某天我脫毒了，走上了情聖之路: 第七十八章 - 真相
我︰[我琴晚係嵐嵐屋企發現啲野]
柔柔︰[發現咩?]
我︰[琴晚送嵐嵐番屋企見到佢屋企入面張全家福有個同嵐嵐小小似樣既男仔]
柔柔︰[其實佢係嵐嵐既哥哥，但詳細你最好親自問嵐嵐]
我︰[Thx!!!]
睇黎都係要問嵐嵐本人....
我︰[係屋企?]
嵐嵐︰[yes]
我︰[肚餓嗎?]
嵐嵐︰[小小]
我︰[陪我買野食?]
嵐嵐︰[唔想郁]
我︰[咪咁懶]
嵐嵐︰[唔制!!]
我︰[黎啦]
嵐嵐︰[除非你請埋我食~]
我︰[OK....]
嵐嵐︰[咁好? 有咩企圖?]
我︰[無呀，我上黎接你?]
嵐嵐︰[仲要扮野上黎，你真係咁渴?]
我︰[頂，樓下等]
等一陣15分鐘終於見到嵐嵐。
「係咪終於覺得我靚想溝我?」嵐嵐第一句就咁講。
「你又自大症發作。」
「係自信~」
「都係一線之差姐.....」
「又要人陪又要串人，咩你咁仆街嫁。」嵐嵐斜睥我。
「係我仆街....」
「你今日做咩? 好嘔心.....」
「無得特別....」
「琴晚凍壞左個腦?」
「你就壞腦。」
頂.....忍唔住口....
嵐嵐企係到望我。
「都係呢個小狼順眼~」
講完就繼續向前行。
嚇得我....
希望計畫順利進行...
如我所料，
嵐嵐跟左我出lift。
「你做咩?」我問。
「你唔係要我陪完你買之後自己一個食?」
「哦。」
嵐嵐跟左我入之後，
放低外賣就撻左係梳化。
「食得啦~」我從膠袋拎左啲外賣出黎。
嵐嵐摸摸我側額。
「又做咩?」我問。
「你今日搞咩? 平時你一定會怨尻我懶唔幫手。」嵐嵐開始懷疑。
「你都知你懶....」
「嘻~咁大哥哥要照顧小妹妹嘛~」嵐嵐扮可愛。
「係...係....」
嵐嵐突然用薯條叉左落我鼻窿....
「大!佬!...你搞咩? 我成個鼻窿都係鹽....好撚咸....」
「搞咩? 呢句應該係我問，你條吝嗇撚又請食野又服侍周到咁...你講你有咩企圖?」嵐嵐雙手攬住自己。
我將當日我孭完佢番屋企，見到佢屋企張全家福既事講左佢聽。
嵐嵐聽完之後，
低頭靜左好幾分鐘。
「嵐嵐?」我拍拍佢肩膊。
「BU!!!」嵐嵐想嚇我。
「嚇倒你呢?」嵐嵐自信滿滿。
佢.....強顏歡笑緊?
呢張笑臉下究竟隱藏幾多既悲傷?
「嵐嵐。」
我順著我叫佢既聲音，將佢抱入我懷中。
嵐嵐屬於比較矮少果類，
佢身高只到我既心口。
嵐嵐雙手攬實我腰間，
發出陣陣既啜泣聲.....
邊輕掃佢既頭，邊聽住嵐嵐既喊聲。
「你摸完未呀變態佬?」嵐嵐望上黎。
「喊完啦? 大喊包。」
「係呀! 所以你放得手。」
嵐嵐塊面紅得好犀利。
究竟係喊得太勁，定抑或係....
算，唔諗太多。
「咁你可以話比知咩事未?」我問。
嵐嵐嘆一嘆氣就徐徐道出整件事。
「屋企相入面係大我一年既哥哥，雖然佢成日整蠱我，但好錫我，佢從唔會比人蝦我，每一日都會同我玩.....」
嵐嵐講到一半又開始忍唔住淚水。
我遞上紙巾。
「咁之後呢?」
嵐嵐接過之後繼續陳述。
「哥哥係個好叻既男仔，讀書叻運動強，仲哄得爸爸媽媽親戚好開心，
但...但有.....有一日佢突然係學校操場暈左，之後送去醫院就證實有腦癌....
雖然搏鬥左幾年，但最後都比癌魔帶走左...」
嵐嵐講完就不斷喊....
「我....我...我仲好掛住哥哥呀....」
無失去過至親既我，
完全唔知可以點樣安慰眼前既嵐嵐。
一直笑容滿面，大情大聖既嵐嵐....
我唔知那來既念頭同衝動，
再一次攬住嵐嵐。
第一次見嵐嵐喊到聲嘶力竭...
本來想追問點解佢咁中意痴住我，
但見到咁既狀況....
一來，佢喊到咁....
二來，唔問都估佢係將我同佢哥哥既身影重疊左...
過左一陣，
嵐嵐無再發出喊聲，
更無發出其他聲音。
我以為佢死左，
但佢竟然喊到訓著左....
我公主抱起左嵐嵐，
將佢安放左係空房入面既床上。
然後之後自己走出房門食埋個M記佢。
「我應承你，我會努力繼續做你哥哥既身影。」我係房門前回頭望望嵐嵐。