【情人節系列】《我男友撞左嘢？》: 十一

做咩周圍都咁大霧氣架？ 仲要個牆身起晒水洙囉。

搞到周圍都濕淋淋咁～

一定又係壞冷氣啦，間管理公司價就識加，嘢就冇樣做好。

今次唔投訴我就跟你姓～

難得啊敏話今日有生意我先返下嚟，鬼咩而家香港地仲有邊個搵私家偵探？





開左成年都係幾單無聊案，仲要係搵人通姦證據。

最衰都係口多同老頭講想自己搞生意～

又辛苦又麻煩，得閒喺學校溝下女唔好？

反正玩完咪算囉，最緊要冇手尾跟。

成個幾月都冇返過去,今日就早少少返去執下嘢～





咦～

今日運氣都唔錯喎，個女仔背面好正～

仲喺樓下等緊lift～

真係忍唔住要昅多佢幾眼～

啡色嘅長髮，仲要髮尾電左少少。一套黑色連身裙，對比住一對雪白到發光嘅長腳。





仲要有一陣由佢發出嚟嘅香味～

呢種係蘋果木？ 我最鍾意就係呢味。

淨係睇佢背脊已經Girlfriendable，唔會背多fan 掛？

不過硬係覺得望住佢有啲心寒咁～

本身lift咁細唔應該昅佢，不過邊有男人忍到？

佢真係好香，正面…… 嘩！女神呀～

咪住，咁熟面口嘅！？

好似有佢IG喎～





Oh shit，俾佢發現左仲怒啤我～

我都係忍唔住要偷望下佢，出都係走先。

廢事俾佢車兩把～