大約四點九,我已經到左~

「搞錯呀,又要搭電梯又轉lift!」

抱怨中~~~

等緊果陣仲俾個男人全身掃視~

頂,係俾佢視姦!!



一入到,我即刻企埋一面。但係佢仲係望住我, 除左怒啤真係唔知可以點。

Omg, 仲要㩒埋同我同一層!?好彩佢行出去先啫,唔係都唔知點算。

左轉右轉終於搵到間嘢~

麻鬼煩~

『估唔到你都幾準時喎。』座喺大堂既女仔對我講



「我唔想浪費任何時候,總之越快越好。呢度啲資料就係我想搵嘅人,錢唔係問題搵到佢就得。」

一心急講嘢就大聲左~

『唔洗心急,帶你去見boss先,佢會同你講晒所有嘢架啦。』個女仔對我笑一笑

「你唔係……」

個女仔打斷左我~



『其實我都係嚟幫下接電話,偵探係我師兄啊Sam。頭先你打嚟,我仲返緊工。』

我心諗"吓…… 呢間嘢連人都請唔起,完全唔覺會幫到手。唔理啦,都係搵啲專業嘅算。"

「都係算啦……」

我轉身想走果陣,有把男聲喺裏面叫我個名。

『Mika?』

係頭先條變態佬~

佢就係Boss? 唔係掛,都係走人。

不過,睇清楚佢同啊敏好眼熟。



到底喺邊度見過佢?仲要佢知我個名。

「點解你知我個名架?頭先仲……」

佢掃視我全身再講『我地成日都見架,係妳冇留意我啫。同埋頭先我睇清楚係咪妳啫 。』

係啦,佢係果日啊婷拖住果個人!?

聽講又係條厹,係女都approach~

都唔明啊婷點解為左佢唔要小燁,因為咁我先同到小燁一齊。

"Mika, 係佢啦!!"



又係小燁同我講嘢?

眨左下眼啫~

周圍突然之間好凍,好似俾冷氣直接吹住,陰陰涼涼。周圍都充滿住灰暗嘅霧氣,成個環境靜到連自己呼吸聲都聽到。

手汗? 隻手好濕,仲有陣腥味傳出嚟。

低頭望見到本簿印左我指甲痕個位流出淡淡嘅紅色~

呢啲係血?嚇到我即刻放手~

"啪" 本簿應聲落地。

就係呢下,啊Sam背後插左隻手出嚟,係一隻充滿傷疤嘅手。



仲有把唔男唔女嘅聲~

"我等左好耐"

『呀呀呀呀!……!!!』尖叫聲