回報!!甚至更多!!」死鬥道.
「好!!!我鐘意死鬥你份人有遠見!!」Mr.Chef讚揚他,並拿出裝滿美金的箱子:「月尾我就會搵人接你到美國陪我搵大錢!!!」
「實在太好喇!!」死鬥喜悅的說.

      一塊圓形金屬忽然被貼上裝有毒蛇彩虹的箱子上,不過三秒,所有的毒蛇彩虹也產生變異,並逐支裂開.
「咩料呀!??」死鬥驚訝的說.
「死鬥,你好~」秦世樂道.
「呢舊嘢可以破壞毒蛇彩虹嘅化學原素.」霜寒說.
「死鬥,你嘅美國夢要報廢lu~」韓傲清道.
「韓傲清!!!!!」死鬥怒火中燒的衝去重拳朝他的頭顱爆去,韓傲清旋風腿斬向,死鬥邊閃避邊看出他的破綻,並朝他左肋毆,韓傲清一手格住死鬥的左拳,另一手格住他準備發動的右拳再連環膝擊,招架不來的死鬥只能硬接他的猛攻.
     
「究竟仲有幾多人要打.....」馮佩妮望見又一群的敵人從樓梯追上來.
「我都想知.....」秦世樂提起手槍,先擊斃距離遠的敵人,再由馮佩妮解決距離近的敵人.  
     那五個持着MI928A1的侍從走上來包圍著霜寒.他緊握長棍向後投擲,把後面那個凍傷再前空翻一下踢走前面那位的槍.侍從們開始朝他掃射,他左握衝鋒槍右躍避開再射死餘下三個.

「由加入銀龍開始我都有留意你所有嘅動作,你嘅武打模式我可以話係瞭如指掌!!!」說罷,韓傲清左右膝擊爆他的下顎:「我奇南道清哥最憎就係俾人利用!!!」
「你.....要殺左我?」
「你唔死得住!!!我仲要睇住你活生生俾戴鯨亨審判!!」
       Mr.Chef撲了過來推走韓傲清:「死鬥!!走呀!!碼頭有架我嘅船可以俾你走!!!」
  死鬥趕快從窗外逃走,想追去的秦世樂和馮佩妮卻被他的手下擋住.掙扎過後,韓傲清使勁扭斷Mr.Chef的頸.

      死鬥逃到碼頭去.
「想走?」秦世樂為手槍裝上爆炸子彈,朝Mr.Chef的快艇瞄準,把快艇炸沉————————死鬥見到此景,拼命的朝樹林跑去,卻被馮佩妮飛刀刺中右臂.
​「啊呀...........」死鬥抱著右臂跪下來.
韓傲清抓住他的頭:「你完喇.」

---------------------------------------------------------------------------------------------------
       地牢下.
  死鬥被捆綁在椅子,動彈不得.
    ​「踏——踏———​」戴鯨亨從樓梯步下來.

​「大....大佬....」死鬥不敢與戴鯨亨有眼神接觸.戴鯨亨拿了張椅子對住他坐.
​「你背叛我,我一早知道.只不過我冇諗過....你會想離開香港.」
​「大佬...我已經有死嘅準備....」
​「死?我幾時話會殺你?」戴鯨亨摸摸死鬥的頭:​「漁夫好需要你呢種狗奴,狗糧唔夠食嘅話.....咪再俾多D囉~」
​「意思係唔殺我?」死鬥感到有一絲希望.
​「你避開一排先,等我鏟除左韓傲清之後你再返嚟.始終要面對班鄉親父老,我唔可以話點就點.」
​「多謝大佬!!多謝大佬!!!」
​「韓傲清.....黃鼠狼......」戴鯨亨越想越憤怒:​「一定要快D諗辦法解決佢地.......可能..要用到嗰四個....」
「嗰四個....唔係未通過實驗㗎咩?」
「唯有加快進程...死鬥,你知道點做啦,首先.....去通知李昌華.」
「係,大佬.」死鬥獰笑著說:「韓傲清.....我要你死得淒慘!!!!」