一星期後我赴身去機場。

一人搭機場巴果陣又在諗點解晴晴咁想我今次送佢機。

走到晴晴所屬的櫃檯已看到她的家人和她的朋友們。
我以為自己好早,但似乎我係最遲果個.......

晴晴一年都會來回兩至三澳洲,
但為何晴晴既朋友們喊到好似要告別?
而且佢既家人都各自拎住個大喼。


我有種不祥既預感.....

「少朗你到左啦?」晴晴媽媽向我打招呼。

「Auntie你好。」

我心裡仍然很多疑問但又唔敢問。

我又見到佢既朋友送左唔同既禮物比晴晴。
而且份外不捨.....



我更聽到佢有一位朋友「有時間要番黎探我地....」

晴晴唔係十二月既時間會再回港咩?

我仲聽到佢既朋友們竊竊私語
「睇黎佢真係唔知。」
「睇黎Alice真係無同佢講。」

「喂!又發咩呆!」晴晴叫我。



「無,奇怪佢地點解咁大反應,雖然你過去果邊讀書好多年,但你定時都會番黎。」

「佢地不嬲都咁感性....你都幾大派,兩手fingfing黎送機。」

「隔幾個月都見啦。」

「.......唉,黃少朗,你買朱古力哄下我都好嘛。」

「好啦,轉頭買比你......」

「唔洗啦,下次見面先啦。」

「咁下次買靚野你食!」



「一言為定!?」

晴晴伸出尾指。

「仲細咩?」

我用尾指同佢打勾。

我地互望然後大笑。

晴晴你幾時留番長髮?

我地往離境閘口前行,
晴晴一路行係我旁邊。
氣氛越黎越唔對路。



離開出既一刻,所有都破涕而哭。
唯獨我我咩唔知。

所有人都逐一給晴晴一個輕輕的但又意味深長的擁抱,並拍照留念。

「你地可以比少少時間我同小狼嗎?」晴晴對佢父母講。

「嗯,少朗保重啦。」晴晴既父母對我講。

我雖然嚇一嚇,
但我開始諗到,佢既父母唔係陪晴晴過去澳洲咁簡單。

父母都去入閘,朋友們都稍離,比左一點空間我同晴晴。



「晴晴......」

晴晴把我既話打斷緊緊抱住我腰間。

我第一次聽到晴晴既抽笠聲。

雖然唔知確實答案,
但我終於意會到晴晴今次一走好有可能唔會再番黎。

我既悲又怒....
嬲佢點解唔同講,等我可以好好同佢餞行。
佢心中仲有我呢個朋友嗎?

「對唔住....你會唔會嬲我?」



「少少,不過無辦法,唔同去打你小人咩。」

「幾時都話黃小狼係最好!」

「你都走啦唔洗賣口乖,但點解唔講我知?」

「Errrr.....你好想知?」

「緊係想!!!但你好似唔想講......」

「嗯,sorry.......」

「唉,我地由細就一齊玩,我逼你咪令你辛苦。」

「嘻!你就係從來都唔勉強人,即使自己難受。黃小狼,如果係中意,係想就去做,唔好比自己後悔,有啲事過左就係過左,永遠都追唔番,只能睇住佢一步一步遠離你。」

「我會嫁啦,你過到你一定要繼續同我吹水!」

「.......」晴晴靜默了。

「做咩?」

「笑你白痴!咁都問得出。」

「哈......」

「唔好再咁傻氣,會比人恰。」

「知啦....李海晴!!」我捉住晴晴雙手。

「係!?」晴晴受寵若驚。

「多謝你唔嫌棄我呢個毒撚,我地永遠都係好朋友!咩事都會撐你!!!」

晴晴瞪大對眼望住我.....

「你嚇死我,講到好似表白咁。」

「Sorry.....激動左。」

「差唔多時間啦。」

我同晴晴往閘口行。

「你等我一等。」我講。

我走到便利店買完野就走回晴晴身邊。

「應承你既野。」

「多謝你。」

路不長,
終於走到離別既一刻。

「再見啦,李海晴。」

「保重啦,黃少朗。」

我地係閘口拍左一張最後既自拍。

晴晴走了,
飛機起飛了。

係機場巴上合起雙眼,進入過往既世界....

「你叫咩名?」

「黃少朗。你呢?」

「你個名好好聽,我叫李海晴!」一副得戚既樣貌。

好高興認識你,李海晴。