【情人節系列】《我男友撞左嘢？》: 三十二

原來小燁做咁多嘢都係為左我～

點解佢唔為自己諗下？

為我就犧牲自己？

知唔知咁樣好自私？

令到關心你既人好難過～





『佢係覺得對你唔住啫，同你開始本身就係一個錯誤。』

係啊婷！！

「乜你唔係……死左架咩？」

『係啊Sam 用自己換我返嚟。而我冇左啊Sam都唔想再生存落去。呢個機會就留返俾你，當係我對你既補償。』

補償？咩補償？





『係我離開左啊燁，佢先會同你開始。乜你認為你同佢既感情會多得過我地？』

我怒火中燒話「我唔知……但我同小燁既感情絕對唔會係假，更唔會比你呢個賤人少。」

啊婷低頭不語～

漸漸喺我面前消失～

為左自己開心就粒聲都唔出就搵左第二個！仲好意思話自己感情唔比我地少？





「喂！ 我已經決定好左要點！！」我對住影大叫。

我要證明俾呢個女人睇我同小燁既感情比佢地之前更好更穩定！

把男聲"咁妳想點做？"

將時間調回小燁未同個女人開始之前，就算佢同小燁一齊左。但最後點都會再同返我一齊！！

男聲笑住講"好！所有事都會由另一個時空再發展，你地係唔會有任何記憶。當然唔會記得你既存在。可以嘛？"

可以！我有信心，小燁會再同返我一齊。

眼前充滿紅色強光！！

當我打開眼果陣～





呢度係？？ 我屋企！！感覺咁怪既？我個頭好痛！！

係啦，我叫啊盈！

「喂！你跟我落去拎嘢飲！！」我對住呢個第一次見既男仔叫道……

[全文完]