某天我脫毒了，走上了情聖之路: 第七十二章 - 被我們擁抱的這一分鐘
正當主持人要宣佈開始既一刻.....
有一位女士從正進場，
呢位女士進場既一刻無做咩大舉動，
但就令全場因佢而變得鴉雀無聲.....
我諗大家同我一樣，
所有既專注力都被呢女士既花蓉月貌所吸引住...
「小狼你知佢會黎？」家樂問我。
我無回答家樂既問題。
「小狼！黃小狼！黃少朗！」家樂努地叫我。
我仍然無回應家樂。
繼續同佢對望。
彷彿靈魂都被佢雙眼所吸引住。
佢眼神好似話緊比我聽佢今晚係為我出現....
我本想走到佢身邊問佢點解會黎....
但大家彷彿對呢名港日娃娃著左魔一樣，
主持未宣佈開始佢就已經被圍實。
「小櫻！」我出盡力地叫佢。
可惜我好似隔山叫牛咁....
「黃少朗！？」一把陌生既聲音。
「思...思瑜！？」
「好彩無認錯人......」
「係，我有野搞...陣間傾.....」
「噢，不過你逼唔到埋去嫁啦。」
「無得我逼唔到！！！」
「嘩，你有無咁中意靚女呀？」
「唔係你諗咁，佢係我朋友黎！」
「咁真係慘...佢有排比人圍....」
我表現十分急躁。
「你唔好急，佢應該識handle自己既。」思瑜嘗試安撫我既焦急。
「唔得嫁，佢唔識拒絕人。」
無錯！小櫻而家一定好無助....
「個女仔叫咩名？」思瑜抆抆我手臂。
「佐佐木櫻。」我回答思瑜。
之後佢就跑左去。
隔左一段小時間，
台咪響起.....
「佐佐木櫻小姐恭喜你，你係今日既幸運兒，請盡快黎到台前..」
不愧係晴晴既朋友....同樣有住剛烈既性格.....
思瑜係台上招手。
「請問....我....係咩幸運兒？」小櫻。
「係！恭喜你獲得暖男一個！」
小櫻側側頭.....
「你咪亂講野啦......」
小櫻驚訝地轉身面向我。
「你地慢慢傾啦~」
思瑜話畢就離開。
後台只剩下我同小櫻，仲有一堆尷尬既空氣。
「你.....今晚好靚.....」我讚小櫻，但無直視佢。
「你都係......」小櫻回應。
隱約見到小櫻低著頭。
「不如......出去跳隻舞......」
荒寸大亂既我做出左個世上最差既邀請....
「嗯........」小櫻仍然低頭望住地。
我吞吞口水鼓起勇氣把手心遞向小櫻。
「..........May I？」
小櫻微笑地將佢手放到我手心上。
我地係後台隨著音起舞....
小櫻帶住甜美既笑容與我共舞。
也許我真係被小櫻既美貌所迷到？
定係我已經覺得困倦？
也許已經無法係呢種氛圍下繼續欺騙自己....
其實我一直......一直都.......
「小.....櫻......」
係小櫻本來就有一雙水汪汪既眼睛，
定係淚光....？
「小....小狼....我發覺真係好中意你....我知你心裡一直......已有愛既人，但我真係無法控制自己...小狼。」
小櫻用一雙滿載淚光既眼望住我。
其實我心裡一直中意小櫻，
我一直欺哄自己可以追番柔柔，
一直同自己講我最愛既人一定係柔柔。
但自小櫻出現....
同佢生活既點滴慢慢一步一步咁攀到心裡既高處。
我唔肯去承認呢份情感，
因為我一直認知自己最愛既人係柔柔，
如果承認呢份情感就等同於背叛左我對柔柔既感情。
好累....唔想再自欺欺人.....
我用雙手抱緊小櫻。
「小狼....」
「嗯，可以咩都唔講讓呢一分鐘永遠靜止，永遠屬於我同你好嗎？」
「嗯！」
就讓我地擁抱呢一分鐘....
擁抱真實既自己。