某天我脫毒了，走上了情聖之路: 第二十四章 - 越界

呢一吻維持左數分鐘。
我地慢慢離開大家既雙唇，視線再一次接合。

「對唔住。」卓芝雙眼通紅。

我將自己既額頭緊靠係佢既額頭到，合上雙眼。

「傻妹。」我撫摸佢既後尾枕安試圖撫佢既心靈。

「小狼，我………….」我用我既吻制止佢既說話。



佢無反抗，反而配合我既動作。
我地再次淘醉呢一場遲來既擁吻。
我感覺到卓芝既身開始擅抖。
我微微既推開佢，發現佢係到喊緊。

「做咩喊?」我溫柔咁問佢。

「對唔住呀小狼!」佢喊住咁轉身跑左去。



我望佢跑向大廈既身影，無動於衷。
短暫既甜蜜就咁樣結束左。
今日回家既心情特別複雜。
佢既吻令我覺得甜蜜，佢既離去令我感憂傷。
師父我好亂呀!!!!
但好肯定既係佢將我埋藏多年既感情一下子勾晒出黎。

第二朝我嘗試wts app卓芝。
「個頭有無痛?」



開頭我以為佢會應，但等左成日都無應過我。
結果成個週末卓芝都無之應到我。
我就打機打足兩日。
星期一見到面先再睇下點。星期一我精神奕奕咁彈左起身番學。
希望一番到去就見到卓芝。
我一落就乜都無理急步衝番去。

「吖!」一個女仔大叫。

小喇叭我次次趕時間都撞到人。

「sor 呀你有無事。」原來又係柔柔比我撞親?

「你做咩咁趕? 有排先夠鐘喎。」柔柔問我。



「我心急番去搵人問野姐。」

「咁你快啲行啦，我無事呀。」柔柔真係善解人意。

我好快就衝左入班房，雖然卓芝未番到，但我都好興奮咁期盼住佢入課室。
時間一秒秒咁過，我既希望就一滴滴咁流走。
鐘聲響起，我仍然未見到卓芝既身影。
失落感一湧而上，好耐無試過咁想見到林卓芝呢個女人。
卓芝不在，全日都覺得好空虛。

我成條乾屍咁呆望住前面，郁都唔郁下。
食晏果陣只係食左少少野就算。
肥森佢地都有問我咩事，但唔通我同佢地講咩。
因間班友實煩住我。



我全日就坐係班房同柔柔wts app。
其實我都唔知點解可以同佢咁多野講。
你問番我同柔柔傾左啲咩，我答你唔到。
我地都係傾啲好無聊既野，無聊到果頭傾完，呢頭就會唔記得。
不過柔柔有時講啲野都幾悶下。(作者: 如果本人睇到既話，應該會打柒我- -“)

「今晚可以陪我食飯嗎?」突然收到卓芝wts app。

你老祖個菩提老母!! 終於捨得搵我啦咩?
因為我太心急，已經唔想再講咩矜唔矜持。
我一口就答應左。佢叫左我放學就去佢屋企樓下等佢。
我覺得奇怪既係，點解唔叫我直接去餐廳等，而係去佢樓下。
我去到佢樓下就wts app叫佢落黎。
我開頭真係懷疑佢整蠱我。
直至佢落到黎果陣，個樣異常地辛苦。



「你無事嗎?」我跑埋去問佢。

「我個肚好痛。」

「咁仲去睇醫生!?」

「我咪就係叫你黎陪我去囉。」無論卓芝有幾痛都好，都無阻佢既殘雞。

我扶住佢同佢去睇醫生。
卓芝每行一步都相當艱難，做女仔真係辛苦。

「你點解叫你屋企人同你黎?」係診所等拎藥果陣問卓芝。

「你知我呀爸係大陸做野，我呀媽工作又忙，我細佬比少啲麻煩已經好好仲話陪我。」



其實卓芝咁鬼惡都唔關佢事，佢呀媽呀爸成日都咁忙，佢好自然要做晒所有野。
佢唔保護自己同佢細佬，就無人保護佢地。
出左診所之後佢竟然痛到行唔郁，係無辦法低下，我唯有孭佢番去。

「我重唔重?」卓芝怕怕羞羞咁問。

「好撚重。」

佢一巴車落我個頭到。痛到我差啲跌左佢落地。

「你小心啲! 咪跌我落地呀! 」

「咁你唔打我咪無事囉。」我地一路行一路嗌，就好似早兩日既事完全無發生過咁。

直至入左屋，我就緩緩咁放左佢落梳化。
入廚房勘左杯暖水比佢。

「係喎，你屋企人今晚唔同你食飯?」我問卓芝。

「我呀媽上左去搵我老豆，細佬趁機去左同學到訓。」

「咁今晚咪得我同你!?」我眼都凸埋。

「咪亂諗野，我食完藥抖一陣就落去食野。」我又比卓芝睇穿左。

我同佢是但揀左套戲黎睇。都係想攝下時間姐。

「你呢兩日做咩唔覆我wts app既?」我差啲唔記得問佢。

「因為我想冷靜下。」

「咁即係你而家冷靜完啦。」

「係掛。」

「咁你今日做咩唔番學?」我繼續追問佢。

「好明顯啦!!」佢指住自己個肚。

「咁殘雞即係無事啦?」

「你食屎啦!!」卓芝追住我黎打。

不過卓芝間屋唔太大，所以走動既空間唔太。
我好快比佢捉到。
我捉住佢對手唔比佢打我。
我將佢一野掟左落梳化。

「想打老子，你慳啲啦死磨碌!!」

我見佢縮埋左一二邊，好似好辛苦咁。
唔通我整親佢?

「喂，你有無野?」我行埋去拍一拍佢。

佢捉住我隻手，用佢隻鳳爪伸左我一腳。
之後撳左我落地，坐左係我上面，然後雙手叉住我條頸。
條磨碌咁純熟一定食過夜粥!!
我今日輸比佢，他日呢單野揚左，我仲洗出黎行既!!??
不過我唔會打女人，但我可以防守嫁嘛。
我用對手攝係佢對手手肘中間，
然後出力好似分紅海咁分開佢兩隻手手肘，拍關節雖然係尻啲，總好過拉拉扯扯整痛佢。
佢雙手分開左，但我無諗過佢會失平衡向住我個頭撞埋黎。
好彩我對手夠快，勉強夠時間係撞落黎之前托住佢膊頭。

我無出力托番佢上去，因為我同佢個頭又好近。
令我諗起星期五晚既一吻。地球彷彿停止左轉動咁。
卓芝都用番佢雙手支撐番自己，但佢有成大半個人訓左係我身上。
雖然隔住件衫，但我都感覺到佢微弱既體溫同佢獨特既體香。
我忍唔住錫左佢一下，不過只係蜻蜓點水式。
我地再次對望住，佢雙眼話比我聽佢仍然諗緊星期五既事。
我地始終敵唔過自己既感情，我地再次擁吻。
由於佢成個人，係我上面，我係有強烈既反應。
擁吻完我地對望住並且發出左強大既喘氣聲。
我同佢既理性已經開始完全被吞噬。

「我地係咪唔應該咁做?」我用我緊餘既理性問呢條問題。

佢咩都無講，只係伏左係我身上。
好彩我臨涯勒馬無做錯事。
佢伏左一陣就起番身。
我地見冷靜左一段時間就出左去食飯。
經過今日，我同佢既關係又變得更加複雜。
我對佢又多左一種暇想。