茄哩啡小甜走世界: Take one- 無名

當認清紙醉金迷的背後真像
你會喜歡大明星還是我這個茄哩啡？
 
 
　　　　　　　　　　　　　<<有血有慾茄哩啡>>
 
 
「嚯」的一聲，原本拍攝後，大班臨時演員在酒吧內喝著酒，傻豹卻噴出大口鮮血。
看得我與九哥呆若木雞，但其他枱的臨時演員仍然照舊喝酒。 





傻豹：嘻......唔…唔好意...我.....我去一去劏先。 
九哥：......(牽強地笑) 呵，痴撚線，去廁所駛鳩咁誇張咩。 

看在眼內。傻豹也好，九哥也好，這不是誇不誇張的問題，而是他們都在掩飾；掩飾我們茄哩啡的可笑；我們，是臨時演員，是演員......但價值比起一張佈景沙發還要低。
剛剛傻豹受了「動作明星」七腳，每腳都是真打硬食沒有借位。 

酒吧的大門打開，只見男副導急急地走了進來
 
男副導：「聽朝call 0600，阿九上威也。其他人...」 
九哥：我唔吊。 




男副導：咁阿田？ 

我準備點頭 
九哥：佢都唔吊，你過隔離枱問班內地武師啦。 
我：（輕聲地向九哥）九哥呀 
九哥：挑，信我，多五草嘢，唔撚值呀！ 

翌日，事實證明九哥說的話是對的。
而上年，當看著電線播出百佳籃主角，有一位主角在訪問中說過：「我踢咗幾腳，導演都唔收貨。最後導演話，你唔好就住，真踢啦。結果Good Take，不過個臨時演員就暈咗。」 





我當時就是在參與這齣電影......這只是開頭
 
[TAKE 1] 

裝潢浮誇的酒家，若不是參與電影製作，我就連它位於哪兒也絕不曉得。今天的通告是0600，可是單單調較鏡頭與燈光，都足足花了兩個半小時。而我與九哥及傻豹就吃著第二碗牛肉飯。 

我：傻豹，你尋晚冇事吖嘛？ 
九哥：挑，提晒水叫你企後排，你盅個頭出嚟就on9 啦。 
傻豹：咁可能搏到有一兩句對白...... 
九哥：你估你特約咩，我哋淆老臨架咋。阿田！你望乜鳩？ 
我：吓......我想睇吓威也係點綁咋嘛。 
九哥：你唔好試呀你。 

試，男人總喜歡試，可能永遠認為自己年青；當日羨慕有些中學同學可以拍MV，自己就已經很想試。試，試一個出人頭地的機會。
曾經想對著鏡頭，讓家人為我感到驕傲；去到現在，反而不想有任何相熟的人認得我曾出鏡；但又很想導演會安排我更多的出鏡......心就是如此的矛盾。 





望著那個內地武師聽從師傅講解吊威也，內地武師發自內心的歡笑。我，也很想試。 

九哥：仆街，今次死撚緊。 
傻豹：冇喇個武師。 

他倆望向的位置與我相同，但反應卻南轅北轍。很快，男副導就叫我們埋位。 
這一場，是我們一眾「壞人」準備千軍萬馬衝向主角，而內地武師就代替主角在圓形大枱上空轉兩個空翻。 

我與傻豹聽從九哥吩咐盡量企後一點。慢慢甚至後到可以望到負責拉威也的幾位人員。 

九哥：死撚緊，死撚緊。 
傻豹：或者冇事掛。 
九哥：如果今日「明星」再踢多你一腳，你有冇事吖拿？
傻豹：唔係點啫？唔通你嗌Cut 咩？ 





男副導：Cam？Sound？第二十場D　take one－Action！ 

只見拉威也的工作人員們頭也不回地就死命往後衝，而內地武師就被拉得很高。 

九哥：(對我說)　睇實喇細路。 

就在內地武師開始轉第一圈的時候，整條人影向橫移了少許，繼而轉速加到很快，已經超過兩圈！ 

導演：個畫面太吉喇，放低啲！ 

原本擺著功夫站姿的我，就被眼前一幕完全嚇呆。那個武師被抽一下，轉多兩圈，頭就開始撼到圓枱。
一吓兩吓三吓，我的眼角望到導演只顧看著他那監控電視，而武師已經開始濺血。 

「Cut！」 





那張圓枱經已爆開，那武師的額頭亦然。 

傻豹：你...冇事嘛？ 
武師：尾...哈哈......尾屍 
九哥：個頭都穿鬼埋都「尾屍」，有老豆老母生架，駛鳩咁咩。 

那武師當初的笑臉就被血跡染上一層無奈。
而我亦倒抽一口涼氣，若沒有九哥阻止，現在的「屍」就是我。那一天的拍攝又去到晚上，結束後，所有工作人員已經忘記了這件事情。只有九哥還是憤憤不平。 

九哥：你省錢請咁多內地人，呃鳩啲人唔識勞保，乜都唔識，有乜就狗衝去做。爆頭都唔敢嗲。今朝先至離撚晒譜。吊威也點可以得一點支撐？一班人向後拉，你出多少少錢搵多一邊平衡，最後咪唔會失平衡囉。谷狗氣。阿田！你後生呀，如果第時你上位又好乜都好，一定唔可以待薄人！ 

傻豹：嘻嘻，阿九，得啦。我信田仔。 
我：(勉強苦笑) 係囉。咁，今晚我哋沖完涼仲去唔去酒吧？ 





傻豹：唔去，唔去。我尋日...我尋日去廁所嗰陣，喺垃圾桶執到張Coupon 
我：食宵夜？好呀。 
九哥：燒春袋咩，咪教壞阿田呀。 
傻豹：驚乜，今日兩組戲喎。又有補貼，最多咪揀個機師比阿田，騎師就留返比我自己喇。 

聽得一頭霧水的我，就這樣跟了他們去一間浴場……一間肉場...... 


在哪裡，我認識了對我往後非常重要的一位未來「演員」…一位少女。