[真人真事][新手]我和女神的故事: 19

我笑住咁講『美美啊美美你嬲啊？』 

啊美面紅咁講『我邊有嬲喎。。。』 

我『無野講啦？係咁多？』 

啊美『咪叫我美美啦，死變態，仲有我呢到有啲朱古力你食啦』 

我『減緊肥喎我，你食啦』 



啊美『你唔食姐係唔比面！！』 

我『我肥既話無人要喎。。。』 

啊美『唔緊要啦你肥既話我咪要你囉哈哈』 

我『咁好啦，我食啦，你話架』 

唔知點解同啊美傾計有種以前同依晴傾計既感覺，佢同依晴好似。。。。。 



啊美『我都返去先啦，係呢啊傑佢地呢？』 

我『佢地落緊黎掛，本身打算出去食，睇黎我唔食出去食啦，你又知啊傑佢地既』 

啊美『依晴同我講架嘛，係啦，我班朋友叫我』 

我『Whatapp傾啦，多謝你』呢句多謝好搞笑，就好似黃秋生個廣告咁，山田美美多謝你 

啊美『好啦，再見男朋友嘻嘻』 



我笑住咁話『再見啦，女朋友哈哈』 

啊傑佢地咁岩落黎又聽到，喂啊Ｂ有新女喎，男朋友，女朋友喎，條手繩邊個送比你架哈哈 

我『哦，佢係依晴個朋友，我地玩左個遊戲我輸左，我要叫佢女朋友，佢要叫我男朋友一日』我講左個大話，廢事比佢地知道早上我柒左個單野。。。