「但係我地無可能一齊...」我終於要說出真相了
 
 
這兩天,伊語變得非常積極...伊語真的對我十萬分好,每一件事她都做到無微不至。有她在一起,一切都變得順利。而且有她的支持,我的人生就好像被燃亮了!那晚我被酒醉了的她誘惑著...現在她又突然向我表白...我怎麽可能不動搖?我已經嘗試一避再避...但是最終她也說出來了...我真的真的很想接受她,很想去愛這個我根本高攀不起的精靈...但是...不可以啊!這只會為我們雙方留下不能磨滅的傷痕!
 
 
「...主人係咩意思...?」伊語呆眼看著我
 
「我地...唔可以喺埋一齊架...」我眉頭深鎖說
 


「點...點解呀...?係咪我唔夠好??」伊語哭得更厲害了
 
「妳好好,妳真係好好...但係我唔可以鍾意妳...」我看著她,真的心痛了
 
「點解呀?」伊語抓著我的衣袖問
 
「...當初妳出現嘅時候,其實係因為一張神奇嘅月卡...我唔知點解會咁,亦唔知有咩因由...但係因為依張卡,妳先會嚟到依個世界......後嚟我發現,張卡上面原來係有個期限...如果我無估錯...妳只可以喺依個世界一個月...而宜家已經過左一大半...所以,我地最終都係要分開...我地如果一齊,到最後嗰日只會更傷心...所以我...唔可以鍾意妳...」我也哭了
 
 
伊語聞言,頓然愣怔得站不穩跪在地上...她無可奈何的表情就像她剛來到時一樣...她被迫來到這個世界,現在也沒有選擇的權利要離開...她的一生就是被別人控制著......看著她這個樣子...我真的很心痛...伊語啊...


 
 
「伊語...」我蹲下來撫摸著她的頭髮
 
「唔係架!就算只係得返少少日子,我地都可以一齊架!我地再諗方法啦!再搵多幾張月卡啦!」伊語哭著說
 
「無可能架...已經唔會再有月卡...」我也很想有
 
「點會咁架...點解我要經歷依啲嘢...主人呀...你要幫我呀...我真係好想留喺主人身邊...」伊語哭得很厲害
 


「我都無方法...」我無奈說
 
「主人呀...就算我最終要消失,我地都可以一齊呀!可能...可能會有奇蹟呢?」伊語抱著我說
 
 
我真的很想跟伊語在一起...我很想抱著她對她說我很喜歡她,很想盡情去愛她!但是...為了我也為了她,不一起會更好...時限到了,大家回到原本的生活,這才是對的!我們已經受到了傷害...我不可以讓這個傷口變得更深!!
 
我輕輕推開伊語...伊語有點意外的表情讓我心痛得發抖...
 
 
「主...人...」伊語連說話也發抖
 
 
我已經沒有方法了,再這樣下去我絕對會把持不住...我不可以再面對她了...一眼也不可以再看她...我會心軟的!
 


我轉身便向門口走過去,伊語立即追上來!
 
 
「主人你去邊呀???」伊語哭得聲也沙了
 
「...我...依段時間唔會返嚟架啦...」我一定要離開
 
「唔返嚟...?主人係咩意思呀...」伊語不能相信她聽到的說話
 
「...再同妳一齊...我會控制唔到自己愛上妳...妳就當放過我放過自己...」我強忍著傷痛說
 
「主人...唔好呀...唔好走呀...」伊語捉住我的手說
 
 
我沒有理會她的說話,我不可以心軟的...不可以!


 
 
「主人呀...我求下你啦...我唔會再要求主人同我一齊架啦...唔好走啦...」伊語的哭聲直刺刺地衝擊著我
 
 
但我要堅持下去!
 
 
「主人...唔好唔要我呀!!對唔住呀...我唔啱我可以改...唔好唔要我呀...無左主人我咩都無架啦...主人...」伊語哭得死去活來
 
 
不可以...不要心軟...她這麼堅強...她會撐過去的!
 
 
「主人...我唔想自己一個人...我求你...主人...唔好唔要我...」


 
 
我徐徐把門關上,這是我頭一次感到這道每天都開關的大門是如此沉重...
 
走到街上,我也失控地哭泣著...我這是在幹甚麼...我不是說過要好好對她嗎?...但無論如何,我相信這樣總比我們熱戀後再失去更好...明知是沒有結果的愛,倒不如在付出前便先阻止...明知是沒有結果的事,一開始就不應該做...
 
 
真的是這樣嗎?
 
 
「...流主??」求撚奇被我突然的拜訪嚇了一跳
 
「...我想喺你度住一排,可唔可以?」我問
 
求撚奇看見我的模樣大感意外:「哇...你發生咩事呀?喊撚到對眼紅晒...」


 
「唔好問...我唔想講...」我又哭出來了
 
 
這一晚我不斷回想著由伊語出現直至現在所發生的所有事...每一個點滴我都暖在心頭,卻又痛在心裡...我哭了一整晚,不斷掛念著伊語...她會不會餓著了?會不會又弄傷手了?...她會不會有意外...我腦海裡不斷浮現著伊語抱著我哭求的樣子...
 
 
......
 
 
「...你返唔返到工呀?我幫你請假啦...」求撚奇少有地溫柔說話
 
 
我並沒有回答...但仍然逞強依時坐求撚奇的車回到公司,大家也被我的容貌嚇了一跳...Apple更立即捉我進她的辦公室...
 
 
Apple緊張問道:「發生左咩事呀?伊語呢?」
 
 
我沒有回答。
 
 
「...肯定係你同伊語啦...有咩話我知,我一定會幫你...」Apple憂心說
 
 
我其實是想把事情說出來,但卻連說話的心情都沒有。
 
 
「流主,對住我,你唔需要隱瞞啲咩喎...」Apple說
 
我想了一想說:「...可唔可以代我睇住伊語一段時間?」
 
「吓?」Apple表情愕然
 
 
我最終把所有事情都告訴Apple,包括月卡甚至韋迪亞的事...所有所有都告訴了Apple...
 
 
「所以...大概十日左右...」我說
 
「...你係咪傻左呀?伊語因為你先嚟到依度,你宜家放低佢唔理?佢需要嘅係你呀,你拍下囉友就咩都唔理交比人?」Apple說
 
 
我沒有說話...妳不是我,妳會明白嗎?
 
 
Apple續說:「...或者你take幾日break啦...返去好好同伊語傾清楚...」
 
 
我依然不說話,我真的沒有其他方法。
 
 
Apple無奈嘆道:「...得啦得啦,我依段時間放工會過去。你放假抖下啦...」
 
「多謝...」我又哭出來了
 
 
然後,求撚奇載我回到他的家便又再去上班了。
 
...我究竟是怎麼了?不是不見面就可以解決嗎?我現在這是一個甚麼狀況...?為甚麼會這麽痛苦...?
 
 
伊語...