某天我脫毒了,走上了情聖之路: 第六十七章 - 過渡
「喂!黃小狼!!!!」家樂衝住我黎。
「搞乜?我好難得一早抄晒功課可以恰陣。」我半睡半醒。
「有無興趣玩健身?」
「無啦啦做咩玩健身?」
「溝女囉!我有個frd本來係瘦毒,玩左一排就變到勁大隻,仲有埋女tim。」
家樂興致勃勃咁款。
「你問埋肥森。」
「佢唔會得啦,又要拍拖又要練跆拳道。」
「但聽講要上佢個堂,而且仲好難抽到.....」
「放心!有我係到!若然我夠秤,六合彩都中幾次。」
「咁唔見你呀爸中?」
「要經我隻神手先有效。」
「.....下話.....」
我總係對家樂既請求無乜反抗力。
為左真係被抽中,我同佢張form都係由家樂填。
希望家樂既神手真係有效。
番到屋企見餓餓地就去屋企附近間M記,
不過遲下都唔知係咪叫m記.....
正當我係對面馬路既時候竟然比我見到小櫻同一個男仔係m記行出黎。
我淨係見到男仔既背影,
身高同身形都同我相約,
著住一身校服,咁應該年紀同我地相約。
但可惜佢地消失係車與人群當中,我亦認唔出個男仔係邊間學校。
我有衝動想追番去屋企望下。
諗深一層,其實關我咩事?
呢啲都係小櫻既私人事同空間,
我唔過問咁多都好合情合理,係咪?
雖然有咁既想法,但個心總係囉囉攣....
一個人係𘋢口沉思。
「小狼..」
其實我囉攣啲咩呢?
「小狼!」
唉......
「黃少朗!!!!!」
都係唔好諗咁多......
「黃少朗!!!!!!」
突然有從後推左我一下,
我個鼻撞左落𘋢門。
正當我想轉身屌柒條友既一刻,
我見到一副秀麗既瓜子臉。
原來係嵐嵐......
「你聾左!?」
「咁岩諗緊野。」
「又唔知係到幻想啲咩.....」
唉,無乜心機同佢嘈.....
「丫!薯條呀!!」
嵐嵐一手伸落我手中既m記袋到。
「黎小姐你都幾有禮貌......」
「大家咁熟就咪計啦。」
嵐嵐講呢番話既表達充斥著一陣麻甩味......
天使既面孔,麻甩佬既動靜。
呢種係咪傳說中既反差萌?
出𘋢後彷彿有種解脫感。
我坐係電腦前準備動漫送老麥既時候門鐘響起了。
我接門,
眼前係一塊奸猾既瓜子臉。
嵐嵐向我身後小櫻揮手。
「呢到無豉油借。」
我篤住嵐嵐既額頭。
「我都唔識煮飯,唔洗借豉油。」
「咁你落黎做咩?」
「我唔記得帶鎖匙........」嵐嵐搲搲佢塊瓜子臉。
「-.-」我....
「:p」嵐嵐。
「你地做咩企左係門口?」小櫻疑惑。
「Hi,小櫻姐姐。」嵐嵐突然賣萌。
小櫻雙眼發光推開我。
「入黎先啦。」小櫻拉住嵐嵐隻手。
「會唔會係咁呀?」
嵐嵐回望向住我奸笑....
我無奈地番左房....
一段時間後...
嵐嵐探頭入黎。
「又點-.-?」
「你間房好臭。」
「仆街!」
我追住嵐嵐。
「救命呀小櫻姐姐。」
嵐嵐攬住小櫻腰部。
「蝦女仔?」
「-.-.....好明顯佢蝦我。」
「你竟然誣衊一個咁可愛既女仔? 小狼你幾時變成咁?」
「可愛?-.-」
小櫻開始扮嬲.....
其實你先叫可愛....
我番房坐左陣,嵐嵐又走過入黎。
佢望一望我,向我笑一笑。
雖然唔知佢動機係咩,
但係佢身上搵到柔柔既身影。
曾聽說,
上帝閂左道門既同時,
會開番隻窗比你。
「黎若嵐你過過黎。」
「你叫我入房想點呀!?我未成年!!」
我走到嵐嵐身前,
伸手搣搣佢塊瓜子臉。
「果然無包包面咁搣。」我細聲道。
嵐嵐嬲到塊面紅晒。
「去死啦!!!變態佬!!!」嵐嵐踢我上五寸下五寸。
最後請左嵐嵐食M記佢先肯原諒我。
搣佢前一刻我好似真係當左佢係柔柔。
佢睇串左我諗法先咁嬲?
夜晚我走左落海旁跑步,
既然想入番足球隊,都要鍛鍊下。
純便散下心。
竟然比我係海旁見到一個曾經熟悉既身影。
佢手拖住另一個人既手,
幸福地笑著,專心仰望佢呢一刻最喜歡既人。
而我.....
靜默地係佢身旁跑過。
宣傳時間~~~~
最近開左個FB page,得閒黎吹下水,我間唔屎會update下~
https://www.facebook.com/kwokze/