第一場波終於開始左,大家都好專心係個比賽到。
唯獨我係到周圍望,望下柔柔,又望下樂瑤,又望下卓芝。即係目及女。
發覺卓芝都係到望緊我。
當我同佢既視線連接上既時候,

「加油。」佢做口形比我睇。
我點下頭就無再望過去,專心培養心情。

睇完四場之後,終於到我地。
我同黑豹擲銀仔估公字。


佢要左開波,我地揀場。
我揀左可以比柔柔同樂瑤近距離望到我既一邊。

「小狼加油!!!!! 」樂瑤大聲叫。

呢叫又引起全場既哄動。
我向佢揮下手就算。
唉,點解佢咁中意高調行動。

而柔柔就只係向我微笑左一下。



回過神黎,準備開波。
我果邊阿謙打前,阿輝同搭單既同學a打中場,
同學b打左閘,阿豪打中堅,我打右閘,肥森守龍門。
黑豹隊當然係打前鋒,其餘三個校隊就打中場同左右閘。

雞聲一響,比賽正式開始。
黑豹一拎到波就前衝,果然人如其名,同豹一樣快。
一野就爆開左阿謙同阿輝。
係阿豪攔截佢之際,佢將個波傳比佢左邊既隊友。


可惜比我識穿左,我截到佢個波就大腳交比阿謙。
可惜佢控唔點高空波,結果又比人搶番。

佢地搶到波之後就由右路開始進攻,同學b比黑豹扭到失晒位同跌埋係到。
大大個空位比黑豹食放題,我試圖剷埋去,可惜趕唔切。
“啪” 一聲,肥森接住左個波。

「小狼!! 」肥森大叫。

我向前跑,佢掟個波我。估唔到黑豹死追過黎,仲撞到我成個訓左係地。
場上傳黎陣陣噓聲,我見到卓芝咬牙切齒咁企左起身。
我企圖用罰球打開紀錄,但無功而回。
反而比佢地打反擊。
佢地既攻擊重心果然係黑豹,而且佢地狂攻右邊,盡量避開我既防守區域。
同學b同阿豪比佢地猜到亂晒,我衝入去打破左佢地既三角短傳,一人帶波直爆。


我同黑豹既速度差唔多,我同佢跑既同時展開激烈既身位戰。

「死開啦! 豆腐! 」佢”得”開我講。

畢竟黑豹既身形比我高大,我身位上完全輸左比佢。
佢同佢中場隊友黎左個one two撞牆,就埋門起腳抽射,可惜射唔中龍門。
我地完全陷入苦戰,佢地已經有幾個射門,我地只係攻過一次。
再係咁實會輸。

阿豪同同學b已經無咩體力。但如果我走去左閘果邊補位,右閘就會空晒。
唔理得咁多,我地靠呢個龍門球全力一攻。

「肥森,比阿豪」我指示肥森。

我再示意交番比我,之後我推落底,佢地中場向我作出攔截。


我用巴爾神技,一推! 傳左比三秒後既自己,再推番中間,我眼前一黑。

「啊!!!!! 」黑豹炒尻我芥蘭,我痛到訓撚左係到。

長毛吹罰黑豹,但我痛到企唔番起身,全場哄動。

「死豆腐,咪扮撚晒野! 」黑豹指住我。

「呢位同學,請控制你情緒。」長毛球證上身咁同佢講。

我痛緊既時候我離遠見到樂瑤好擔心我。

「你有無事呀? 」柔柔突然間出現係我面前,雙眼通紅。

「無事。」我企番起身,柔柔呢個樣令我好心痛。


同時黑豹呢下浸犯完全激發我既小宇宙。

「柔柔乖,番去坐坐先,我三分鐘內會搞點呢班契弟。」

柔柔點下頭就番左去。
我同黑豹對望住,佢顯然用鄙視既目光望住我。

比賽再度開始,我決定直射呢球罰球,不過目標唔係龍門,而係黑豹。
黑豹比我射中左個頭出界,佢就成個趴左係地。全場一齊笑勁佢。

「踢波定踢人呀? 」黑豹嬲到仆街指住我。

我笑左佢一下就碌番去自己既右閘位,我雙眼釘到個波實一實。
我睇準機會跑出去,截住左佢地既傳球,直爆落禁區頂,右腳一射。
你老味中眉彈出,我又要跑番去防守。攻擊型既後衛真係辛苦。


佢地呢下反擊有好大要脅性,雖肥森撲出左黑豹勁射,但差啲比佢另一位隊友執到雞,
好彩阿豪截得靚,清左個波出界。

因為個波個我果邊出界,所以佢地被逼係我既防守區進攻。
佢地開界外球比黑豹,黑豹推左兩野就想重砲直射。

「想射波,你番歸射精啦。」我大叫。

我地同時間踢中個波,個波夾左係我同佢隻腳既中間,因為沖力太大,個波飛左上半空。
黑豹跳高想控定個波,我就後退左半個身位。
我好清楚知道自己無可能同佢鬥身位搶呢球,我唯有捉佢控完波果下落地既空檔位。
佢落地果下,我”滴”走左個波。
我帶住個波係底線大爆,我同佢又並肩身位戰。
但今次我無咁蠢同佢硬碰硬。
我帶住波急停,佢剎唔切制,遠離左我兩三個身位。
我立即傳波比阿輝,我再向前走位,阿謙落左黎幫阿輝。
我打橫走左去左邊,嘗試拉出空位,憤怒既黑豹仍然跟住我跑,
阿輝向右前跑,接應阿謙傳球,阿輝傳個波入間,我走入中路,控到唔控就起腳射。
仆你個街,迪基亞幾時入黎左讀書? 咁近都撲到,佢地後衛大腳清上前。
黑豹向住個波直跑,佢離我太遠,輪我再快都無可能追到。
點知有條友一腳係我果邊既半場清番個波黎呢邊,可惜出左界做唔到助攻。

「你估你紐亞呀? 走咁出,踢晒半場丫笨。」我對住肥森大罵。

「仆街,認真啲啦,你未盡力就唔好咁多野講。」肥森鬧番我。

佢講得岩,我的確未用盡出力。
黑豹的確好強,不過相比起以前果班師兄就實在差太遠。
我成為傳奇,並唔係我打過正選,而係我曾經一個傳奇式既入球。

等待龍門球既時候,我碰唔係企係右閘位,我企前左少少,
然後雙膝微微屈曲,做一個準備起跑既動作。
龍門球一開出,我就係黑豹準備接波之際,跑左去佢前面,快速偷左佢粒波。
面對佢隊友一個個既攔截,我無用任何插花呢啲花巧野,我只係左右腳單純咁快速盤球。
左左右,右右右左左,成功爆過所有攔截,同龍門一打一,
我左腳一起,交比右腳,諗都無諗就即刻射,龍門以為我用左腳射,無諗過我射之前都要盤多下,結果死角入網。全場尖叫。
長毛吹起哨子聲完場,呢場戰役終於結束。黑豹仲呆左係禁區頂。

「你係隊中一支好強既矛,但可惜我唔單祗係盾,我仲手持有力既矛,我就係矛與盾,番去問下啲師兄,點解我會有一場正選。」我埋去同黑豹講勝利宣言。

佢都心服口服咁無出聲反駁。

「小狼你真係好勁!!!!」樂瑤衝同黎攬住我講。

柔柔行過黎遞左支水比我。
有時覺得柔柔仲似係我女朋友多啲。

「Sor,我無係三分鐘內搞點佢。」我同柔柔講。

「你已經好勁嫁啦。」柔柔既說話總係令我覺得好暖心。

我地都無睇之後既比賽,換完衫就走。
樂瑤話想同我一齊食埋飯先番屋企。陪女朋友食飯好平常,我都無拒絕到。
我地行陣街就去食飯,食飯既時候,樂瑤問左一個我好難答既問題。













我三分鐘內會搞點呢班契弟。