某天我脫毒了，走上了情聖之路: 第七十四章 - 翼
小櫻仍然捉住我手腕，
好似就連空氣都被佢隻握住一樣。
其實我係咪太眼訓所以聽錯？
但我手腕確實充分感受到小櫻既握力，
但....但我應該點回應呢份情感？
「Errrrr....」我搲搲頭。
「Sorry.....我又嚇親你.....對唔住.....」小櫻放開我手腕。
正當小櫻想轉身番房之際，我叫停左佢。
「小櫻！」
「係！」
我捉住佢雙手....「對唔住....我唔知點講...」
我望望地下，深呼吸一下....
「佐佐木櫻....做我黃少朗女朋友可以嗎？我中意你.....係第一次見你已經比你吸引住....多謝你陪我走過我最傷心既時刻....」
小櫻用行動阻止左我既說話，
用行動回答我既問題。
「小狼....。」
小櫻竟然流下眼淚，
窗外微弱既燈光照在小櫻既淚水，
流下來既一刻彷彿有流星劃過一樣。
「做咩喊？」
「無呀，太開心之嘛....嘻嘻」
原來係個傻妹喜極而泣...
究竟小櫻呢個傻妹有幾中意我?
我地各自沖完涼之後就番左房，
輾轉反側無法入睡，
只要合埋眼就見到小櫻....
好想搵佢，但怕嘈住佢訓教....
諗起小櫻岩岩個開心樣真係好治癒...
果陣仿如結衣bb既pure...真係J死人....
“登.....”
Wts app突然響起...
小櫻：［小狼訓左未？］
我：［未呀，做咩呀？］
隔左好幾秒就聽到敲門聲....
「我可以入黎嗎？」
我讓小櫻入黎，
佢坐係我張床，
我就坐係電腦上。
「發惡夢？」我問小櫻。
「唔係....我掛住你所以訓唔著....」小櫻面紅紅低頭望住自己膝頭。
「傻妹...」我摸摸小櫻既頭。
小櫻向我微笑。
真係好可愛！！！！
我忍唔住將小櫻抱入懷....
「小櫻.....」
「小狼.....你攬得好實...我抖唔到氣.....」
「啊！對唔住....有無整親你！？」
「無呀，唔洗擔心....」
小櫻真係生得好靚....
即頭可以出道做明星......
「小狼？」
「噢....sor.....掛住欣賞你個樣。」口快講左心果句。
「嘻....就係中意小狼既直率。」
小櫻輕輕錫左我臉頰一下。
搞到我唔敢直視小櫻.......
「怕醜？」
「唔.....唔係呀...」
小櫻又係到恥笑我.......
不過往後既我同佢會發展成點？
我同小櫻會白頭到老嗎？
「小狼不如今晚試下傾通宵？」
「你認真！？」
「嗯！」
不過傾之前有野應該問清楚小櫻先.....
「其實....小櫻呀.....你係幾時分手嫁？」
「噢....幾星期前掛......」
「好地地點解分手既？」
「Ummmmm，唔太夾....同埋我覺得佢有一個更中意既女仔係佢心入面。」
「心有第二個又同你一齊？」
「其實佢自己都唔察覺佢一直中意果個女仔。」
「噢....即係好似我咁。」
「你講咩話？」
「無.....無呀。」
小櫻真係好聽力咁都聽到。
「不過小狼呀...我都想問多次.....你真係中意我？咁你仲中意柔柔嗎？」
「咁當然啦....我同柔柔已成過去，可能以前陪我經歷種種事情既人係佢，但而家我已經有左你，我會好似"小狼"咁守護係你身邊!!!!」
「但據我所知“小狼”最後同“小櫻”係分隔異地....」
如小櫻所說，
係『tsubasa翼』裡面，
小狼因代價而必須進行旅行，
而家小櫻則要留係櫻之國，
兩人確實相愛，但沒法相守。
「但我講緊既係『百變小櫻』既“小狼”喎。」我反駁。
據『tsubasa翼』，男主角小狼係『百變小櫻』小狼同小櫻既親生子，
所以佢地同樣可以同到果個死人“羅庚”。
因為兒要繼承父親既力量，所以小狼將佢個名同魔力比左佢個仔。
（據我記憶就係咁。）
「你實知我肯嫁你？」
「咁我嫁你。」
「痴線...」小櫻笑住講。
小櫻笑容真係好靚......
「第時叫佐佐木少朗不知幾型！」
「咁我咪叫黃櫻？」
「哈哈！！！」
「唔准笑人呀！！」
「好...唔笑，通常嫁左人確實會跟老公姓，但係係自己個姓前面加丈夫個姓，所以你應該係叫黃佐佐木櫻。」
「係喎...」小櫻搲搲頭。
我摸摸小櫻個頭「傻妹。」
我地足足傾左一整晚。
大家唔洗估...
我的確同小櫻訓左晚，
但咩都無發生過....
醒番既時候已經見到小櫻煮好早餐等緊我。
我故事既新一章亦隨即展開。