------------------黃鼠狼特務Agent of Weasel-----------------------------

                  -----------------------章二十八:線條的光暗模糊------------------------


「雖然你大致上已經好返,但係行動都要小心,以免舊患復發.」馮鍵跟秦世樂說.
「瞓左喺度咁耐幫唔到你地手,我真係.....」
「唔洗怕喎!有我地喺度你唔會再受傷嘅!」顏影寒道.
「仲有我同傲清護住你呢~」馮佩妮也説.
    秦世樂瞧瞧呆在一角的黃虹:「佢做乜事?」




「阿光唔想再過打打殺殺嘅日子,離開左呢度.」顏影寒想起也不太好受:「虹佢一時之間接受唔到.」
   韓傲清推推秦世樂:「去安慰下人啦.」
「點解要我去?」秦世樂道.
「你同黃虹有類似經歷,唔係咩?」韓傲清道.
「類似...經歷.....」秦世樂想起范葛威和宅聰.
「之前你迷失嘅時候,係佢叫我打醒你㗎.點講佢都對你有恩.」韓傲清又說.
      看著眼神空洞的黃虹,秦世樂深切感受到這和失去范葛威的難受是一模一樣的.
「秦世樂,有D事想同你單獨傾下.」羅妙晴一進來便說.
秦世樂感覺到她似乎知道了甚麼.





     安全屋外的樹林中.
「Katy姐,有咩事....」
羅妙晴拿出追蹤器,在秦世樂面前捏碎:「可唔可以解釋下?」
「冇錯,係我裝追蹤器喺你地身上.」秦世樂道:「李昌華攞我阿媽做人質,要我為佢做事.」
「發生咁嘅事做乜唔同我地講??我地可以一齊商討對策㗎嘛!」
「講左又點?佢隨時都可以殺阿媽㗎!」
「你同小虹一樣,乜嘢事都收收埋埋唔同人講.我地一Team人嚟㗎,無謂製造誤會啦.」羅妙晴輕拍秦世樂的肩膀:「一個團隊最講究嘅就係信任.冇左信任,團隊就會支離破碎.我中途加入你地,因為黃鼠狼需要一位領導者.顏影寒嘅自負令佢做唔到好嘅領導者,小虹就成日都咁被動,唔多出聲,韓傲清同馮佩妮佢兩個依家比銀龍追殺緊,自身難保.......而你,秦世樂,你好容易就會俾負面情緒影響你嘅行為,令到你做D自己都唔想做嘅事. 」
「你想講咩.」
「我想講,我地每個人都有各自嘅缺口,而「信任」就係縫補缺口嘅布料.喺未發生誤會之前....去同大家交代呢件事先啦~」





    在羅妙晴的勸告下,秦世樂回到安全屋,把事情和盤托出.
「對唔住....我之前瞞住你地.....」
    場面一片寂靜,大家一時之間不知道該給甚麼反應好.
​「我老豆.....以前曾經係社團龍頭.」顏影寒率先開口:​「販毒....走私...殺人...乜都做過.之後佢金盆洗手......但係仇家好快就搵上嚟將佢地殺死.....呢個秘密我一直收埋喺心度好耐,我同人地講我老豆做警察,其實係假㗎......」
    黃虹抬頭望向顏影寒,相處了這麼久她也不知道這些事.
​「我以老豆為恥,下定決心要做一個光明磊落嘅人,堅持唔殺害無辜,就係唔想第日會後悔.」顏影寒又説:​「係人都會有過錯,最緊要係及時回頭,唔好好似我老豆咁後悔嘅時候已經太遲.」
​「我奇南道清哥都幾乎做左件錯誤嘅事....」韓傲清摟著馮佩妮的腰:​「差少少就失去我最珍惜嘅人.」

    秦世樂走到武器庫,拿下爆炸子彈:​「我地已經知道左佢嘅弱點,加上爆炸子彈嘅威力一定可以打底佢.咦.....冇嗱?」
​「我地淨返嘅彈藥已經所剩無幾.....你地要好謹慎咁用.」馮鍵說.
​「唔需要彈藥.」羅妙晴道:​「我地已經係最強大嘅武器————————」

--------------------------------------------------------------------------------------------------------------------------------------
     麥烈寧和灼,翡綠,綻螢站在高處上,鳥瞰秦世樂等人闖進牙虎巢穴.
​「鴻哥,呢度就由你處理,小心喇~」麥烈寧帶領灼他們轉身離開.




   
   一群手下衝出迎戰,卻被羅妙晴和韓傲清以強勁的爆發力一一壓制.
「劉三鴻,得你一個喺度?綻螢佢地喺邊!!??」顏影寒說.
「要對付你地,一個人就足夠~」劉三鴻揮手,手下隨即把秦世樂的母親拉出來.
「媽!!!」秦世樂大叫著:「點解我阿媽會喺你手上!!!!」
   劉三鴻笑臉面向他:「我收到風,教主已經將李昌華呢個叛徒隊冧左,從佢身上,教主知道你好多好事~殺人犯秦俊郎同學~嗚嗚吔哈哈哈!!!!」
「劉.....三....鴻!!!!!!!」
「秦俊郎同學~」劉三鴻把毒蛇彩虹扔給秦世樂,再持沙漠之鷹指向秦世樂母親的腳踝:「同我打左呢支毒蛇彩虹,然後殺死其他人.如果唔係小心你老母性命不保~」

「咩....咩話...」秦世樂緩緩的瞧向他們.
「仔!!唔可以聽佢講㗎!!!」秦世樂母親叫着.
「劉三鴻!!!!我要殺左你!!!!」馮佩妮和顏影寒打算衝向,被羅妙晴阻止了.

       「砰——————」劉三鴻開槍打秦世樂母親的腳踝:「下一次就係打心口~」
「我殺!!我殺!!!」秦世樂提起針筒,手臂卻不由自主的震抖——————看著血流如注的母親,再望望身邊的同伴.




「八,七,六,五......」劉三鴻把槍推向秦世樂母親的心臟位.
    秦世樂牢握針筒,猶豫不決.
「四,三,二.......」
    下個瞬間,秦世樂把針筒狠狠擲向劉三鴻,劉三鴻現出力場擋住.顏影寒和黃虹同時朝力場開槍轟出爆炸子彈,可是力場仍然沒有被破壞———————
「咁唔聽話嘅,係都要自不量力,真係幼稚~」劉三鴻說:「秦俊郎同學,你敬酒唔飲飲罰酒係唔係?好~」他開槍把秦世樂的母親幹掉————————————

「媽!!!!!!!!!」秦世樂撲到中彈的母親前.
「我個仔果...然.....成為左個出...色嘅特務.....」母親竭盡最後的力氣道.
「媽.....」秦世樂抱著失去意識的母親:「叫救護車啊呀呀呀!!!!!!!啊啊呀呀!!!!!」

      黃虹睹著秦世樂抱著死去的母親,就像是當日她抱著死去的炫光女一樣.

   那種哀傷.....
          
        那種憤怒.....





     那種無力感............再次從記憶中甦醒起來.

      劉三鴻獰笑道:「哈哈~call...call白車又點樣??心臟中槍就必...必死無疑!!!!!嗚哈哈哈哈~」
「周乙丙!!!」秦世樂腦中滿是怨恨,衝了出去.
「你去邊呀秦世樂!!!!」顏影寒叫著.
    劉三鴻抹抹身上的血跡,悠然的轉身離開.
「停喺度,想走...?」黃虹叫住他.
      劉三鴻回頭不屑的笑著:「好想殺我呀~?嚟丫嚟丫~」
「虹,唔好呀!我地唔夠佢打㗎!!」馮佩妮抓住她的手臂.

「要打嘅話就我地五個一齊上!!」韓傲清指住劉三鴻道.
「你地四個唔好郁....」黃虹踏前一步,牢牢盯住劉三鴻.
      劉三鴻露出輕視的樣子:「你想一對一同我打??你嘅自知之明喺邊度??」
「錯.」黃虹意志堅定地握起炫光女留下的三截棍:「係二對一.」





    她把憤怒全部投放在拳頭上,直拳揍去,把劉三鴻的力場擊碎————————
「呀!!?」劉三鴻吃了一驚,他焦急的攻擊黃虹,黃虹揮棍擊向,水浪拋鎚斷他的左手,再雙拳擊打他的胸膛.
「你太過依賴你嘅異能,冇好好練武,失去力場嘅你根本係不堪一擊.」羅妙晴道.
    劉三鴻欲反擊,卻被黃虹外擺腿踢擊他的腦袋,他開始眩暈,畫面只有天旋地轉.
       黃虹用三截棍勒住他的頸,把他活生生勒死.

「究竟灼佢地喺邊度....」羅妙晴說:「我地根本冇辦法搵到佢地.除非,知道漁夫下一步想做乜.」
​「仲有秦世樂......我擔心佢會受唔住去做蠢事...好似之前咁...」顏影寒道.

---------------------------------------------------------------------------------------------------------------
    監獄裡.
     「咚————」
      熟睡的周乙丙被吵醒了,他探頭看看發生甚麼事.
「嘩!!!」他被面前滿身鮮血的秦世樂嚇壞了:「秦...秦世樂!!?」
「係你將我阿媽嘅位置透露俾李昌華知,係唔係.一個鐘頭前,我阿媽死左.」
「原....原諒我!好唔好!原諒我丫!你要咩我都可以俾你㗎!!」周乙丙跪地求饒.
     秦世樂廢了他的手腳關節,再把他從監牢拖出走廊,朝外面走去.周乙丙才發現整條走廊也佈滿獄警的屍體,連其他囚犯也被殺害了.
   走到外面,幾個負傷的獄警竭力想朝秦世樂開槍,秦世樂熟練地清除眼前的障礙.
     秦世樂把周乙丙扔到陽光暴曬的操場上.
「你將呢度所有人都殺死哂!??太...太可怕喇....」周乙丙張望一堆的屍體.
「呢對,係你做壞事,洗黑錢嘅污糟手.」秦世樂掏出手槍朝周乙丙的手掌各開一槍.
     看著他慘叫一會兒後,秦世樂才朝他的左右腿各開一槍:「呢對,係你踐踏平民嘅狗腳.」
   再等他慘叫一輪,便把槍支塞進他口內:「呢把,係你是非不分,滿口謊言嘅臭口.食子彈啦.」
「唔好呀!!唔好呀!!!」即使嚎叫,也無濟於事—————————
      
       秦世樂扣動板機,給予他致命一擊.

-----------------------------------------------------------------------------------------------------------
    大雨下的路上,秦世樂按捺不住悲傷,跪下痛哭.
  先是楊澤聰,然後就是范探員,現在....連唯一的親人也失去了.淚水滴在地上,跟從天而降的雨水混在一起.

     雨水淚水...已經不能辨別.直至一個人撐著傘站在秦世樂前,淚水才能跟雨水暫別.秦世樂抬頭一望,是黃虹.她蹲下來,溫柔地捉住秦世樂的手,輕吻他的嘴唇.....
   同病相憐的他們倆,流著淚在雨中接吻.此刻....世界彷彿停頓一樣,雨水停下,聲音消失,只剩下兩個可憐的血肉之軀.

「唔得...」秦世樂突然把頭移開:「特務...唔應該有感情包袱...」他爬起來,扔下黃虹自己走了,黃虹任他離去,沒有挽留.